Բուֆֆալոյի պատմության թանգարան

Բուֆֆալոյի պատմության թանգարան
Տեսակ	թանգարան
Երկիր	ԱՄՆ
Տեղագրություն	Բուֆֆալո
Հիմնադրվել է	1901
Կայք	buffalohistory.org(անգլ.)

Բուֆֆալոյի պատմության թանգարան (անգլ.՝ Buffalo History Museum), թանգարան, որը գտնվում է ԱՄՆ-ի Նյու Յորք նահանգի Բուֆֆալո քաղաքում։

Պատմություն

Հիմնադրվել է 1901 թվականին, Բուֆֆալոյի պատմական միավորման կողմից (ստեղծվել է 1862 թվականին), որը 1960 թվականից կոչվել է Բուֆֆալոյի և Էրի շրջանի պատմական միություն։ Եվ՛ թանգարանը, և՛ ընկերությունը 2012 թվականի հոկտեմբերի 25-ին կոչվել են Բուֆֆալոյի պատմության թանգարան^[2]։ Բոլոր երեք հարկերում էլ կան ցուցանմուշներ, ունի գիտական գրադարան, որտեղ պահվում են ավելի քան 100.000 իրեր։

Շինությունը, որում գտնվում է թանգարանը, կառուցվել է 1901 թվականին, որպես Նյու Յորք նահանգի տաղավար (New York State Building) պանամերիկյան ցուցանմուշների համար և դարձել է ցուցահանդեսների միակ պահպանված կառույցը, իսկ մնացածը տեղափոխել են։ Ցուցահանդեսի վերջում այնտեղ է տեղափոխվել Բուֆֆալոյի պատմական միությունը։

Շինության նախագիծը նախագծել է ճարտարապետ Ջորջ Քերին, նրա հարավային սյունասրահը հիշեցնում է Աթենքի Պարթենոնը։ 1987 թվականին շինությունը դառնում է ԱՄՆ-ի ազգային պատմական հուշարձան^[3]։

Ֆասադի ճակտոնը նախագծել է քանդակագործ Էդմոնդ Ամաթեյսը։