Բորիս Զայդենբերգ

Վիքիպեդիայից՝ ազատ հանրագիտարանից
Jump to navigation Jump to search
Բորիս Զայդենբերգ
Ծնվել էմայիսի 21, 1929(1929-05-21)
ԾննդավայրՕդեսա, Ուկրաինական ԽՍՀ, ԽՍՀՄ
Մահացել էհոկտեմբերի 20, 2000(2000-10-20) (71 տարեկանում)
Մահվան վայրՕդեսա, Ուկրաինա
ԿրթությունՈւզբեկստանի արվեստի ինստիտուտ
ՔաղաքացիությունFlag of the Soviet Union.svg ԽՍՀՄ
Flag of Ukraine.svg Ուկրաինա
Մասնագիտությունդերասան և թատերական ռեժիսոր
Պարգևներ և մրցանակներՌԽՖՍՀ վաստակավոր արտիստ

Բորիս Զայդենբերգ (ուկր.՝ Зайденберг Борис Ілліч, մայիսի 21, 1929(1929-05-21), Օդեսա, Ուկրաինական ԽՍՀ, ԽՍՀՄ - հոկտեմբերի 20, 2000(2000-10-20), Օդեսա, Ուկրաինա), թատրոնի և կինոյի ուկրաինացի դերասան, ՌԽՖՍՀ վաստակավոր արտիստ 1961 թվականից[1]։

Կենսագրություն[խմբագրել | խմբագրել կոդը]

Բորիս Զայդենբերգը ծնվել է 1929 թվականի մայիսի 21-ին Ուկրաինական ԽՍՀ-ի Օդեսա քաղաքում։ Նախնական և միջնակարգ կրթություն ստանալուց հետո ուսումը շարունակելու նպատակով մեկնում է Ուզբեկստան և 1950 թվականին ավարտում Ալեքսանդր Օստրովսկու անունը կրող Տաշքենդի թատերա-նկարչական ինստիտուտը։

1953 թվականին, որպես դերասան սկսել է աշխատել Մագնիտոգորսկի Պուշկինի անվան դրամատիկական թատրոնում, 1953-1962 թվականներին՝ Բրյանսկի երկրամասի դրամատիկական թատրոնում, իսկ 1962-2000 թվականիններին՝ Իվանովի անվան Օդեսայի ռուսական դրամատիկական թատրոնում։

Կինեմատոգրաֆիայի ասպարեզում Բորիսն իր գործունեությունը սկսել է 1965 թվականին, երբ կատարել է Եմելյանովի դերը «իժը» ֆիլմում։

1961 թվականին ստացել է Ռուսաստանի Խորհրդային Ֆեդերատիվ Սոցիալիստական Հանրապետության վաստակավոր արտիստի կոչում։ Հայտնի է եղել նաև, որպես ռեժիսոր։ Օդեսայի ռուսական դրամատիկական թատրոնում, Օդեսայի երաժշտա-դրամատիկական թատրոնում և Օդեսայի օպերային դահլիճում ցուցադրել է շուրջ 30 հեղինակային թատերախաղ։

Բորիս Զայդենբերգը մահացել է 2000 թվականի հոկտեմբերի 20-ին Օդեսայում՝ 71 տարեկան հասակում[1]։

Ծանոթագրություններ[խմբագրել | խմբագրել կոդը]

  1. 1,0 1,1 «Բորիս Զայդենբերգ՝ ուկրաինացի դերասան և ռեժիսոր»։ odesskayakinostudiya.narod.ru։ Վերցված է 2017-05-16