Բողկուկ Սպասկայա
| Բողկուկ Սպասկայի | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Կաղամբածաղկավորներ (Brassicales) |
| Ընտանիք | Կաղամբազգիներ (Brassicaceae) |
| Տրիբա | Cardamineae |
| Ցեղ | Բողկուկ (Rorippa) |
| Տեսակ | Բողկուկ Սպասկայի (R. spasskajae) |
| Միջազգային անվանում | |
| Rorippa spasskajae | |
Բողկուկ Սպասկայա (լատին․՝ Rorippa spasskaya), խաչածաղկավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում[1]։
Նկարագրություն[խմբագրել | խմբագրել կոդը]
30-40 սմ բարձրությամբ, ուղիղ կանգնած ցողուններով միամյա խոտաբույս է։ Տերևները պարզ են, ծաղիկները՝ դժգույն դեղին։ Պատիճները երկարավուն-էլիպսաձև են և ունեն 5-7 մմ երկարություն, 3-4 մմ լայնություն[1]։
Տարածում[խմբագրել | խմբագրել կոդը]
Հանդիպում է միայն Զանգեզուրի ֆլորիստիկական շրջանում, Որոտանի վերնագավառում[1]։
Էկոլոգիա[խմբագրել | խմբագրել կոդը]
Աճում է ենթալպյան գոտում՝ ծովի մակարդակից մոտ 2000 մ բարձրության վրա, գետերի ափերին։ Ծաղկում է հուլիս ամսին, պտղաբերում՝ օգոստոսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Հայաստանի էնդեմիկ է։ Հայտնի է ընդամենը մեկ պոպուլյացիա, որի տարածման և բնակության շրջանների մակերեսը 10 կմ²-ից պակաս է։ Տեսակին կլիմայի փոփոխության և աճելավայրերի պայմանների փոփոխության պատճառով սպառնում է տարածման և բնակության շրջանների կրճատում։ Հայաստանի Կարմիր գիրքի առաջին հրատարակության մեջ ընդգրկված չէր։ Ընդգրկված չէ CITES–ի և Բեռնի կոնվենցիաների հավելվածներում։
Պահպանություն չի իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
|
|