Բոլորը խենթանում են Մերիի համար (անգլ. There's Something About Mary, այլ կերպ անվանումը` «Ինչ-որ բան Մերիի մասին»), ռոմանտիկական կատակերգություն Բոբբի և Պիտեր Ֆարելլի ռեժիսորների կողմից։
Տեդը չէր կարողանում մոռանալ իր դեռահաս տարիքի սիրուն` Մերի անունով։ 13 տարի հետո ժամադրության խայտառակ ավարտից հետո Տեդը որոշում է գտնել Մերիին և վարձում է դետեկտիվ` Պետ Խիլիին։ Պետը գտնում է Մերիին Մայամիում, բայց սիրահարվելով նրան` ստում է իր մրցակից Տեդին։ Սակայն, միայն նրանք չէ, որ խելագարվում էին Մերիի համար։ Պիցցայի առաքիչը` Նորմանը, վաստակելով Մերիի վստահությունը, նույնպես կիրք էր զգում նրա հանդեպ։
Տեդը իմանում է ճշմարտությունը իր հին դպրոցական ընկերոջից և ուղևորվում է դեպի Մայամի և հանդիպում է Մերիի հետ։ Ամեն ինչ լավ էր ընթանում, սակայն Մերին մի անանուն նամակ է ստանում, որտեղ գրված էր, որ դետեկտիվ Պետը հետևում էր նրան Տեդի պատվերով։ Նամակը գրել էր Տեդա Դոմը, ով պարզվեց, որ ֆանատիկորեն սիրահարված էր Մերիին երիտասարդության տարիքից սկսած։ Այս ամենին ավելանում է նաև այն, որ հայտնվում է Մերիի նախկին ամուսինը` ֆուտբոլի աստղ Բրետ Ֆավրը։ Ի վերջո Տեդը որոշում է ետ կանգնել Մերիին գրավելու ծրագրերից։ Նա հրաժեշտ է տալիս Մերիին և հեռանում` արցունքն աչքերին։ Մերին հասնում է նրան և հայտնում, որ ավելի երջանիկ է հենց Տեդի հետ։