Խանդի Ալեքսանդեր
| Խանդի Ալեքսանդեր | |
|---|---|
 | |
| Ծնվել է | սեպտեմբերի 4, 1957[1] (66 տարեկան) |
| Ծննդավայր | Նյու Յորք, Նյու Յորք, ԱՄՆ[1] |
| Քաղաքացիություն |  ԱՄՆ |
| Կրթություն | Queensborough Community College? և Springfield Gardens High School? |
| Մասնագիտություն | հեռուստատեսային դերասանուհի, կինոդերասանուհի, պարուսույց, պարուհի և թատրոնի դերասանուհի |
 Khandi Alexander Վիքիպահեստում | |
Խանդի Ալեքսանդեր (անգլ.՝ Khandi Alexander, սեպտեմբերի 4, 1957[1], Նյու Յորք, Նյու Յորք, ԱՄՆ[1]), ամերիկացի դերասանուհի, խորեոգրաֆ և պարուհի։
Վաղ կյանք[խմբագրել | խմբագրել կոդը]
Խանդի Ալեքսանդերը ծնվել է Նյու Յորքում։ Queensborough Community College-ում կրթություն ստանալուց հետո հայտնվել է մի քանի բրոդվեյ մյուզիքլներում[2]։ 1988-1992 թվականներին՝ իր համաշխարհային շրջագայության ընթացքում, Ուիթնի Հյուսթոնի կողմից նշանակվել է խորեոգրաֆ[3], ինչպես նաև հայտնվել է մի քանի ֆիլմերում և երաժշտական տեսանյութերում[2]։
Կարիերա[խմբագրել | խմբագրել կոդը]
Իննսունական թվականների սկզբին Խանդի Ալեքսանդերը կենտրոնացել է իր դերասանական կարիերայի վրա և սկսել է ակտիվորեն հայտնվել կինոյում և հեռուստատեսությունում։ Նկարահանվել է այնպիսի ֆիլմերում, ինչպիսիք են «ՍիԲի 4. Չորրորդ կապալ», «Ջոշուայի ծառը», «Սպառնալիք հասարակությանը», «Ինչ կարող է անել սերը», «Բանաստեղծական արդարություն», «Շուգար Հիլ», «Տնային խնջույք 3» և «Ագահություն»։ 1995 թվականին ստացել է «Լրատվական ռադիո» կատակերգական սերիալի կենտրոնական դերերից մեկը, որտեղ նկարահանվել է չորս եթերաշրջանների ընթացքում։ Նույն ժամանակահատվածում «Շտապ օգնություն» հայտնի հեռուստասերիալում սկսել է կատարել Ջեքի Ռոբինս դերը[2]։ Նաև հայտնվել է «Օրենք ու կարգ։ Հատուկ կորպուս», «Նյու Յորքի ոստիկանություն» և «Նրա անունը Նիկիտա է» սերիալներում։
Ալեքսանդրը 2000 թվականի HBO հեռուստաալիքի «Անկյուն» քրեական մինի-սերիալում գլխավոր դեր է խաղացել, որի համար բազմաթիվ դրական արձագանքներ է ստացել քննադատներից, ինչպես նաև արժանացել է մի քանի մրցանակների[2]։ 2002 թվականին Հանդի Ալեքսանդրը «C.S.I.: Մայամիի հանցագործության վայրը» հեռուստասերիալում ստացել է կորոներ Ալեքս Վուդսի դերը, որտեղ նկարահանվել է մինչև 2009 թվականը՝ շոուից հեռանալը։ Միաժամանակ նկարահանվել է «Կատարյալ ծրագիր», «Սև նշան», «Անիծված սեզոն», «Կատարյալ օտարներ» և «Նորածինը» ֆիլմերում։
2010 թվականին Ալեքսանդրը ստացել է HBO հեռուստաալիքի «Տրիմեյ» դրամատիկական հեռուստասերիալի գլխավոր դերերից մեկը։ Շոուն շարունակվել է մինչև 2013 թվականի վերջը։ 2012 թվականին «Հետաքննություն մարմնի վրա» հեռուստասերիալի երկու դրվագներում եղել է հրավիրված աստղ։ 2013 թվականին Շոնդա Ռայմսը Ալեքսանդրին հրավիրել է իր «Սկանդալ» հեռուստասերիալում կատարելու գլխավոր հերոսի մոր դերը[4][5][6]։ 2015 թվականին դերի շնորհիվ առաջադրվել է «Էմմի» մրցանակի[7]։ 2015 թվականին Քուին Լաթիֆայի և Մո՝Նիկի հետ միասին նկարահանվել է «Բեսսի» ֆիլմում։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Deutsche Nationalbibliothek Record #1045117463 // Gemeinsame Normdatei (գերմ.) — 2012—2016.
- ↑ 2,0 2,1 2,2 2,3 «Khandi Alexander- Biography». Yahoo!. Արխիվացված է օրիգինալից 2012 թ․ սեպտեմբերի 19-ին. Վերցված է 2012 թ․ ապրիլի 24-ին.
- ↑ «Biography for Khandi Alexander». Արխիվացված է օրիգինալից 2012 թ․ սեպտեմբերի 19-ին. Վերցված է 2012 թ․ ապրիլի 24-ին.
- ↑ 17 HRS (2011 թ․ նոյեմբերի 17). «'Scandal' Casts 'Treme' Star to Play Olivia's Mother (Exclusive)». Hollywoodreporter.com. Վերցված է 2013 թ․ նոյեմբերի 6-ին.
{{cite web}}: CS1 սպաս․ թվային անուններ: authors list (link) - ↑ «Khandi Alexander Will Play Olivia Pope's Mother On 'Scandal' | Shadow and Act». Blogs.indiewire.com. Վերցված է 2013 թ․ նոյեմբերի 6-ին.
- ↑ Slezak, Michael. «Scandal Season 3: Khandi Alexander Cast as Olivia's Mother — Is She Alive?». TVLine. Արխիվացված է օրիգինալից 2013 թ․ նոյեմբերի 6-ին. Վերցված է 2013 թ․ նոյեմբերի 6-ին.
- ↑ «Emmy Award Nominations: Full List of 2015 Emmy Nominees». Variety. 16 июля 2015. Վերցված է 2015 թ․ հուլիսի 17-ին.
 | Վիքիպահեստն ունի նյութեր, որոնք վերաբերում են «Խանդի Ալեքսանդեր» հոդվածին։ |
| ||||||||||||||||
