Բշտիկապտուղ Բռնչիատերև (լատին․՝ Physocarpus), տերևաթափ թուփ է ունի 3մ բարձրություն, աղեղնաձև ճյուղերով, որոնք ծածկված են դարչնագույն, բարակ շերտերով անջատվող կեղևով։ Տերևները 3-5 բլթականի են, ատամնաեզր, կլորաէլիպսաձև, 2-4 սմ երկարությամբ։ Միջին բլթակը ավելի երկարացած է, մերկ են, վերևից կանաչ, ներքևից ավելի բաց գույնի։ Ծաղկում է մայիսին իսկ պտուղները հասունանում են սեպտեմբեր-հոկտեմբերին։ Պատկանում է վարդազգիներ ընտանիքին։
Հողի նկատամամբ պահանջկոտ չէ, ամենուրեք լավ է աճում։ Բավականին դիմացկուն է երկարատև չորությանը, շոգին և ցրտին։ Բազմանում է սերմերի միջոցով, կտրոնավորմամբ և թփի բաժանման եղանակով։
Հայաստանում բնականորեն չի աճում, սակայն մշակության պայմաններում աճեցվում է բռնչիատերև բշտիկապտուղը (P.opulifolia (L.)), որը հայտնի է որպես տերևաթափ թուփ՝ մինչև 2-3 մ բարձրությամբ։ Տերևները 3-5 բլթականի են։ Ծաղիկները սպիտակ են կամ վարդագույն։ Ծաղկում է մայիսին, պտուղները հասունանում են սեպտեմբեր - հոկտեմբերամիսներին։ Բնականորեն տարածված է Հյուսիսային Ամերիկայում։ Հողի նկատմամբ քիչ պահանջկոտ է, չորադիմացկուն և երատադիմացկուն է, լուսասեր։ Կիսանապատային գոտու խիստ ցամաքային կլիմայի պայմաններում լավ է դիմանում, պիտանի է այդ գոտու բնակավայրերի կանաչապատման մեջ օգտագործելու համար։
