Բերգենի ֆիլհարմոնիկ նվագախումբ

Բերգենի ֆիլարմոնիկ նվագախումբ
Գրիգի համերգասրահի շենքը, որտեղ նվագում է Բերգենի ֆիլարմոնիկ նվագախումբը
Հիմնական տվյալներ
Բնօրինակ անուն	նորվ.՝ Bergen filharmoniske orkester
Ժանրեր	Դասական երաժշտություն
Գործունեություն	1765-ից
Պարգևներ	Griegprisen? Griegprisen? Spellemann Award for choir record of the year? Spellemannprisen in classical music? և Spellemannprisen in classical music?
Կայք	harmonien.no

Բերգենի ֆիհլարմոնիկ նվագախումբ (նորվ.՝ Bergen filharmoniske orkester), նորվեգական սիմֆոնիկ նվագախումբ, որը տեղակայված է Նորվեգիայի Բերգեն քաղաքում։ Հիմնադրվել է 1765 թվականին որպես Երաժշտական համայնք (նորվ.՝ Det Musicalske Selskab): Հանդիսանում է Նորվեգիայի ամենահին սիմֆոնիկ նվագախումբը և ամենահներից մեկը աշխարհում։

Նվագախմբի պատմությունը սերտորեն կապված է նորվեգացի կոմպոզիտոր Էդվարդ Գրիգի անվան հետ։ Գրիգը, լինելով ծնունդով Բերգենից, ակտիվ մասնակցություն է ունեցել նվագախմբի աշխատանքներում ինչպես ստեղծագործական իմաստով, այնպես էլ նյութական։ Մի քանի տարի նա նաև եղել է նվագախմբի գլխավոր դիրիժոր։ Ավելի վաղ նվագախմբում իր ստեղծագործական կարիերան է սկսել Ուլե Բուլը։

Հիմնադրման առաջին տասնամյակում Երաժշտական համայնքի նվագախումբը կազմված է եղել 20-30 մարդուց։ Աստիճանաբար երաժիշտների քանակը ավելացել է։ Ներկայումս նվագախմբի կազմում կա շուրջ 100 երաժիշտ, որոնցից շատերը նաև դասախոսություն են վարում Գրիգի անվան երաժշտական ակադեմիայում։

Բերգենի նվագախմբի հետ միասին տարբեր տարիների հանդես են եկել այնպիսի հռչակավոր մեներգիչներ, ինչպիսին է Մարիան Անդերսոնը։ Դիրիժորի վահանակից ղեկավարել են Յան Սիբելիուսը, Կարլ Նիլսենը, Աարոն Կոպլենդը, Վիտոլդ Լուտոսլավսկին, Քշիշտոֆ Պենդերեցկի, Լուչիանո Բերիոն։

1978 թվականից նվագախմբի հիմնական երաժշտական հարթակը հանդիսանում է Գրիգի համերգասրահը։

Նվագախմբի ղեկավարների ցանկ

• Սամուել Լինդ (1765—1769)
• Բենիամին Ուլե (1769—1770)
• Նիլս Հասլուն (1770—1785)
• Ուլե Պետերսեն Րյոդեր (1785—1805)
• Յոհան Պաուլսեն (1805—1820)
• Մատիաս Լունդհոլմ (1820—1827)
• Ֆերդինանդ Ջիովանի Շեդիվի (1827—1844)
• Ֆերդինանդ Ավգուստ Րոյան (1856—1859)
• Ավգուստ Ֆրիս (1859—1862)
• Ամադեուս Վոլվգանգ Մաչեվսկի (1862—1864)
• Ավգուստ Ֆրիս (1864—1873)
• Ռիկարդ Հենեբերգ (1873—1875)
• Ադոլֆ Բլոմբերգ (1875—1878)
• Գերման Լևի (1879—1880)
• Էդվարդ Գրիգ (1880—1882)
• Իվեր Հոլդեր (1882—1886)
• Պեր Վինգե (1886—1888)
• Ջորջ Վաշինգտոն Մագնուս (1892—1893)
• Յուհան Հալվորսեն (1893—1899)
• Քրիստիան Դանինգг (1899—1905)
• Հարալդ Հեյդե (1907—1948)
• Ուլաֆ Հելան (1948—1950)
• Կարլ ֆոն Գարագուի (1952—1958)
• Արվիդ Ֆլադմյո (1958—1961)
• Կարստեն Անդերսեն (1964—1985)
• Ալդո Չեկատո (1985—1990)
• Դմիտրի Կիտայենկո (1990—1998)
• Սիմոնա Յանգ (1999—2002)
• Էնդրյու Լիտոն (2002- մինչ օրս)

Արտաքին հղումներ

• Նվագախմբի պաշտոնական կայք: (նորվ.)(անգլ.)