Բելջոիոզո պալատ

Վիքիպեդիայից՝ ազատ հանրագիտարանից
Jump to navigation Jump to search
Բելջոիոզո պալատ
8859 - Milano - P.za Belgiojoso - Palazzo Belgiojoso - Foto Giovanni Dall'Orto - 14-Apr-2007.jpg
Ժամանակակից կարգավիճակ`կանգուն
Երկիր`Իտալիա Իտալիա,
Ճարտարապետական ոճ`Italian Neoclassical architecture?
Ճարտարապետ`Ջուզեպպե Պիերմարինի
Կառուցման
ժամանակաշրջան`
1772-1787

Բելջոիոզո պալատ (իտալ.՝ Palazzo Belgioioso, իտալ.՝ Belgiojoso), պալատական նստավայր Իտալիայի հյուսիսում` Միլան քաղաքում: Նեոդասական ոճի պալատի ճարտարապետը Ջուզեպպե Պիերմարինին է: Կառուցվել է 1772-1787 թվականներին:

Պատմություն[խմբագրել | խմբագրել կոդը]

Բելջոիոզո պալատը համարվում է Միլանի ճարտարապետական գանձերից մեկը: Առանձնատունը ձևավորվել է Լուիջի Վանվիտելլիի ստեղծած Կազերտա պալատի նմանությամբ: Կառուցվել է արքայազն Ալբերտո XII Բելջոիոզացու (Alberico XII di Belgioioso d'Este) համար, տեղակայված է Մանցոնի փողոցի մոտ, այն վայրում, որտեղ ծնվել է արքայազնը: Պալատը Լոմբարդիայում նեոդասական ճարտարապետության լավագույն օրինակ է [1]: Պալատի շենքը 1772 թվականին նախագծել է իտալացի ճարտարապետ Ջուզեպպե Պիերմարինին, ով մի կողմ թողնելով վաղ նեոդասականության խիստ ոճը, ստեղծել է ազդեցիկ ու տպավորիչ առանձնատուն: Շռայլորեն զարդարված է ճակատային հատվածը, որի կենտրոնական մասը փոքր-ինչ դուրս է ցցված չորս հսկա սյուներով: Ներքնահարկը կառուցված է կոշտաքարով, առաջին և երկրորդ հարկերը միմյանցից առանձնացված են զինանշանային խոհրդանիշերի բարձրաքանդակներով, պատուհանները զարդարված են դրասանգադրվագներով և դեկորատիվ պարզամասերով: Որոշ սենյակներ դեռևս ունեն ժամանակաշրջանին բնորոշ զարդարանքներ, որոնցից առավել հայտնի է Մարտին Նոլերի որմնանկարներով և Ջոկոնդո Ալբերտոլիի ստուկկոներով զարդարված սրահը: Կրկին Նոլերի կողմից զարդարված Ռինալդոյի սենյակը ստեղծվել է՝ ոգեշնչված Տորկվատո Տասսոյի Ազատագրված Երուսաղեմ վեպով[2]:

Ալբերտո XII-ի օրոք, ով գրքերի և արվեստի ստեղծագործությունների մեծ հավաքորդ էր, պալատ հաճախ էին այցելում ժամանակի հայտնի մտավորականները, այդ թվում գրող Ջուզեպպե Պարինի, Ուգո Ֆոկոլոն[1]:

1991 թվականին պալատում իրականացվել են վերականգնման աշխատանքներ[2]:

Ծանոթագրություններ[խմբագրել | խմբագրել կոդը]

  1. 1,0 1,1 "Palazzo Belgioioso", Milano e Turismo. Retrieved 12 September 2012.
  2. 2,0 2,1 Attila Lanza and Marilea Somarè, Milano e i suoi palazzi: porta Vercellina, Comasina e Nuova, 1993, Vimercate, Libreria Meravigli editrice, p. 156.