Բագրատ Ստաֆֆի

Վիքիպեդիայում կան հոդվածներ Մելքոնյան ազգանունով այլ մարդկանց մասին։

Բագրատ Ստաֆֆի
Ծնվել է	1913
Ծննդավայր	գ.Մավրակ, (Կարսի մարզ)
Վախճանվել է	դեկտեմբերի 17, 1951(1951-12-17)
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	արձակագիր և խմբագիր
Քաղաքացիություն	ԽՍՀՄ
Կուսակցություն	ԽՄԿԿ
Բագրատ Ստաֆֆի Վիքիդարանում

Բագրատ Ստաֆֆի (Բագրատ Հմայակի Մելքոնյան, 1913 - դեկտեմբերի 17, 1951(1951-12-17), Երևան, Հայկական ԽՍՀ, ԽՍՀՄ), հայ արձակագիր, ԽՍՀՄ գրողների միության անդամ 1938 թվականից։ ԽՄԿԿ անդամ 1939 թվականից։ Ստաֆֆի գրական անունն ընտրել է Րաֆֆի անվան նմանությամբ։

Կենսագրություն

Ծնվել է 1913 թվականին, Կարսի մարզի Մավրակ գյուղում։ Վաղ հասակում զրկվել է ծնողներից և մեծացել մանկատներում։ 1931 թվականին եղել է «Բանվոր գրող» ամսագրի (Լենինական) խմբագիրը։ 1932 թվականին ավարտել է Լենինականի մանկավարժական տեխնիկումը, 1935 թվականին՝ Մոսկվայի պատմության և գրականության ինստիտուտը։ Երկար տարիներ աշխատել է Լենինականի և Կիրովականի թերթերի, «Սովետական Հայաստան» օրաթերթի և «Սովետական Հայաստան» ամսագրի խմբագրությունում։ Մահացել է Երևանում։

Երկերի մատենագիտություն

• Կանաչ քաղաք (պատմվածքներ), Երևան, Պետհրատ, 1932, 58 էջ։
• Նովելներ, Երևան, Պետհրատ, 1938, 56 էջ։
• Վիեննական անտառի հեքիաթները (նովելներ), Երևան, Հայպետհրատ, 1946, 109 էջ։
• Արևաշող հովիտ (վիպակ), Երևան, Հայպետհրատ, 1947, 163 էջ։
• Ստեփան Շահումյան (վեպ), Երևան, Հայպետհրատ, 1947, 390 էջ։
• Փորձություն (վեպ), Երևան, Հայպետհրատ, 1950, 348 էջ։
• Նովելներ և վիպակներ, Երևան, Հայպետհրատ, 1954, 288 էջ։
• Նովելներ և վիպակներ, Երևան, Հայպետհրատ, 1957, 291 էջ։
• Ստեփան Շահումյան (վեպ), Երևան, Հայպետհրատ, 1960, 404 էջ։

Գրականություն

• Սուրեն Աղաբաբյան, Անհաջող գիրք (գրախոսություն Ստաֆֆիի «Արևաշող հովիտ» գրքի մասին)։ «Գրական թերթ», 1948, № 5:

Վիքիդարանն ունի նյութեր, որոնք վերաբերում են «Բագրատ Ստաֆֆի» հոդվածին։