Բագրատ Ալեքյան (բժիշկ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Բագրատ Ալեքյան (այլ կիրառումներ)
Picto infobox med.png
Բագրատ Ալեքյան
Ծնվել է ապրիլի 15, 1951(1951-04-15) (68 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ
Flag of Russia.svg Ռուսաստան
Ազգություն հայ
Կրթություն Երևանի Մխիթար Հերացու անվան Պետական Բժշկական Համալսարան
Մասնագիտություն ակադեմիկոս, բժիշկ և կարդիովիրաբույժ
Գիտական աստիճան բժշկական գիտությունների դոկտոր (1986), պրոֆեսոր (1993) և ակադեմիկոս
Աշխատավայր Մոսկվայի Ի. Սեչենովի անվան առաջին պետական բժշկական համալսարան
Պարգևներ Բարեկամության շքանշան, «Մոսկվայի 850-ամյակի հիշատակի» մեդալ, Russian government award for science and technology և Պատվո շքանշան


Բագրատ Գեղամի Ալեքյան (ապրիլի 15, 1951(1951-04-15), Երևան, Հայկական ԽՍՀ, ԽՍՀՄ), հայ բժիշկ, սիրտանոթային վիրաբույժ: Բժշկական գիտությունների դոկտոր (1986 թ.), պրոֆեսոր (1993 թ.), Ռուսաստանի բժշկական գիտությունների ակադեմիայի ակադեմիկոս (թղթակից անդամ՝ 2005 թ.), ՀՀ ԳԱԱ արտասահմանյան անդամ (2011 թ.)[1]:

Կենսագրություն[խմբագրել | խմբագրել կոդը]

Բագրատ Ալեքյանը ծնվել է 1951 թվականին Երևանում: 1974 թվականին ավարտել է Երևանի բժշկական ինստիտուտը: 1975 թվականից աշխատում է Մոսկվայի սիրտանոթային վիրաբուժության գիտական կենտրոնում: 1992 թվականից զբաղեցնում է ռենտգենավիրաբուժական եղանակներով սրտի և արյան անոթների հետազոտման և բուժման բաժանմունքի վարիչի պաշտոնը, 1999 թվականից՝ ՌԴ սիրտանոթային վիրաբույժների ընկերակցության ներանոթային վիրաբույժների բաժանմունքի նախագահ, ՌԴ առողջապահության նախարարության և ՌԲԳԱ նախագահության ներանոթային վիրաբուժության հիմնախնդրային հանձնաժողովի նախագահ, 2002 թվականից՝ Ճառագայթաբանների և ներանոթային վիրաբույժների գիտական ընկերության նախագահ[2], Ռուսաստանի բժշկական գիտությունների ակադեմիայի Ա. Ն. Բակուլևի անվան սրտանոթային վիրաբուժության գիտական կենտրոնի Վ. Ի. Բուրակովսկու անվան կարդիովիրաբուժության ինստիտուտի սրտի և անոթների հիվանդությունների հետազոտման և բուժման ռենտգենավիրաբուժական մեթոդների բաժանմունքի ղեկավար:

Աշխատանքները վերաբերում են սրտի և արյան անոթների ներանոթային ախտորոշման և բուժման հարցերին[3][4]:

Երևանի «Էրեբունի» բժշկական կենտրոնի անգիոգրաֆիկ ծառայությունն անվանակոչվել է Բագրատ Ալեքյանի անունով[5]:

Պարգևներ, մրցանակներ[խմբագրել | խմբագրել կոդը]

  • «Մոսկվայի 850-ամյակի» մեդալ, 1997 թ.
  • ՌԴ Վ. Ի. Բուրակովսկու անվան մրցանակ, 2001 թ.
  • Մխիթար Հերացու մեդալ, 2003 թ.
  • Ռուսաստանի բժշկական գիտությունների ակադեմիայի ոսկե մեդալ, 2003 թ.

Ծանոթագրություններ[խմբագրել | խմբագրել կոդը]

  1. Armenia National Academy of Sciences of։ «National Academy of Sciences of Armenia»։ www.sci.am։ Վերցված է 2017-04-12 
  2. Ով ով է. ՀայԵրևան Կենսագրական հանրագիտարան, հատոր առաջին, Երևան, 2005 
  3. «Алекян Баграт Гегамович - Известные ученые»։ www.famous-scientists.ru։ Վերցված է 2017-04-12 
  4. «Հայաստանի 4-րդ Միջազգային բժշկական համագումարը. Բագրատ Ալեքյան»։ www.med-practic.com։ Վերցված է 2017-04-12 
  5. «Հանդիպում հայազգի բժիշկ-գիտնական պրոֆեսոր Բագրատ Ալեքյանի հետ»։ www.med-practic.com։ Վերցված է 2017-04-12 

Արտաքին հղումներ[խմբագրել | խմբագրել կոդը]