Արմեն Հարությունյան (բժիշկ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Արմեն Հարությունյան (այլ կիրառումներ)
Picto infobox med.png
Արմեն Հարությունյան
Ծնվել էհունվարի 28, 1952(1952-01-28) (67 տարեկան)
Ազգությունհայ
Մասնագիտությունբժիշկ

Հարությունյան Արմեն Շավարշի (հունվարի 28, 1952, Ստեփանակերտ), ատամնաբույժ, զինվորական բժիշկ։ Պաշտպանության Բանակի բժշկական ծառայության պահեստի կապիտան (1993 թվական)։

Կենսագրություն[խմբագրել | խմբագրել կոդը]

1977 թվականին ավարտել է Չիտայի (Ռուսաստան) պետական բժշկական ինստիտուտը, վերապատրաստվել Մոսկվայի Ն. Պիրոգովի անվան 2-րդ բժշկական (1978 թվական), բժիշկների կատարելագործման (1980 թվական) ինստիտուտներում։

1978- 1779 թվականներին աշխատել է Բաքվի 4-րդ, 1979-1990 թվականներին՝ Ստեփանակերտի կենտրոնական ատամնաբուժական, 1990- 1991 թվականներին՝ ԼՂՀ ՆԳ պոլիկլինիկաներում։ 1991-1992 թվականներին՝ «Արցախ» փրկարարական ջոկատի անդամ, 1992-1996 թվականներին՝ Ասկերանի, Շուշիի Պաշտպանության Շտաբների, 1996- 1997 թվականներին՝ Մաղաղիսի №14 զորամասի բժշկական ծառայությունների պետ։ 1997 թվականից՝ Ստեփանակերտի «ժպիտ» սահմանափակ պատասխանատվության ընկերության (ատամնաբուժական) տնօրեն, միաժամանակ դասախոսում է «Գրիգոր Նարեկացի» համալսարանում։

Մասնակցել է 1988 թվականի Սպիտակի երկրաշարժի փրկարարական աշխատանքներին, 1990-1994 թվականներին Մալիբեկլուի, Խոջալուի, Շուշիի, Աղդամի, Ֆիզուլիի, Մարտակերտի ինքնապաշտպանական և ազատագրական մարտերի ժամանակ կազմակերպել է վիրավորների տարհանումը, ռազմաճակատի առաջին գծի ռազմադաշտային շարժական հոսպիտալներում, Պաշտպանության Շտաբների բուժմասերում և հոսպիտալներում բուժել և վիրահատել է հարյուրավոր ազատամարտիկների և խաղաղ բնակիչների։ Համահայկական ստոմատոլոգների միության անդամ է (2002 թվական)։

Պարգևատրվել է ԼՂՀ «Մայրական երախտագիտություն Արցախի քաջորդիներին» հուշամեդալով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png