Արման Անտոնյան

Արման Անտոնյան
Ի ծնե անուն	Արման Վազգենի Անտոնյան
Ծնվել է	դեկտեմբերի 9, 1985թ. ; Դսեղ, Հայաստան
Երկիր	Հայաստան
Մասնագիտություն	Երգահան
Գործիքներ	Դաշնամուր
Գործունեություն	2011-ներկա
Լեյբլ	Antonyan Music Label

Արման Վազգենի Անտոնյան (ծնված` 9, դեկտեմբեր, 1985 թ. Լոռու մարզի Դսեղ գյուղում), հայ երգահան-պրոդյուսեր է։ Հայտնի է դարձել 2012 թ. հունվարի 9-ին Հայաստանի հանրային հեռուստաընկերությունում հեռարձակված «Գեներալի աղջիկը»^[1], ինչպես նաև 2018 թ. հուլիսի 2-ին Արմենիա ԹիՎի-ով հեռարձակված «Դեպի երազանք» հեռուստասերիալներիի սաունդթրեքերը գրելուց հետո։ Հայկական էստրադայում առավել հայտնի է դարձել 2015 թ. թողարկված Միհրան Ծառուկյանի և Արփի Գաբրիելյանի «Անհնար է» երգը հեղինակելուց հետո, որը Յութուբում ունի ավելի քան 25 միլիոն դիտում։

Կենսագրություն[խմբագրել | խմբագրել կոդը]

Ծնվել է 1985 թ. դեկտեմբերի 9-ին Հայաստանի Լոռու մարզի Դսեղ գյուղում։ 1993-2003 թթ. սովորել է Վանաձորի Ազատ Խլղաթյանի անվան թիվ 18 միջնակարգ դպրոցում։ Դպրոցն ավարտել է ոսկե մեդալով։ Զուգահեռ սովորել է 1996-2003 թթ. Վանաձորի Տիգրան Չուխաճյանի անվան երաժշտական դպրոցի դաշնամուրի բաժնում։

2003 թվականին ընդունվել է Երևանի պետական համալսարանի Արևելագիտության ֆակուլտետի Արաբագիտության բաժին։ Նույն թվականի դեկտեմբերին տարկետում վերցնելով զորակոչվել է Հայաստանի բանակ։ 2005 թվականին զորացրվել է բանակից և շարունակել ուսումը։ 2008-2009 թվականներին որպես համալսարանի առաջադեմ ուսանող ուղեգրվել է սովորելու Սիրիայի Արաբական Հանրապետությունում և վերապատրաստվել Դամասկոսի պետական համալսարանին կից արաբերեն լեզվի մասնագիտացման բաժնում։ 2009 թվականին վերադարձել է Երևան և շարունակել ուսումը։ 2010 թվականին ավարտել է ԵՊՀ-ն և ստացել բակալավրի աստիճան։

2010 թվականին աշխատել է Նոր Ռադիոյում որպես երաժշտական պրոդյուսեր, զուգահեռ աշխատել է նաև Լայմ հեռուստաընկերությունում որպես գլխավոր երաժշտական պրոդյուսեր։ 2011 թվականից սկսել է երաժշտական գործունեությունը որպես երգահան և հեղինակել 200-ից ավելի երգեր հայկական էստրադայի երգիչների համար, որոնցից են Միհրան Ծառուկյանը, Արփի Գաբրիելյանը, Գևորգ Մկրտչյանը, Կարեն Ասլանյանը, Արաբո Իսպիրյանը, Սարո Թովմասյանը և այլք։

2018 թվականից համագործակցում է Արմենիա ԹիՎիի հետ որպես նախագծերի երաժշտական պրոդյուսեր, որի արդյունքում հեղինակել է «Դեպի երազանք 1»^[2], «Դեպի երազանք 2», «Անհասցե ծնվածները»^[3] հեռուստասերիալների և «Կինստագրամ»^[4] սիթքոմի սաունդթրեքերը։ Նկարահանվել է «Դեպի երազանք 1», «Դեպի երազանք 2»^[5], «Անհասցե ծնվածները»^[6] հեռուստասերիալներում և մարմնավորել ինքն իրեն որպես երաժշտական պրոդյուսեր^[7]։

2018 թվականի մարտ ամսին հիմնել է Antonyan Music Label-ը, բացել երաժշտական ստուդիա, ներգրավել երգիչներ, հեղինակել նրանց երգերը, գործիքավորումները և զբաղվել նրանց երաժշտական պրոդյուսինգով։ Label-ի արտիստներն են Գևորգ Մկրտչյանը, Կարեն Ասլանյանը, Քրիստինա Եղոյանը, Մաշ Իսրաելյանը և Արտ Ավետիսյանը։

2018 թվականից առ այսօր համագործակցում է ոչ միայն Label-ի արտիստների հետ, այլ նաև հայ էստրադայի փոր երգիչների հետ։

2018 թ. արժանացել է «տարվա լավագույն երգահան» մրցանակին AAD ամենամյա մրցանակաբաշխության ընթացքում^[8]։

2019 թ. հունվարի 29-ին թողարկել է առաջին երգը իր կատարմամբ տրիո տարբերակով, որը կոչվում է «Нас просто нет»^[9]:

Երգացանկ[խմբագրել | խմբագրել կոդը]

Արման Անտոնյանը հեղինակել է.

Միհրան Ծառուկյան և Արփի Գաբրիելյան - «Անհնար է»^[10]
Արաբո Իսպիրյան - «Աննման»^[11]
Գևորգ Մկրտչյան - «Օդս քիչ ա»^[12]
Կարեն Ասլանյան - «Ես խանդում եմ»^[13]
Սարո Թովմասյան և Նանա - «Կարոտ»^[14]
Մաշ Իսրաելյան - «Լիքը, լիքը»^[15]
Քրիստինա Եղոյան - «Օդս չի հերիքում»^[16]
Արտ Ավետիսյան - «Անիրական»^[17]
Գևորգ Մարտիրոսյան և Մաշ Իսրաելյան - «Դե հերիք է»^[18]
Արման Հովհաննիսյան, Միհրան Ծառուկյան, Սարո Թովմասյան - «Նոր հայեր»^[19]
Արաբո Իսպիրյան - «Հայի արյուն»^[20]
Քրիստինե Պեպելյան - «Երանի»^[21]
Կարեն Ասլանյան - «Եղբայր ու քույր»

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Instagram - https://www.instagram.com/armanantonyanofficial/
Facebook - https://www.facebook.com/armanantonyanofficial/
YouTube - https://www.youtube.com/user/armanantonyantv
Antonyan Music Label-ը Instagram-ում - https://www.instagram.com/antonyanmusicstudio/
Հարցազրույց life.mediamall.am-ին - https://life.mediamall.am/?id=35371
Հարցազրույցը Բարի լույսի եթերում - https://www.facebook.com/359947790749513/posts/2273538532723753?vh=e&d=n&sfns=mo
Հարցազրույցը Բարի լույսի եթերում - https://www.facebook.com/359947790749513/posts/2750901831654085/?vh=e&d=n
Հարցազրույցը exclusivelife.am-ին - http://www.exclusivelife.am/2016/02/22-04.html
Հարցազրույցը citylife.am-ին - https://citylife.am/2018/08/18/%D5%AF%D5%A1%D6%80%D5%AE%D5%B8%D6%82%D5%B4-%D5%A5%D5%B4-%D5%A1%D5%B5%D5%BD-%D5%BA%D5%A1%D5%B0%D5%AB%D5%B6-%D5%B4%D5%A5%D6%80-%D5%AA%D5%B8%D5%B2%D5%B8%D5%BE%D6%80%D5%A4%D5%AB%D5%B6-%D5%B0%D5%A1%D6%80/

[1] «Generali Axchike-1».

[2] «CHRISTINA YEGHOYAN - Depi Yerazanq».

[3] «Անհասցե ծնվածները».

[4] «Կինստագրամ».

[5] «Դեպի երազանք 2».

[6] «Karen Aslanyan - Im Exbayr u Quyr».

[7] «Անհասցե ծնվածները, Սերիա 163».

[8] «Arman Antonyan on Instagram: "TARVA LAVAGUYN ERGAHAN Shnorhakal em ayschap partavorecnox gnahatakani hamar🙈💪 ———————————————————————— #aad #hayastan #arcax #spyurq…"». Instagram (անգլերեն). Վերցված է 2020 թ․ հոկտեմբերի 23-ին.

[9] «Arman ft. Mariya & Gevorg - Нас Просто Нет».

[10] «Mihran Tsarukyan & Arpi Gabrielyan - Anhnar e».

[11] «Arabo Ispiryan - Annman».

[12] «Gevorg Mkrtchyan - Ods Qicha».

[13] «Karen Aslanyan - Es xandum em».

[14] «Nana & Saro Tovmasyan - Karot».

[15] «Mash Israelyan - Liqe Liqe».

[16] «Christina Yeghoyan - Ods chi heriqum».

[17] «Art Avetisyan - Anirakan».

[18] «Gevorg Martirosyan & Mash Israelyan - De heriq e».

[19] «Arman Hovhannisyan Mihran Tsarukyan Saro Tovmasyan Kamo Seyranyan Jivan Gasparyan Efo - "NOR-HAYER"».

[20] «ARABO ISPIRYAN - HAYI ARYUN // ԱՐԱԲՈ ԻՍՊԻՐՅԱՆ - ՀԱՅԻ ԱՐՅՈՒՆ».

[21] «Christine Pepelyan - Yerani».

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]