Արթուր Հակոբյան (քաղաքական գործիչ)
| Արթուր Հակոբյան | |
|---|---|
| Ծնվել է | հոկտեմբերի 6, 1958 (66 տարեկան) |
| Ծննդավայր | Վերին շեն, Շահումյանի շրջան (Ադրբեջանի ԽՍՀ), Ադրբեջանական ԽՍՀ, ԽՍՀՄ |
| Ազգություն | հայ |
| Կրթություն | Ճարտարապետության և շինարարարության Հայաստանի ազգային համալսարան |
| Մասնագիտություն | քաղաքական գործիչ |
Արթուր Գեորգիի Հակոբյան (հոկտեմբերի 6, 1958, Վերին շեն, Շահումյանի շրջան (Ադրբեջանի ԽՍՀ), Ադրբեջանական ԽՍՀ, ԽՍՀՄ), քաղաքական գործիչ, Արցախի Հանրապետության 3-րդ գումարման Ազգային ժողովի պատգամավոր[1]։
Կենսագրություն
[խմբագրել | խմբագրել կոդը]Արթուր Հակոբյանը ծնվել է 1958 թվականի հոկտեմբերի 6-ին Շահումյանի շրջանի Վերին շեն գյուղում։ 1975 թվականին ավարտել է տեղի միջնակարգ դպրոցը, իսկ 1976 թվականին ընդունվել է Ճարտարապետության և շինարարարության Հայաստանի ազգային համալսարանը։
1977-1979 թվականներին ծառայել է ԽՍՀՄ Զինված ուժերում։
1980 թվականին ավարտել է Ճարտարապետության և շինարարարության Հայաստանի ազգային համալսարանը։ 1982-1990 թվականներին եղել է Շահումյանի շրջանի մեխանիզացված շարասյան աշխղեկ։
1990-1992 թվականներին եղել է ինքնապաշտպանական ջոկատի հրամանատար, իսկ 1993-1995 թվականներին՝ Շահումյանի հատուկ նշանակության զորամասի, այնուհետև գնդի հրամանատարի տեղակալ։
1998 թվականին մասնակցել է Քարվաճառի տարածքի վերաբնակեցման աշխատանքներին։ Աշխատել է որպես տարածքի լիազոր ներկայացուցչության շինարար։
2000 թվականին նշանակվել է Շահումյանի շրջանի գլխավոր ճարտարապետ։
2000 թվականի հունիսի 18-ին Շահումյանի թիվ 12 ընտրատարածքից ընտրվել է Արցախի Հանրապետության 3-րդ գումարման Ազգային ժողովի պատգամավոր[2]։ Եղել է Արցախի Հանրապետության Ազգային ժողովի պաշտպանության, անվտանգության և օրինապահպանության հարցերի մշտական հանձնաժողովի անդամ։
Անկուսակցական է։
Պարգևներ
[խմբագրել | խմբագրել կոդը]- «Մարտական Խաչ» 2-րդ աստիճանի շքանշան (Արցախի Հանրապետության նախագահի թիվ 0397-1 հրամանագիր 27.09.1994 թվական)
Ծանոթագրություններ
[խմբագրել | խմբագրել կոդը]- ↑ «Հակոբյան Արթուր Գրիգորիի». www.nankr.am. Արխիվացված է օրիգինալից 2023 թ․ օգոստոսի 28-ին. Վերցված է 2023 թ․ օգոստոսի 28-ին.
- ↑ «19 հունիսի 2005թ. | ԼՂՀ Կենտրոնական ընտրական հանձնաժողով» (ռուսերեն). Վերցված է 2023 թ․ օգոստոսի 28-ին.
Արտաքին հղումներ
[խմբագրել | խմբագրել կոդը]- ՊԱՏԳԱՄԱՎՈՐՆԵՐ Արխիվացված 2023-08-23 Wayback Machine