Արարատ (հանքային ջուր, Արարատ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Արարատ (այլ կիրառումներ)
Արարատ

Արարատ, ազոտ-ածխաթթվական, հիդրոկարբոնատային, կալցիում-մագնեզիումական, թույլ ճառագայթաակտիվ, ցածր ջերմաստիճանի հանքային ջուր Արաքսի հովտում՝ ՀՀ Արարատ քաղաքից 3 կմ հարավ-արևելք։ Առաջանում է դևոնի ու կարբոնի կրաքարային ապարներում։ Հայտնի է հնագույն ժամանակներից։ Ելքերը կապված են Ուրծի լեռնաշղթայի հարավարևմտյան լանջի ապարների տեկտոնական խախտումների հետ։ Հանքայնացումը 1, 4 գ/լ է, CO2-ի պարունակությունը՝ 1, 2 գ/լ, շահագործման պաշարները՝ 23400 մ³/օր։

Քիմիական կազմը[խմբագրել | խմբագրել կոդը]

Արարատի քիմիական կազմը հետևյալն է՝

CO21․2 M 1․4 T24 °C

Պարունակում է նաև Sr, I, Br, F և այլ միկրոտարրեր։

Ջրաբուժական հատկություններ[խմբագրել | խմբագրել կոդը]

Ջրաբուժական հատկություններով նման է Վիլդունգենի (Գերմանիա) և Ծղալտուբոյի (Վրաստան) հանքային ջրերին։ Օգտագործվում է շաքարախտի, երիկամների, միզուղիների, նյարդ, և այլ հիվանդությունների դեպքերում։ Կան «Արարատ»-ի ելքերի բաց ավազաններ[1]։

Ծանոթագրություններ[խմբագրել | խմբագրել կոդը]

  1. Մուսայելյան Համբարձում (Թիվ 6, 1979 թ.)։ «Արարատ: Հայաստանի հանքային ջրերը»։ Սովետական Հայաստան: Էջեր 38, 39 


Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png