Արարատ Այվազյան

Վիքիպեդիայից՝ ազատ հանրագիտարանից
Jump to navigation Jump to search
Արարատ Այվազյան
Ծնվել է1923
ԾննդավայրԱռատաշեն, Արմավիրի մարզ, Հայաստան
Վախճանվել է1967
Մասնագիտությունբանաստեղծ և խմբագիր
Լեզուհայերեն
Ազգությունհայ
ՔաղաքացիությունFlag of the Armenian Soviet Socialist Republic (1952–1990).svg Հայկական ԽՍՀ
ԿրթությունԵրևանի պետական համալսարան (1955)
ԱնդամակցությունԽՍՀՄ Գրողների միություն
ԿուսակցությունԽՄԿԿ
Արարատ Այվազյան Վիքիդարանում

Արարատ Լևոնի Այվազյան (1923, Առատաշեն, Արմավիրի մարզ, Հայաստան - 1967), հայ բանաստեղծ, ԽՍՀՄ գրողների միության անդամ 1944 թվականից։ ԽՄԿԿ անդամ 1944 թվականից:

Կենսագրություն[խմբագրել | խմբագրել կոդը]

Ծնվել է Վաղարշապատի շրջանի (այժմ՝ Արմավիրի մարզ) Ներքին Զեյվա (այժմ՝ Առատաշեն) գյուղում։ Փոքր հասակում զրկվել է ծնողներից։ 1939 թվականին ավարտել է Վաղարշապատի մանկավարժական ուսումնարանը, 1955 թվականին՝ Երևանի պետական համալսարանի բանասիրական ֆակուլտետը։ 1939-1940 թվականներին ուսուցիչ է եղել Ներքին Զեյվայի դպրոցում։ 1940-1943 թվականներին աշխատել է որպես հաշվետար։ 1944-1950 թվականներին Ներքին Զեյվա գյուղի ակումբավարն էր, 1955-1957 թվականներին՝ ուսուցիչ հայրենի գյուղի միջնակարգ դպրոցում։ 1957-1960 թվականներին «Էջմիածնի կոլտնտեսական» թերթի պատասխանատու քարտուղարն էր։ 1960-1962 թվականներին Էջմիածնի «Կոմունիզմի ուղիով» շրջանային թերթի խմբագիրը, 1962-1967 թվականներին՝ նույն թերթի խմբագրի տեղակալն ու կուսակցական կյանք բաժնի վարիչը։

Ռուսերեն լույս է տեսել նրա բանաստեղծությունների ժողովածուն՝ «Գյուղի առավոտը»։ Մահացել է 1967 թվականին[1]:

Երկերի մատենագիտություն[խմբագրել | խմբագրել կոդը]

  • Թովչանք, Երևան, Հայպետհրատ, 1948, 58 էջ։
  • Գյուղի առավոտը, Երևան, Հայպետհրատ, 1955, 83 էջ։
  • Արաքսի այս ափին, Երևան, 1959, 166 էջ:
  • Հողի ու խաղողի երգեր, Երևան, «Հայաստան», 1967, 138 էջ։
  • Մինուճարը, Երևան, «Հայաստան», 1968, 29 էջ։
  • Կապույտ աղբյուր, Երևան, «Հայաստան», 1970, 279 էջ։

Ծանոթագրություններ[խմբագրել | խմբագրել կոդը]

  1. Գրական տեղեկատու։ Երևան: «Սովետական գրող»։ 1981։ էջ էջ 42-43