Ավտոմոբիլիստ մարտիկների հուշարձան (Նովոչերկասկ)
 | |
|---|---|
 | |
 | |
| Կոորդինատներ | 47°24′09″ հս․ լ. 40°04′39″ ավ. ե.HGЯO |
| Գտնվում է | Նովոչերկասկ, Ռոստովի մարզ, Ռուսաստան |
| Կառուցվել է | 2004 |
| Շինարար | «Դոնպրոյեկտ» ինստիտուտ |
| Ներկա վիճակը | կանգուն |
 Արտաքին պատկերներ
| |
|---|---|
|
Ավտոմոբիլիստ մարտիկների հուշարձանը Նովոչերկասկ քաղաքում |
Ավտոմոբիլիստ մարտիկների հուշարձան (ռուս.՝ Памятник воинам-автомобилистам), հուշարձան Ռուսաստանի Դաշնության Ռոստովի մարզի Նովոչերկասկ քաղաքում։
Պատմություն[խմբագրել | խմբագրել կոդը]
Ավտոմոբիլիստ մարտիկների հուշարձանը Նովոչերկասկ քաղաքում գտնվում է Ռոստովսկի վիեզդ և Սիլիկատնայա փողոցների հատման վայրում՝ ՌԴ ԶՈՒ Հարավային ռազմական օկրուգի 49-րդ համազորային բանակի Նովոչերկասկի 293-րդ առանձին ավտոմոբիլային գումարտակի (զորամաս 46027) հսկիչ-անցագրային կետի առջև։ Հուշարձանը բացվել է 2004 թվականի հոկտեմբերին՝ Ավտոմոբիլիստի օրը։
Աֆղանական պատերազմի և Հյուսիսային Կովկասում հակաահաբեկչական գործողության տարիներին Հայրենիք չի վերադարձել Նովոչերկասկի ավտոմոբիլային գումարտակի 10 զինծառայող։ Չեչենական Արգուն քաղաքի մոտ գնդակոծվել է դաշնային զորքերի շարասյունը։ Մի քանի մեքենաների ղեկի մոտ են եղել Նովոչերկասկի ավտոմոբիլային գումարտակի մարտիկները։ Հուշարձանը տեղադրվել է ի հիշատակ Չեչնիայում և Աֆղանստանում զոհված ավտոմոբիլիստների։
Ավտոմոբիլիստների հուշարձանի ստեղծման գաղափարը պատկանում է զորամասի զինծառայողներին, որն արժանացել է հրամանատարների և զոհված զինծառայողների ծնողների հավանությանը։ Հուշարձանի նախագիծը ստեղծվել է Դոնի Ռոստովի «Դոնպրոյեկտ» ինստիտուտում և համաձայնեցվել զորամասի ղեկավարների հետ։ Հուշարձանի շինարարությանը մասնակցել են նովոչերկասկցի գործարարներ, ավտոմոբիլային գումարտակի զինծառայողները։
Նկարագրություն[խմբագրել | խմբագրել կոդը]
Ավտոմոբիլիստ մարտիկների հուշարձանը ներսում կախված զանգով բետոնե կամարաձև շինություն է։ Հուշարձանը տեղադրվել է սև երկսանդուղքավոր պատվանդանի վրա։ Նրա վերին մասում ամրացված է ուղղափառ խաչ, ներքևի մասում տեղադրված են երեք տախտակներ և ավտոմոբիլային զորամասի խորհրդանշանը։ Մեկի վրա գրված է. «Զոհված ավտոմոբիլիստ մարտիկներին»։ Մյուս երկու տախտակներին գրված են զոհվածների անունները մահվան տարեթվերով. «Բեզռոդնի Վ. Յ. (1982), Բիլյակաև Վ. Ա. (1982), Գավրիլով Ս. Ն. (1994), Բերեժպոլով Ի. Ի. (1995), Տրետինա Յ. Ա. (1995)» և այլք։
Գրականություն[խմբագրել | խմբագրել կոդը]
- Новочеркасск. Энциклопедия. Новочеркасск. Изд. Новопринт. 2005. ISBN 5-94549-006-7.