Աստղաշուշան Գաբրիելյանի
| Աստղաշուշան Գաբրիելյանի | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Ornithogalum gabrielianae
|
Աստղաշուշան Գաբրիելյանի (լատին․՝ Ornithogalum gabrielianae), հակինթազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
10-25 երբեմն 30 սմ բարձրությամբ բազմամյա, անցողուն բույս է։ Սոխուկն առաջացնում է ստորգետնյա ընձյուղ։ 20-30 սմ երկարությամբ, 0,3-1,5 սմ լայնությամբ տերևները նուրբ են, տափակ կամ ակոսավոր, առանց սպիտակ երկարավուն շերտի, ծաղկասլաքը՝ գերազանցող։ Ծաղկաբույլն 3-6 սմ երկարությամբ նեղ, խիտ, կարճացած ողկույզ է, սպիտակ ծաղիկներով և շատ կարճ կոթերով։ Տուփիկը փոքր է[1]։
Տարածվածություն[խմբագրել | խմբագրել կոդը]
Հանդիպում է միայն Արագածի ֆլորիստիկական շրջանում (լեռնագագաթ՝ Արագած)[1]։
Էկոլոգիա[խմբագրել | խմբագրել կոդը]
Աճում է ենթալպյան գոտում՝ ծովի մակարդակից 2000-2800 մ բարձրությունների վրա, հացազգային տարախոտերում, սևահողերի վրա, անտառի վերին սահմանի երկարությամբ։ Ծաղկում է մայիս-հունիս ամիսներին, պտղաբերում՝ հուլիս-օգոստոսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է, որի տարածման և բնակության շրջանների մակերեսը 10 կմ²-ից պակաս է։ Համարվում է Հայաստանի էնդեմիկ։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։
Պահպանության գործողություններ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.