Աստղային պատերազմների օր

Վիքիպեդիայից՝ ազատ հանրագիտարանից
Jump to navigation Jump to search

«Աստղային պատերազմների» օր (անգլ.՝ Star Wars Day), ոչ պաշտոնական տոն, որը նշում են Ջորջ Լուկասի «Աստղային պատերազմներ» կուլտային ֆանտաստիկ սագայի երկրպագուները[1]։

Մայիսի 4[խմբագրել | խմբագրել կոդը]

«Աստղային պատերազմների» (այլ ձևով՝ Լյուք Սքայուոքերի օր) օրվա ստույգ ամսաթիվը համարվում է մայիսի 4-ը[2]։ Այդ օրն ընտրվել է ֆիլմում հաճախ հնչող և արդեն հայտնի դարձած May the Force be with you («Թող քեզ հետ լինի Ուժը») քաղվածքի շնորհիվ, որը շատ երկրպագուներ արտասանում են որպես May the fourth be with you (անգլ.՝ fourth - չորրորդ և May - մայիս)։ «Աստղային պատերազմների» երկրպագուները միայնակ չեն, ովքեր օգտագործել են նման բառախաղ։ 1979 թվականի մայիսի 4-ին, երբ Մարգարետ Թետչերն ընտրվեց Մեծ Բրիտանիայի վարչապետ, նրա կուսակցությունը հայտարարություն է տվել լոնդոնյան երեկոյան լուրերում May the Fourth Be with You, Maggie. Congratulations բառերով («Մայիսի չորսը թող քեզ հետ լինի, Մեգի։ Շնորհավոր»)[3]։

2005 թվականին N24 հեռուստաալիքով Ջորջ Լուկասի հետ հարցազրույցի ժամանակ նրան խնդրել են արտասանել այդ քաղվածքը, իսկ գերմաներեն զուգահեռ թարգմանությունը հնչել է որպես Am 4. Mai sind wir bei Ihnen («Մենք կլինենք քեզ հետ մայիսի 4-ին»)։ 2005 թվականի մայիսի 18-ին հարցազրույցն այդպես էլ ցուցադրվել է TV Total հեռուստաալիքով[4]։

Տոնը նշում են ոչ միայն երկրպագուները։ Օրինակ, ատրակցիոնների այգում կազմակերպվում են «Աստղային պատերազմների» թեմատիկ օրեր, իսկ Disney ընկերությունը մայիսի 4-ի պատվին թողարկել է կոլեկցիոներական պաստառներ[5]։ Սագայի պաշտոնական կայքը 2011 թվականի մայիսի 4-ին հայտարարել է բոլոր վեց ֆիլմերի Blu-ray-հրատարակության մասին և տվել իմպրովիզացիոն հետ հաշվարկի սկիզբ[6]։

Մայիսի 5 և 6[խմբագրել | խմբագրել կոդը]

«Աստղային պատերազմների» տոնը այնքան հանրաճանաչ է դարձել, որ հաջորդ օրը՝ մայիսի 5-ը, սկսել են կատակով անվանել «Հինգերորդի վրեժը» (անգլ.՝ Revenge of the Fifth)՝ սագայի երրորդ դրվագի պատիվ, որը կրում է «Սիտհերի վրեժ» անունը (անգլ.՝ Revenge of the Sith)։ Այդ օրը բոլոր երկրպագուներն անցնում են Ուժի մութ կողմը և փառաբանում են սիթհերի տիրակալներին ու «Աստղային պատերազմերի» տիեզերքի մյուս հակահերոսներին։ Կա նաև բացատրություն, որ մայիսի 6-ը ռևանշի օր է և կոչվում է «Վեցերորդի ռևանշի օր» (անգլ. Revenge of the Sixth

Մայիսի 25[խմբագրել | խմբագրել կոդը]

Լոս-Անջելեսի քաղաքային խորհուրդը 2007 թվականի մայիսի 25-ը հայտարարել է Աստղային պատերազմների օր, քանի որ 1977 թվականի այդ օրն է թողարկվել կինաշարքի առաջին ֆիլմը՝ «Աստղային պատերազմներ։ Էպիզոդ IV։ Նոր հույս»[7]։ Նույն օրը նշվում է Geek Pride Day՝ գիկ մշակույթի օր, որը ԱՄՆ-ում նշվում է 2008 թվականից։

Ծանոթագրություններ[խմբագրել | խմբագրել կոդը]

  1. Star Wars day: May the 4th be with you, My Fox Chattanooga, 4 мая 2010, արխիվացված օրիգինալից 2010-05-08-ին, https://web.archive.org/web/20100508193201/http://www.myfoxchattanooga.com/dpps/entertainment/star-wars-day-may-the-4th-be-with-you-dpgoha-20100504-fc_7371587 .
  2. Danish National Radio On-line News
  3. «День «Звёздных войн»»։ Look At Me։ 11 мая 2010 года։ Արխիվացված է օրիգինալից 2012-09-04-ին։ Վերցված է 2011-11-24 
  4. «A Surprise for ‘Star Wars Day’: Complete Series on Blu-Ray»։ FoxNews.com։ 4 мая 2011։ Արխիվացված է օրիգինալից 2012-09-04-ին։ Վերցված է 2011-11-24 
  5. Council File Number:07-1368, May 1, 2007, City of Los Angeles — Council File Number:07-1368.