Ավարտել է Ալլահաբադի համալսարանը։ 1928 թվականին մտել է Հնդկաստանի սոցիալիստական հանրապետական միության մեջ։ 1931 թվականին ղեկավար աշխատանք է վարել Կանպուր քաղաքի արհմիությունում, եղել միավորված պրովինցիաների Բանվորա֊գյուղացիական կուսակցության քարտուղար, ապա Համահնդկական բանվորա֊գյուղացիական կուսակցության գործադիր կոմիտեի անդամ և դրա օրգան «Կրանտի կարի» («Հեղափոխական») թերթի խմբագիր։ Եղել է Հնդկաստանի կոմկուսի համահիմնադիրներից, 1933 թվականից դրա կենտկոմի, 1936 թվականից՝ քաղբյուրոյի անդամ, 1951–1962 թվականներին եղել է ՀԿԿ գլխավոր քարտուղարը, 1958 թվականին՝ Ազգային խորհրդի քարտուղար։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 108)։
