Աշոտ Շահնազարյան

Աշոտ Սուրենի Շահնազարյան;
Ծնվել է	1949 հուլիսի 3
Ծննդավայր	Աչաջուր, Իջևանի շրջան
Քաղաքացիություն	Հայաստան
Կրթություն	Հայաստանի ազգային ագրարային համալսարան
Մասնագիտություն	քաղաքական գործիչ
Պարգևներ և ; մրցանակներ

Վիքիպեդիայում կան հոդվածներ Շահնազարյան ազգանունով այլ մարդկանց մասին։

Աշոտ Սուրենի Շահնազարյան (ծնվ. 3 հուլիսի 1949 թ., գ. Աչաջուր, Իջևանի շրջան), ՀՀ պետական գործիչ, 2004-2010 թթ. ՀՀ Տնտեսական մրցակցության պաշտպանության պետական հանձնաժողովի նախագահ։

Կրթություն[խմբագրել | խմբագրել կոդը]

1967-1972 թթ. - սովորել և ավարտել է Հայկական գյուղատնտեսական ինստիտուտի մեխանիզացիայի ֆակուլտետը՝ ավտոմոբիլային տրանսպորտի գծով ինժեներ-մեխանիկի որակավորմամբ։

Աշխատանքային գործունեություն[խմբագրել | խմբագրել կոդը]

1972-1974 թթ. - աշխատել է ՀՀ ավտոմոբիլային տրանսպորտի մինիստրությունում որպես ինժեներ։
1974-1979 թթ. - Երևանի 2983 ավտոշարասյան տնօրենի տեղակալ։
1979-1984 թթ. - «Անդրնավթգազշին» միավորման ավտոտրանսպորտային ձեռնարկության շահագործման բաժնի պետ։
1984-1990 թթ. - «Անդրնավթգազշին» միավորման տնօրենի տեղակալ, ապա՝ տնօրեն։
1988 թ. երկրաշարժի գոտում ղեկավարել է վերականգնման աշխատանքները։
1990 թ. - ՀՀ տրանսպորտի նախարարի տեղակալ։
1991-1998 թթ. - ՀՀ տրանսպորտի նախարարի առաջին տեղակալ։
1998 թ. - «Հայգազ» ՓԲԸ տնօրենի տեղակալ, ապա՝ «Գազաբաշխիչ» ՍՊԸ տնօրեն։
1999-2004 թթ. - ՀՀ արդյունաբերության և առևտրի նախարարի առաջին տեղակալ։
2004 թ. հոկտեմբերի 18-ին ՀՀ վարչապետի որոշմամբ ազատվել է Հայաստանի Հանրապետության առևտրի և տնտեսական զարգացման նախարարի առաջին տեղակալի պաշտոնից^[1]։
2004 թ. հոկտեմբերի 18-ին ՀՀ Նախագահի հրամանագրով նշանակվել է ՀՀ Տնտեսական մրցակցության պաշտպանության պետական հանձնաժողովի նախագահ՝ հինգ տարի ժամկետով։
2009 թ. հոկտեմբերի 24-ին ՀՀ Նախագահի հրամանագրով 2009 թ. հոկտեմբերի 20-ից լիազորությունները դադարեցվել են՝ պաշտոնավարման ժամկետը լրանալու կապակցությամբ^[2]։
2009 թվականից զբաղեցնում է «Երկաթուղու շինարարության տնօրինություն» ՓԲԸ գլխավոր տնօրենի պաշտոնը։
Եղել է ՀՀ կոռուպցիայի դեմ պայքարի խորհրդի անդամ։
Եղել է ԱՊՀ Հակամենաշնորհային քաղաքականության միջպետական խորհրդի անդամ։