Աշիյան թանգարան

Վիքիպեդիայից՝ ազատ հանրագիտարանից
Jump to navigation Jump to search
Աշիյան թանգարան
Asiyan Museum 2.JPG
Տեսակպատմական շենք-թանգարան
ԵրկիրFlag of Turkey.svg Թուրքիա[1]
ՏեղագրությունԲեշիքթաշ
Հիմնադրված է1945
Կայքasiyanmuzesi.com/index.php/en/

Աշիյան թանգարան (թուրք.՝ Aşiyan Müzesi), թուրք հայտնի գրող Թևֆիկ Ֆիքրեթի (1867-1915) տունը Ստամբուլի Բեշիքթաշ շրջանի հարևանությամբ։ Այն կառուցվել է 1906 թվականին, հետագայում, 1945 թվականին վերակառուցվել է որպես թանգարան[2]։ Թանգարանը պատկանում է Ստամբուլի մունիցիպալիտետին[3][4][5]։

Շենք[խմբագրել | խմբագրել կոդը]

Թևֆիկ Ֆիքրեթն ապրել է այս տանը 1906 թվականից մինչև 1915 թվականը, իր մահը։ Շենքը 1940 թվականին գրողի կինը` Նազիմեն, Լյութֆի Քըրդալի նախաձեռնությամբ վաճառել է քաղաքապետարանին։ Շենքը վերակառուցվել է որպես թանգարան և կոչվել է Նոր գրականության թանգարան (օսման.՝ Edebiyat-ı Cedide Müzesi): Թանգարանը բացվել է 1945 թվականին։ Թանգարանը վերանվանել է Աշիյան 1961 թվականին, երբ Թևֆիկ Ֆիքրեթի մասունքները, որոնք ի սկզբանե թաղված էին Էյուփ գերեզմանատանը, տեղափոխվել են իր տան բակ, որը նա շատ էր սիրում դեպի Բոսֆոր բացվող համայնապատկերի համար[2][5]։

Գրողը շենքը նախագծել էր ինքնուրույն[5] և իր տունն անվանել էր «Աշիյան», ինչը պարսկերենով նշանակում է «բույն»։ Շենքը երեքհարկանի փայտե կառույց է և գտնվում է այգու մեջ[2]

Թանգարան[խմբագրել | խմբագրել կոդը]

Աշիյան թանգարան, 2013

Շենքի ներքնահարկում գտնվում են վարչական գրասենյակները։ Առաջին հարկում ներկայացված են «Նոր գրականության շարժման» գրողներ Աբդյուլհակ Համիդ Թարհանը (1851-1937) և Նիգար Հանըմը։ Երկու առանձին սենյակներում ներկայացված են երկու գրողների նկարները, լուսանկարները, գրքերը և անձնական իրերը[2][3]։

Երկրորդ հարկում տեղակայված են Թևֆիկ Ֆիքրեթի աշխատասենյակն ու ննջարանը։ Այստեղ ցուցադրված են նրա անձնական իրերը, գրասեղանը, բազկաթոռը և իր կողմից արված նկարներն ու գծանկարները[3]։ Ննջարանում ցուցադրված է նաև նրա հետմահու դիմակը։ Այն ժամանակվա օսմանյան կայսր շահ Աբդյուլմեսիդի նկարը, որը նա նկարել է Թևֆիկ Ֆիքրեթի «Սիս» բանաստեղծության նեշնչմամբ, ևս կախված է առաջին հարկի պատից[2]։

Աշիյան թանգարանն ամբողջությամբ վերակառուցվել է և վերաբացվել քաղաքապետ Կադիր Թոփբաշի կողմից 2012 թվականի դեկտեմբերին։ Վերանորոգման աշխատանքներն արժեցել են 1.128 միլիոն լիրա (մոտավորապես` 640,000 ԱՄՆ դոլար)[4][5]։

Վերանորոգումից հետո ըստ օրիգինալ լուսանկարների վերակառուցված կահույքն ու Թևֆիկ Ֆիքրեթի մոմե արձանը տեղափոխվել են թանգարան[5]։

Այցելություն[խմբագրել | խմբագրել կոդը]

Թանգարանը փակ է լինում երկուշաբթի օրերին։ Այցելության ժամերը 9:00-16:00-ն է։ Մուտքն ազատ է[2]։

Ծանոթագրություններ[խմբագրել | խմբագրել կոդը]

  1. GeoNames — 2005.
  2. 2,0 2,1 2,2 2,3 2,4 2,5 «Aşiyan Müzesi» (Turkish)։ Istanbul Net։ Վերցված է 2013-03-27 
  3. 3,0 3,1 3,2 Akçakaya , Ali։ «Aşiyan Müzesi» (Turkish)։ İstanbul Büyükşehir Belediyesi։ Արխիվացված է օրիգինալից 2019-01-13-ին։ Վերցված է 2013-03-27 
  4. 4,0 4,1 «Aşiyan Müzesi restore edildi»։ Sabah (Turkish)։ 2012-12-14։ Վերցված է 2013-03-27 
  5. 5,0 5,1 5,2 5,3 5,4 «Aşiyan Müzesi yenilendi» (Turkish)։ arkitera։ 2012-12-17։ Վերցված է 2013-03-27