Անուշավան Պետրոսյան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Անուշավան Պետրոսյան
Ծնվել է	փետրվարի 28, 1938(1938-02-28) (86 տարեկան) Գեղադիր, Աբովյանի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	ազգագրագետ, պատմաբան և համալսարանի դասախոս
Հաստատություն(ներ)	Երևանի պետական համալսարան
Ալմա մատեր	ԵՊՀ պատմության ֆակուլտետ (1967)
Կոչում	դոցենտ
Գիտական աստիճան	պատմական գիտությունների թեկնածու
Տիրապետում է լեզուներին	հայերեն

Անուշավան Սաղաթելի Պետրոսյան (փետրվարի 28, 1938(1938-02-28), Գեղադիր, Աբովյանի շրջան, Հայկական ԽՍՀ, ԽՍՀՄ), ազգագրագետ, պատմական գիտությունների թեկնածու, դոցենտ։

Կենսագրություն

Ծնվել է 1938 թվականի փետրվարի 28-ին Աբովյանի շրջանի Գեղադիր գյուղում։ 1956 թվականին ավարտել է տեղի միջնակարգ դպրոցը։ 1956–1960 թվականներին աշխատել է Երևանի շինարարական տարբեր հիմնարկություններում։ 1960–1963 թթ. ծառայել է Խորհրդային բանակում։ 1963–1967 թթ. ուսանել է Երևանի պետական համալսարանի պատմության ֆակուլտետում։ 1969 թվականին որպես պահեստի սպա կրկին զորակոչվել է զինվորական ծառայության։ 1970–1973 թթ. ուսանել է ԵՊՀ ասպիրանտուրայում «ազգագրություն և հնագիտություն]» մասնագիտությամբ։ 1978 թ. պաշտպանել է թեկնածուական ատենախոսություն։ 1978 թ. աշխատանքի է անցել ԵՊՀ Պատմության ֆակուլտետի Հնագիտության և ազգագրության ամբիոնում որպես դոցենտ։ Չորս տասնամյակ Երևանի պետական համալսարանի տարբեր ֆակուլտետներում դասավանդել է Հայ և ընդհանուր Ազգագրություն դասընթացները, իսկ մագիստրատուրայում՝ Ազգագրության տարբեր հարցերի վերաբերյալ մի շարք մասնագիտական դասընթացներ։ Չորս տասնյակից ավելի գիտական ուսումնասիրությունների և երեք մենագրության հեղինակ է։

Երկեր

• Հայոց շերամապահական մշակույթը, Երևան, 1987, 148 էջ։
• Հայ գրականությունը և բանարվեստը ազգագրության սկզբնաղբյուր, Երևան, 2012, 302 էջ։
• Ձկնորսական մեթոդը Հայաստանում, Երևան, 2015, 216 էջ։

Գրականություն

• Երևանի պետական համալսարանի 90-ամյա պատմության ֆակուլտետը, խմբ. Էդիկ Գ. Մինասյան, Երևան, 2009, էջ 260։

Արտաքին հղումներ

• Անուշավան Պետրոսյան

Վիքիդարանն ունի նյութեր, որոնք վերաբերում են «Անուշավան Պետրոսյան» հոդվածին։