Անինա(ռումիներեն՝Anina, գերմ.՝ Steierdorf-Anina, հունգ.՝Stájerlakanina), քաղաք Ռումինիայի հարավ-արևմուտքում, Ռումինիայի Բանատ պատմական շրջանի Կարաշ-Սեվերին վարչական բաժանման միավորում։ Բնակչությունը՝ մոտ 9 167 բնակիչ (2002 թվականի մարդահամարի տվյալներով)[3]։
Քարածխի արդյունահանման կենտրոն է, որը հետագայում օգտագործվում է Ռեշիցայի կոքսոքիմիական և մետալուրգիական ձեռնարկություններում։ Քաղաքում կա մետաղամշակման և փայտասղոցման գործարաններ։
Քաղաքի մերձակայքում գտնվում է Պեշտերա-կու-Օասեն (բառացիորեն՝ «Ոսկորներով քարանձավ»), որտեղ 2002 թվականին հայտնաբերվել են արական սեռի մարդու մնացորդներ, որն ապրել է շուրջ 40 հազար տարի առաջ։ Այն գիտական միջավայրում և ԶԼՄ-ներում ստացել է «Անինայից Իո»-ն մականունը (ռումիներեն՝Ion din Anina): Այս մնացորդները հանդիսանում են կրոմանյոնյան մարդու մնացորդներ, որոնք հայտնաբերվել են Եվրոպայում։
1863 թվականի դեկտեմբերի 15-ին գործարկվել Է Ռումինիայի տարածքում առաջին լեռնային երկաթուղին, որը կապում է Անինա և Օրավիցա բնակավայրերը, և նախատեսված է Դունայի նավահանգիստներ ածուխի տեղափոխման համար։ Այն այսօր օգտագործվում է զբոսաշրջային նպատակներով, նրանց համար, ովքեր ցանկանում են տեսնել Կանադայի լեռների գեղատեսիլ լանդշաֆտները, և այցելությունը կազմակերպել երկարածիգ թունելի միջով։
Ռումինիա
