Անդրեյ Ռեմնյով
Անդրեյ Ռեմնյով | |
---|---|
Ծնվել է | 1962 |
Ծննդավայր | Յախրոմա, Dmitrovsky District, Մոսկվայի մարզ, ՌԽՖՍՀ, ԽՍՀՄ |
Կրթություն | Մոսկվայի գեղարվեստական ինստիտուտ |
Մասնագիտություն | սրբանկարիչ |
Անդրեյ Ռեմնյով (ռուս.՝ Андрей Владимирович Ремнёв, 1962, Յախրոմա, Dmitrovsky District, Մոսկվայի մարզ, ՌԽՖՍՀ, ԽՍՀՄ), ռուս նկարիչ։
Կենսագրություն[խմբագրել | խմբագրել կոդը]
Ծնվել է բժիշկների ընտանիքում։ 1983 թվականին ավարտել է 1905 թվականի հիշատակի մոսկովյան պետական ակադեմիական գեղարվեստական ուսումնարանը։ Մոսկվայի գեղարվեստական ինստիտուտի շրջանավարտ է (Կ. Տուտեվոլի և Ե. Մաքսիմովի արվեստանոց)[1][2], որտեղ առաջիններից մեկն է եղել, որ դիպլոմային աշխատանք է նկարել եկեղեցական թեմատիկայով[3]։ 1996 թվականին Անդրոնիկով վանքում սրբանկարիչ Օ. Վյաչեսլավի ղեկավարությամբ սկսել է սրբանկարչության 8-ամյա ուսումնառությունը[4]։ Կրոնական թեմատիկայով նկարելը չի թողել 2000-2010-ական թվականներին ևս։
Նկարչի անհատական ցուցահանդեսներն անցկացվել են Մոսկվայում[5], Ռյազանում, Դմիտրովում, Հաագայում, Տրենտոնում[6], այլ քաղաքներում։
Միջազգային երիտասարդական «Ռուսական գարուն» փառատոնի պլեների գեղարվեստական ղեկավարն է և ժյուրիի անդամ (Բավարիա, 2012, Բարսելոնա, 2013, Փարիզ, 2014)։ Դասավանդում է Մոսկվայի գեղարվեստական ինստիտուտում[7]։ Մշակույթի և արվեստի միջազգային ակադեմիայի պատվավոր թղթակից-անդամ է[8]։
Ռեմնյովի` ռուսական մոտիվների վերամշակման վրա հիմնված կերպարները ոգեշնչել են օտար դիզայներներին. իսպանական «Delposo» նորաձության տան 2015 թվականի աշուն-ձմեռ հավաքածուն ստեղծվել է Ռեմնյովի աշխատանքների ազդեցությամբ[9], իսկ «Vivetta» իտալական նորաձևության տան 2018 թվականի գարուն-ամառ հավաքածուն ստեղծվել է նկարչի հետ համագործակցությամբ[1]։ Դիզայներ Ալյոնա Ահմադուլինան, Ռեմնյովից թույլտվություն չստանալով[2][10], պետերբուրգյան The Repa ռեստորանի պատերի նկարազարդման համար նկարչից մոտիվներ է վերցրել[11], գործը, սակայն, դատարան չի հասել։
Բնութագրում[խմբագրել | խմբագրել կոդը]
Նկարչի տեխնիկան, իր խոսքով, հիմված է հին ռուսական սրբանկարների, 18-րդ դարի ռուսական գեղանկարչության, «Արվեստի աշխարհի» կոմպոզիցիաների և ռուսական կոնստրուկտիվիզմի համադրության վրա։ Արվեստագետ Եվգենի Շտայները նրան բնութագրում է իբրև կարնացիա նկարել կարողացող ժամանակակից հազվագյուտ նկարիչներից մեկը[12]։ Նկարելու համար Ռեմնյովն օգտագործում է հին տեխնիկա, ձվի դեղնուցի հիմքով ինքն է պատրաստում բնական ներկեր[3]։
Առավել մեծ ճանաչում են ձեռք բերել նկարչի այն աշխատանքները, որտեղ օգտագործվել են ռուսական գավառական կյանքի տեսողական մոտիվներ։
Ռեմնյովը որպես դիմանկարիչ հաճախ է աշխատում մասնավոր պատվիրատուների հետ։ Մասնավոր հավաքածուի մեջ պահվող նրա դիմանկարներից մեկը մասնակցել է Ռուսական թանգարանի «Ընտանեկան դիմանկար» ցուցահանդեսին (2014)[13]։
Մատենագրություն[խմբագրել | խմբագրել կոդը]
- Александр Шестимиров. «Андрей Ремнев». М., Белый город, 2006. ISBN 5-7793-0987-6
Ծանոթագրություններ[խմբագրել | խմբագրել կոդը]
- ↑ 1,0 1,1 «В залах МВК РАХ открывается выставка художественных работ Андрея Ремнёва «Стрелка» |» (ռուսերեն). artmoskovia.ru. Վերցված է 2018 թ․ հուլիսի 22-ին.
- ↑ 2,0 2,1 «Aэрофлот Premium». www.remnev.ru. Արխիվացված է օրիգինալից 2018 թ․ հուլիսի 23-ին. Վերցված է 2018 թ․ հուլիսի 22-ին.
- ↑ 3,0 3,1 «Андрей Ремнев: «Самое ценное качество для художника – чувство меры»». Artchive. Վերցված է 2018 թ․ հուլիսի 22-ին.
- ↑ «Галерея De Twee Pauwen представляет премьеру». www.remnev.ru. Արխիվացված է օրիգինալից 2018 թ․ հուլիսի 22-ին. Վերցված է 2018 թ․ հուլիսի 22-ին.
- ↑ «Выставка. Андрей Ремнёв «Высокая вода»». Независимая газета (անգլերեն). Վերցված է 2018 թ․ հուլիսի 22-ին.
- ↑ «The Artist/Dealer Relationship | Trenton City Museum» (ամերիկյան անգլերեն). ellarslie.org. Վերցված է 2018 թ․ հուլիսի 23-ին.
- ↑ «Афиша Воздух: Ню, абстракция, пейзаж: за какие картины теперь будет платить государство – Архив». Афиша (ռուսերեն). Վերցված է 2018 թ․ հուլիսի 22-ին.
- ↑ «Почетные члены-корреспонденты МЕЖДУНАРОДНОЙ АКАДЕМИИ КУЛЬТУРЫ И ИСКУССТВА». www.academia-maki.com. Արխիվացված է օրիգինալից 2019 թ․ հոկտեմբերի 20-ին. Վերցված է 2018 թ․ հուլիսի 23-ին.
- ↑ «Неделя моды в Нью-Йорке: 18 февраля». Elle (ռուսերեն). Արխիվացված է օրիգինալից 2018 թ․ հուլիսի 23-ին. Վերցված է 2018 թ․ հուլիսի 22-ին.
- ↑ «Andrey Remnev» (ռուսերեն). www.facebook.com. Վերցված է 2018 թ․ հուլիսի 23-ին.
- ↑ «За поход в музеи и театры Петербурга угостят шампанским». Собака.ru. Վերցված է 2018 թ․ հուլիսի 22-ին.
- ↑ «Карнация Ремнева». www.remnev.ru. Արխիվացված է օրիգինալից 2018 թ․ հուլիսի 21-ին. Վերցված է 2018 թ․ հուլիսի 22-ին.
- ↑ Марина Зимогляд. «Это был портрет бизнесмена, который любит фэнтези...» (անգլերեն). Վերցված է 2018 թ․ հուլիսի 22-ին.