Անդրեյ Բոչվարի հուշարձան

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Անդրեյ Բոչվարի հուշարձան
Անդրեյ Բոչվարի հուշարձանը գտնվում է Ռուսաստանում
Անդրեյ Բոչվարի հուշարձան
Կոորդինատներ 55°47′32.129″ հս․ լ. 37°27′48.938″ ավ. ե. / 55.79225806° հս․. լ. 37.46359389° ավ. ե. / 55.79225806; 37.46359389Կոորդինատներ: 55°47′32.129″ հս․ լ. 37°27′48.938″ ավ. ե. / 55.79225806° հս․. լ. 37.46359389° ավ. ե. / 55.79225806; 37.46359389
Գտնվում է Ռուսաստան Ռուսաստան
Մոսկվա
Կառուցվել է 1977
Շինության ձևը Կիսանդրի
Կառուցել է Նիկոլայ Նիկողոսյան
Ներկա վիճակը Կանգուն

Անդրեյ Բոչվարի հուշարձան (ռուս.՝ Памятник Андрею Бочвару), հուշարձան Ռուսաստանի մայրաքաղաք Մոսկվայում, որը նվիրված է խորհրդային մետաղագետ գիտնական, Խորհրդային Միության գիտությունների ակադեմիայի ակադեմիկոս, տեխնիկական գիտությունների դոկտոր, Սոցիալիստական աշխատանքի կրկնակի հերոս, Լենինի վեցակի շքանշանակիր, Լենինյան և Ստալինյան մրցանակների բազմակի դափնեկիր Անդրեյ Անատոլևիչ Բոչվարին (1902-1984)։ Բացվել է 1977 թվականի մարտի 1-ին նրա անունով կոչվող Անօրգանական նյութերի համառուսաստանյան գիտահետազոտական ինստիտուտի տարածքում[1]։ Նախագծի հեղինակներն են ԽՍՀՄ ժողովրդական նկարիչ, Ռուսաստանի գեղարվեստի ակադեմիայի անդամ, քանդակագործ Նիկոլայ Նիկողոսյանը և ճարտարապետ Տ. Ա. Նիկողոսյանը[2][3][4]։

Հուշաձանի հասցեն՝ ք. Մոսկվա, Ռոգովի փողոց, 5ա։

Նկարագրություն[խմբագրել | խմբագրել կոդը]

Գիտնականի բրոնզե կիսանդրին տեղադրված է գրանիտե պատվանդանին, որի վրա պատկերված են Լենինի ոսկեզօծված շքանշան, ինչպես նաև «Մուրճ և մանգաղ» երկու մեդալներ։ Ավելի ցած փորագրված է հետևյալ գրությունը. «Սոցիալիստական աշխատանքի հերոս, ակադեմիկոս Բոչվար Անդրեյ Անատոլևիչ։ Գիտության և տեխնիկայի զարգացման գործում բացառիկ ծառայությունների համար ԽՍՀՄ Գերագույն խորհրդի նախագահության 1954 թվականի հունվարի 4-ի հրամանով պարգևատրվել է «Մուրճ և մանգաղ» երկրորդ ոսկե մեդալով»[5][6]։

Ակադեմիկոս Անդրեյ Բոչվարի ծննդյան տարեդարձի օրը Անօրգանական նյութերի համառուսաստանյան գիտահետազոտական ինստիտուտի աշխատակիցները հարգանքի տուրք են մատուցում գիտնականին և ծաղիկներ դնում ինստիտուտի տարածքում գտնվող հուշարձանի մոտ[1]։

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]