Անահիտ Չարենց
Անահիտ Չարենց | |
---|---|
Ծնվել է | հունիսի 7, 1935 (88 տարեկան) |
Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
Գիտական աստիճան | բանասիրական գիտությունների դոկտոր |
Մասնագիտություն | գրող և գրականագետ |
Ծնողներ | հայր՝ Եղիշե Չարենց |
Անահիտ Եղիշեի Չարենց (հունիսի 7, 1935, Երևան, Հայկական ԽՍՀ, ԱԽՖՍՀ, ԽՍՀՄ), հայ գրականագետ, բանասիրական գիտությունների դոկտոր, Եղիշե Չարենցի կրտսեր դուստրը։
Կենսագրություն[խմբագրել | խմբագրել կոդը]
Անահիտ Չարենցը ծնվել է 1935 թվականի հունիսի 7-ին Երևանում` Եղիշե և Իզաբելլա Չարենցների ընտանիքում[1]։ Ստալինյան բռնաճնշումների տարիներին՝ 1937 թվականին կորցրել է հորը[2], մի քանի ամիս անց մորը աքսորել են Ղազախստան[3]։ Աքսորից ազատվելուց հետո մնացել է Ղազախստանում, որտեղ էլ ամուսնացել է։ Անահիտը մեծացել է մորական տատի մոտ։
Ստալինի մահից հետո զբաղվել է Չարենցի ձեռագրերի ուսումնասիրմամբ և վերծանմամբ, որոնք խոնավությունից դարձել են դժվարընթեռնելի։ 1978 թվականին հրատարակել է «Չարենցի ձեռագրերի աշխարհում» աշխատությունը, 1983 թվականին՝ «Անտիպ և չհավաքված երկեր» գիրքը[4][5]։
Եղիշե Չարենցի տուն-թանգարանի հիմնադրման գործում մեծ ներդրում են ունեցել Արփենիկ և Անահիտ Չարենցները[6]։
2022 թվականի մարտի 13-ին ՀՀ վարչապետ Նիկոլ Փաշինյանը հայկական մշակութային ժառանգության պահպանման գործում ներդրած ավանդի և երկարամյա անխոնջ գործունեության համար Անահիտ Չարենցին պարգևատրել է Երախտագիության մեդալով[7]։
Անահիտ Չարենցը բնակվում է Նիդերլանդներում, ավագ դուստրը՝ Հասմիկ Չարենցը (Բազյան), ծնվել է 1956 թվականին, մի շարք բանաստեղծությունների, երգերի տեքստերի, հոդվածների և մյուզիքլների հեղինակ է, մահացել է 2020 թվականին Նիդերլանդներում[8], կրտսեր դուստրը՝ Գոհար Չարենցը (Բազյան), ծնվել 1958 թվականին Երևանում, Եղիշե Չարենցի տուն-թանգարանի գիտաշխատող է[9][10]։
Ծանոթագրություններ[խմբագրել | խմբագրել կոդը]
- ↑ «Տարեգրություն | Եղիշե Չարենցի տուն-թանգարան։ charents.am». www.charents.am. Արխիվացված է օրիգինալից 2017 թ․ սեպտեմբերի 22-ին. Վերցված է 2017 թ․ սեպտեմբերի 19-ին.
- ↑ Հանդիպում Անահիտ Չարենցի հետ
- ↑ Ինչպես են Չարենցի հետ նստել, երբ նա մեկուսարանում է եղել. Զրույց բանաստեղծի թոռան հետ
- ↑ «Որոնման արդյունքներ 'au:"Չարենց, Անահիտ"' համար › ՀՀ ԳԱԱ հիմնարար գիտական գրադարան քարտարան». opac.flib.sci.am. Վերցված է 2024 թ․ մարտի 16-ին.
- ↑ ԳԱԱ Ինստիտուտների համահավաք գրացուցակ
- ↑ ՏՈՒՆ-ԹԱՆԳԱՐԱՆԻ ՍՏԵՂԾՄԱՆ ՊԱՏՄՈՒԹՅՈՒՆԸ
- ↑ Վարչապետը տիկնոջ հետ այցելել է Եղիշե Չարենցի տուն-թանգարան. Նիկոլ Փաշինյանն Անահիտ Չարենցին պարգևատրել է Երախտագիության մեդալով13.03.2022
- ↑ «Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը». Armtimes.com. Վերցված է 2024 թ․ մարտի 16-ին.
- ↑ Դանիելյան, Գայանե (2023 թ․ մարտի 13). ««Չարենցի նման բանաստեղծների վերջն անվերջությունն է, անսահմանությունը». ՀԳՄ նախագահ». «Ազատ Եվրոպա/Ազատություն» ռադիոկայան. Վերցված է 2024 թ․ մարտի 16-ին.
- ↑ Գրանկյուն․․․«Չարենցի թոռնուհին լինելը մեծ հպարտություն Է»