Այգեստան

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Այգեստան (այլ կիրառումներ)
Գյուղ
Այգեստան
Արբանյակային պատկեր
Կոորդինատներ: 40°01′50″ հս․ լ. 44°33′27″ ավ. ե. / 40.03056° հս․. լ. 44.55750° ավ. ե. / 40.03056; 44.55750
Երկիր Հայաստան Հայաստան
Մարզ Արարատի
ԲԾՄ 860 մ մ
Պաշտոնական լեզու Հայերեն
Բնակչություն 3063 մարդ (2011)
Ազգային կազմ Հայեր
Ժամային գոտի UTC+4
Ավտոմոբիլային կոդ 25
##Այգեստան (Հայաստան)
Red pog.png

Այգեստան, գյուղ Հայաստանի Արարատի մարզում, մարզկենտրոնից՝ 6-7 կմ հյուսիս-արևելք։ Նախկինում ունեցել է Այազլի, Այասլու անվանումները։ 1949 թվականին վերանվանվել է Այգեստան։ Մոտակայքում է գտնվում Բայրամ-Ալի ղշլաղ ավերակ բնակավայրը։

Պատմություն[խմբագրել | խմբագրել կոդը]

Գյուղը հիմնադրվել է 1831 թվականին։ Բնակիչների նախնիները եկել են Պարսկահայաստանի Խոյի և Սալմաստի գավառներից։

Կլիման[խմբագրել | խմբագրել կոդը]

Կլիման չոր, խիստ ցամաքային է։ Ձմեռները սկսվում են դեկտեմբերի կեսերին։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսաանապատներ են, որոնք ոռոգման ընթացքում վեր են ածվել կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։

Բնակչություն[խմբագրել | խմբագրել կոդը]

Տարի 1831 1897 1926 1930 1959 1970 1979 2001 2004 2011
Բնակիչ 279 1003 329 1348 1946 2171 2278 2642 2227 3063

Տնտեսություն[խմբագրել | խմբագրել կոդը]

Բնակչությունը զբաղվում է այգեգործությամբ, խաղողագործությամբ, դաշտավարությամբ, բանջարաբուծությամբ։ Մշակում են ջերմասեր բանջարաբոստանային կուլտուրաներ՝ լոլիկ, տաքդեղ, սմբուկ, ձմերուկ, սեխ, ինչպես նաև հացահատիկ։ Զբաղվում են նաև կաթնամսատու անասնապահությամբ, մեղվաբուծությամբ։ Պահուստային հողերը նույնպես յուրացվում են որպես այգիներ, վարելահողեր։ Կան նաև արոտավայրեր՝ մոտ 21 հա։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]