Այգեհովիտի դիտակայան
- Անվան այլ կիրառումների համար տե՛ս՝ Այգեհովիտ (այլ կիրառումներ)
Տեսակ | ամրոց |
---|---|
Վարչական միավոր | Այգեհովիտ |
Երկիր | Հայաստան |
Այգեհովիտի դիտակայան, ռազմական կառույց՝ դիտակայան Հայաստանի Տավուշի մարզի Այգեհովիտ գյուղի մոտ, Աղստև գետի աջ ափին, Կայան ավանի պետտնկարանի մոտ։
Ճարտարապետություն[խմբագրել | խմբագրել կոդը]
Հնում եղել է դիտակայան՝ կառուցված գետաքարերով, թրծած աղյուսով և կրաշաղախով։ Դիտակայանը քառահարկ է, արտաքինից հիշեցնում է գլանաձև աշտարակ։ Ներսից առաջին երեք հարկերը քառակուսի են, վերջինը՝ գլանաձև։ Դիտակայանի մուտքի միակ դուռը ներքևի հարկից է, արևմտյան կողմում մյուս հարկերը կարելի է բարձրանալ պատերի վրա կառուցված աստիճաններով։ Պատերը ներսի կողմում ունեն մի քանի կամարակապ մեծ խորշեր, որոնց վրա նկատվում են փոքրիկ թեք անցքեր՝ հրազենների և լուսամուտաձև նեղ անցքեր՝ դիտելու համար։ Նույնատիպ, բայց ավելի մեծ այսպիսի մի դիտակայան էլ գտնվում է նորաստեղծ լճի ափին, 3 կմ դեպի արևելք։ Վազաշեն գյուղի հանդամասում, տեղացիները կոչում են Դիտավան։
Գրականություն[խմբագրել | խմբագրել կոդը]
- Ի.Բ. Էլլարյան, Աղստևի հովտի պատմության և կուլտուրայի հուշարձաններ, Երևան, «Հայաստան», 1980 — 43, էջեր 43 — 154 էջ։