Ամստերդամի պատմության թանգարան

Վիքիպեդիայից՝ ազատ հանրագիտարանից
Jump to navigation Jump to search
Ամստերդամի պատմության թանգարան
Amsterdam Binnenplaats meisjes.jpg
Տեսակթանգարան
ԵրկիրՆիդերլանդներ
ՏեղագրությունԱմստերդամ
ՎայրBurgerweeshuis?
Կազմված էՎիլլետ Հոլտհյուսեն թանգարան
ՀասցեՆիդերլանդներ: Ամստերդամ, Կալվերստրատ 921012 PHՍինտ Լյուսիենստեեգ
Հիմնադրված էնոյեմբերի 2, 1926
ՀիմնադիրԿորնելիս Բարդ
Այցելուներ199 322[1], 191 450[1] և 172 619[1]
Կոորդինատներ: 52°22′13.01″ հս․ լ. 4°53′26.99″ ավ. ե. / 52.3702806° հս․. լ. 4.8908306° ավ. ե. / 52.3702806; 4.8908306
ԿայքՊաշտոնական կայք

Ամստերդամի պատմության թանգարան (հոլ.՝ Amsterdams Historisch Museum) կամ Ամստերդամի թանգարան (հոլ.՝ Amsterdam Museum), գտնվում է Նիդերլանդների համանուն քաղաքում՝ Կալվերստրատ 92 հասցեում։

Պատմություն[խմբագրել | խմբագրել կոդը]

Բացվել է 1926 թվականին Ամստերդամի կախովի պալատում, 15-րդ դարի շինություն է, տեղակայված է Նյումկարտ[en] հրապարակում։ 1975 թվականից զբաղեցնում է նախկին ապաստարանի շինությունը, որը կառուցվել է 1580 թվականին։ Այն ընդարձակվել է ճարտարապետներ Հենդրիկ դե Կեյզերի և նրա որդի Պիտեր դե Կեյզերի[en] կողմից։ 1634 թվականին կառույցը վերակառուցել է նկարիչ և ճարտարապետ Յակոբ վան Կամպենը։ Ապաստարանը շինության մեջ տեղակայվել է մինչև 1960 թվականը։

Ցուցադրություն[խմբագրել | խմբագրել կոդը]

Թանգարանի ցուցադրության մեջ մտնում են Ամստերդամի պատմության հետ կապված տարբեր առարկաներ՝ սկսած միջին դարերից մինչև մեր ժամանակները։ Թանգարանի հավաքածուն ներառում է մոտավորապես 80 000 արվեստի նմուշ՝ նկարներ, քանդակներ, փորագրություններ, այնպիսի հեղինակների նկարներ, ինչպիսիք են՝ Ռեմբրանդ, Յորդան Բրակենսիկ[en], Անտոնիսզ Կորնելիս[en], Ալբերտ Յանսզ Վինկենբրինկ[en], Ադրիան վան Նիուլանդտ[en], Գեորգ Հենդրիկ Բրեյտներ։ Թանգարանում ներկայացված են նաև գրքեր, կահույք, տեքստիլ արտադրանքներ, ապակուց և կերամիկայից պատրաստված առարկաներ, մեդալներ, արհեստագործական արտադրանքներ և կենցաղային առարկաներ, որոնք ցուցադրում են քաղաքի կյանքի պատմությունը։ Թանգարանը պահպանում է նաև հնագիտական նմուշներ, որոնք հայտնաբերվել են Ամստերդամի հնագիտական ծառայության կողմից։ Ցուցադրության բոլոր առարկաների տվյալները աստիճանաբար թվայնացվում են։

2010 թվականին թանգարանը իր վեբ էջում ազատ մուտքի հնարավորություն տվեց իր հավաքածուիի հիմնական մասի համար։

Ամստերդամի պատմության թանգարանը համարվում է եվրոպական թանգարանների հավաքածուների թվայնացման ծրագրի գործընկերներից մեկը։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]