Ամուսնություն (մուլտֆիլմ)

Ամուսնություն ռուս.՝ Брак
Տեսակ	կարճամետրաժ մուլտիպլիկացիոն ֆիլմ
Ժանր	երգիծանք
Ռեժիսոր	Գարրի Բարդին
Սցենարիստ	Գարրի Բարդին
Հնչյունավորում	Գարրի Բարդին և Իրինա Մուրավյովա
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	10 րոպե
Թվական	1987
bardin.ru/f1987.htm

«Ամուսնություն» (ռուս.՝ «Брак»), 1987 թվականին «Սոյուզմուլտֆիլմ» կինոստուդիայում ռեժիսոր Գարրի Բարդինի կողմից ստեղծված ծավալուն մուլտիպլիկացիոն ֆիլմ։

Սյուժե

Ծանոթության, սիրո, ամուսնության և ընտանեկան կյանքի պատմություն է, որը ներկայացվում է երկու պարանների միջոցով։ Տղամարդը Բուսյա անունով պարանն է, կինը՝ Մասյա անունով պարանը։ Հրաշալի պամֆլետ է երկու գռեհիկ մարդկանց անհոգի, անսեր ամուսնական միության մասին, որոնք տառապում են, և նրանց հետ էլ տառապում են նրանց անմեղ երեխաները։

Ստեղծողներ

• Ռեժիսոր՝ Գարրի Բարդին
• Սցենարի հեղինակ՝ Գարրի Բարդին
• Բեմադրող նկարիչ՝ Իրինա Լեննիկովա
• Օպերատոր՝ Սերգեյ Խլեբնիկով
• Մուլտիպլիկատորներ՝ Իրինա Սոբինովա-Կասիլ, Լիդիա Մայատնիկովա
• Հնչյունային օպերատոր՝ Վլադիմիր Կուտուզով
• Մոնտաժողներ՝ Գալինա Ֆիլատովա
• Ֆիլմի վրա աշխատել են՝ Վ. Աբակումով, Օ. Մասաինով, Վ. Գրիշին, Ս. Պոպով, Պ. Գուսև, Մ. Կոլտունովը, Վ. Պետրով, Վ. Ալիսով, Ս. Զնամենսկայա
• Դերերը հնչյունավորել են՝ Իրինա Մուրավյովա, Գարրի Բարդին, Գենադի Խազանով (մեկնաբանի ձայնը հեռուստացույցով)
• Խմբագիր՝ Տատյանա Պապորովա
• Նկարահանող խմբի տնօրեն՝ Գրիգորի Խմարա

Մուլտֆիլմի մասին

Մուլտֆիլմում հերոսները խոսում են ռուսերեն աղավաղված բառերով, սակայն նախադասությունների իմաստը հասկանալի է։ Եվ գլխավոր իմաստային տարրը դառնում է ոչ թե խոսքը, այլ հնչերանգը։ Եվ պատմության մեջ հիանաի դեր է կատարում նյութը՝ պարանները։ Նրանք միմյանց են կապվում հարսանիքի ժամանակ և յուրաքանչյուր վեճի ժամանակ ձգվելով տարբեր ուղղություններով, խեղում են միմյանց. պարանն ունի կտրվելու հատկություն։ Կերպարները համակերպվում են, և վերքը բուժվում է. պարանը կարվում է, կապվում, քորոցով ամրանում։ Սա ընտանեկան կապերի և բարոյական վիրավորանքների փոխաբերություն է։

Որպեսզի նկարահանումների ժամանակ պարանը պահպանի ձևը, դրա հիմքում օգտագործել են գերմանական այրված ալյումինե մետաղալարեր, որը վերցվել է խաղալիքների ֆաբրիկայից։ Նկարահանումներից հետո ռեժիսորի մոտ մնացել է չօգտագործված մետաղալար, որն ավելի ուշ օգտագործվել է «Выкрутасы» մուլտֆիլմում։

Արտաքին հղումներ

• «Ամուսնություն» մուլտֆիլմը Գարրի Բարդինի պաշտոնական կայքում
• Ամուսնություն (1987)(անգլ.) ֆիլմը Internet Movie Database կայքում
• Ամուսնություն (1987) մուլտֆիլմը «Անիմատոր.ռու» կայքում
• «Брак» — Энциклопедия отечественного кино(չաշխատող հղում)