Գենադի Խազանով

Վիքիպեդիայից՝ ազատ հանրագիտարանից
Jump to navigation Jump to search
Գենադի Խազանով
Genadiy Hazanov's rehearsal at Laima Rendez Vous Jurmala 2017 .jpg
Ծնվել է դեկտեմբերի 1, 1945(1945-12-01) (73 տարեկան)
Ծննդավայր Մոսկվա, ԽՍՀՄ[1][2]
Կրթություն Q62018260?
Քաղաքացիություն Flag of Russia.svg Ռուսաստան
Մասնագիտություն դերասան, թատրոնի դերասան, performance artist, հեռուստահաղորդավար, ստենդ ափ երգիծաբան, հասարակական գործիչ, թատերական ռեժիսոր, երգիծաբան և impressionist
Երեխա(ներ) Ալիսա Խազանովա
Պարգևներ և մրցանակներ «Հայրենիքին մատուցած ծառայությունների համար» II աստիքանի շքանշան, Հայրենիքին մատուցած ծառայությունների համար 3-րդ աստիճանի շքանշան, «Հայրենիքին մատուցած ծառայությունների համար» 4-րդ աստիճանի շքանշան, Բարեկամության շքանշան, ՌԽՖՍՀ ժողովրդական արտիստ, ՌԽՖՍՀ վաստակավոր արտիստ, «Հայրենիքին մատուցած ծառայությունների համար» 1-ին աստիճանի շքանշան, Ռուսաստանի Դաշնության Պետական մրցանակ և Ռուսաստանի Դաշնության նախագահի երախտագիտություն
hazanov.ru

Գենադի Վիկտորի Խազանով (ռուս.՝ Геннадий Викторович Хазанов) (դեկտեմբերի 1, 1945(1945-12-01), Մոսկվա, ԽՍՀՄ[1][2]), խորհրդային և ռուսական էստրադայի, թատրոնի, կինոյի դերասան, ՌԴ ժողովրդական արտիստ, ՌԴ պետական մրցանակի դափնեկիր (1995), Մոսկվայի պետական էստրադային թատրոնի գեղարվեստական ղեկավար, հեռուստահաղորդավար, հասարակական գործիչ։

Կենսագրություն[խմբագրել | խմբագրել կոդը]

Գենադի Խազանովը ծնվել է 1945 թվականին հրեաների ընտանիքում։ Հայրը եղել է ռադիոկապի ինժեներ, ձայնագրության մասնագետ։ Մայրը՝ Իրաիդան, ավարտել է կապի ինստիտուտը, մասնագիտությամբ ինժեներ էր, աշխատել է Իլիչի անվան գործարանում[3]։ Խազանովի ծնողները բաժանվել են իր ծնվելուց անմիջապես հետո[4]։ Խազանովը դպրոցում կազմակերպել է երգիծական միջոցառումներ, արվեստագետների և այլ հայտնի մարդկանց հանգեր է արել, նմանակել է տարբեր ձայներ, հեռուստառադիո ծրագրերից հատվածներ է կատարել, շահել բազմաթիվ մրցույթներում[5]։ Ավարտել է Ստանիսլավսկու անվան երաժշտական դպրոցը, որտեղ էլ սովորել է դաշնամուր նվագել [6]։ 1962 թվականին ավարտել է դպրոցը, փորձել է ընդունվել Շչուկինի անվան թատերական ինստիտուտը, սակայն չի հաջողվել ընդունվել։ Անհաջողության մատնվելուց հետո Խազանովը ընդունվել է Կրկեսային և էստրադային արվեստի պետական ուսումնարան։ 1969 թվականին ավարտել է այն և սկսել աշխատել ՌՍՖՍՀ պետական էստրադային նվագախմբում որպես հանդիսավար։ Հետագայում դարձել է Մոսկվայի ինժեներաշինարարական ինստիտուտի ՈւՀԱ թիմի անդամ։ Ուսանողական տարիներին Խազանովին մեծ հռչակ բերեց «խոհարարական տեխնիկումի ուսանողի» կերպարը[7]։ 1978 թվականից նա ելույթ է ունենում հեռուստատեսությամբ և հայտնի դառնում Խորհրդային Միությունում։ Խազանովի ծաղրանքը զայրույթ է առաջացնում պաշտոնական շրջանակներու։ Նրան որոշ ժամանակով արգելվում են ոչ միայն ներկայացումները, այլև ընդհանրապես ելույթները լայն հասարակության առջև։ Սակայն նա շարունակում էր ելույթներ ունենալ ակումբներում, փակ երեկույթներում։ Խազանովը 1997 թվականից Մոսկվայի պետական էստրադային թատրոնի գեղարվեստական ղեկավարն է։ Իր ուսուցչին նա համարում է Արկադի Ռայկինին, որի ստեղծագործությունները մեծ ազդեցություն են թողել նրա վրա[8]։ Հյուրախաղերով ելույթ է ունեցել մի շարք երկրներում, այդ թվում նաև՝ Հայաստանում։

Քաղաքական հայացքներ[խմբագրել | խմբագրել կոդը]

  • 1996 թվականի Ռուսաստանի նախագահական ընտրությունների ժամանակ եղել է Բորիս Ելցինի վստահված անձը։
  • 2012 թվականին պաշտոնապես գրանցվել է Ռուսաստանի նախագահի թեկնածու Վլադիմիր Պուտինի վստահված անձ։

Անձնական կյանք[խմբագրել | խմբագրել կոդը]

Կինը՝ Զլատա Իոսիֆովնան աշխատում է մենեջեր։ Նրանք ծանոթացել են 1969 թվականին, թատերական ստուդիայում։ Զլատայի մայրը դեմ էր նրանց ամուսնությանը, բայց նրանք 1970 թվականին ամուսնացան։ Շուտով նրանք աղջիկ են ունենում, որին անվանում են Ալիսա։ Ունի երկու թոռ։

Ֆիլմագրություն[խմբագրել | խմբագրել կոդը]

Տարեթիվ Անվանում Դեր
1976 Կախարդական լապտեր կոմիսայ Ժյուվ
1984 Ճայերի հարսանիք
1986 Ինչպես դառնալ աստղ
1992 Մեծ սեքսի փոքրիկ հսկան Մարատ
1997 Ոստիկանները և գողերը խաբեբա
2003 Ձյունե թագուհին ագռավ Կառլ
2004-2006 Իմ գեղեցիկ դայակը Ժորես Կլեշենկո․ թամադա
2006 Ո՞վ է տան տերը Նիկոլայ Պետրովիչ
2007 Արյունոտ Մերի Անտոնի հայրը
2007 Զինվոր Իվան Չոնկինի արկածները Մոիսեյ Սոլոմոնովիչ Ստալին
2008 Ատրակցիոն Օսինսկի
2009 Հրամայում եմ ոչնչացնել։ Օպերացիա՝ «Չինական արկղ» Իոսիֆ Ստալին
2011 Օլիմպիական գյուղ պաշտոնյա
2014 Կովկասի գերուհին 2 ընկեր Սաախով[9]

Մուլտֆիլմի ձայներ[խմբագրել | խմբագրել կոդը]

Տարեթիվ Անվանում Ձայ
1975 Լեոպոլդ կատուն, Լեոպոլդը և Ոսկե Ձկնիկը Լեոպոլդ կատու
1975 Նկար։ Վանյան գնաց ձիով[10] հեղինակ
1976 Դե, սպասիր (թողարկում 9) մարզական մեկնաբան [11]
1980 Վախկոտը
1984 Անառակ թութակի վերադարձը (թողարկում 1)[12] թութակ Կեշա[13]
1987 Անառակ թութակի վերադարձը (թողարկում 2) թութակ Կեշա
1987 Ամուսնություն[14]
1988 Անառակ թութակի վերադարձը (թողարկում 3) թութակ Կեշա
2003 Գազանների պատերազմ թութակ-մարզական մեկնաբան
2004 Անգետիկը և Բարաբասսը Մուրզիլկա
2009 9 Առաջին

Ծանոթագրություններ[խմբագրել | խմբագրել կոդը]