Աղվա
| Բնակավայր | ||
|---|---|---|
| Աղվա | ||
| թուրքերեն՝ Ağva | ||
 | ||
| Երկիր |  Թուրքիա | |
| Նահանգ | Ստամբուլի նահանգ | |
| Շրջան | Շիլե | |
| Համայնք | Ստամբուլի մարզ և Շիլե | |
| Խոսվող լեզուներ | թուրքերեն | |
| Բնակչություն | 2,500 (ձմռանը), 15,000 (ամռանը) մարդ | |
| Ժամային գոտի | UTC+2, ամառը UTC+3 | |
| Հեռախոսային կոդ | 216[1] | |
| Փոստային դասիչ | 34990 | |
| Ավտոմոբիլային կոդ | 34[2] | |
| ||
Աղվա (թուրքերեն՝ Ağva, հաճախ կոչվում է նաև Եշիլչայ), բնակավայր և հանգստավայր Թուրքիայի Ստամբուլի նահանգի Շիլե շրջանում։
Աշխարհագրություն
[խմբագրել | խմբագրել կոդը]
Աղվան մերձափնյա բնակավայր-հանգստավայր է Սև ծովի ափին, որը գտնվում է երկու գետերի միջև։ Արևմուտքում գտնվում է Գյոքսու գետն, իսկ արևելքում՝ Եշիլչայը։ Փաստացի, «Աղվա» բառը նշանակում է «գետերի միջև»։ Եշիլչայը հայտնի է Ստամբուլի քաղաքային ջրային համակարգի գլխավոր աղբյուրներից մեկով՝ Եշիլչայի ջրամբարով[3]։
Ստամբուլի կենտրոնից հեռավորությունը կազմում է 97 կիլոմետր (60 մղոն), իսկ Շիլեից՝ 38 կիլոմետր (24 մղոն)[3]։
Պատմություն
[խմբագրել | խմբագրել կոդը]Աղվայի ներկայիս տարածքը նախկինում եղել է Բյութանիայի կազմում։ Օսմանյան կայսրության ժամանակաշրջանում օղուզական ծագմամբ թուրքերը հաստատվել են Աղվայի շրջանում։ Ընդհուպ մինչև 20-րդ դարը Աղվայում եղել է մեծաքանակ հունական համայնք։ Այդուհանդերձ, 1920-ական թվականներին տեղի ունեցած բնակչության փոխանակության արդյունքում, Աղվայում վերաբնակվել են Հունաստանից գաղթած թուրքերը։
Կեցություն
[խմբագրել | խմբագրել կոդը]Իր գեղատեսիլ շրջակա միջավայրի պատճառով՝ Աղվան համարվում է Ստամբուլի ամենահայտնի հանգստավայրերից մեկը։ Ի հավելումն 2,5 կիլոմետր (1,6 մղոն) երկարությամբ ձգվող լողափի[4], Աղվայում կան բազմաթիվ ռեստորաններ և հանգստյան տներ։ Գյոքսու գետը հայտնի է թիավարության և նավակներով արշավներ կազմակերպելու համար[5]։ Այստեղ նկարահանվել են թուրքական բազմաթիվ հեռուստասերիալների տեսարաններ։
Ձմեռային ամիսներին Աղվայի բնակչությունը կազմում է 2500 մարդ, իսկ ամառային ամիսներին այդ թիվը հասնում է մինչև 15 000-ի։ 1992-2009 թվականներին Աղվան եղել է մունիցիպալիտետի կարգավիճակ ունեցող համայնք։ 2009 թվականին Թուրքիայում տեղի ունեցած տեղական ինքնակառավարման մարմինների ընտրությունների ժամանակ, բնակչության նվազման պատճառով, այն կորցրել է իր քաղաքատիպ ավանի կարգավիճակը՝ դառնալով Շիլեի շրջանի համայնքներից մեկը[3][6]։
Տնտեսություն
[խմբագրել | խմբագրել կոդը]Ի շնորհիվ առկա բազմաթիվ անտառների՝ 1950-ական թվականներից Աղվան հայտնի է որպես Ստամբուլի փայտածխի հիմնական աղբյուր։ Այսօր զբոսաշրջությունը մեծ դեր ունի Աղվայի զարգացման գործընթացում։ Բացի այդ, հայտնի են նաև Շիլեի ձեռագործ հագուստը և բանջարեղենի ու մրգերի մշակումը[3]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Coğrafi Numaralar, Geographic Numbers (тур.) — Bilgi Teknolojileri ve Haberleşme Kurumu.
- ↑ İl bilgileri Haritası, Province information map (тур.) — Türkiye Cumhuriyeti İçişleri Bakanlığı.
- ↑ 3,0 3,1 3,2 3,3 «Ağva» (Turkish). Şile Kaymakamlığı. Արխիվացված է օրիգինալից 2012 թ․ հոկտեմբերի 12-ին. Վերցված է 2012 թ․ սեպտեմբերի 19-ին.
{{cite web}}: CS1 սպաս․ չճանաչված լեզու (link) - ↑ İstanbul Ajans Medya page (թուրքերեն) Արխիվացված 2013-11-22 Wayback Machine
- ↑ «Ağva guide (թուրքերեն)». Արխիվացված է օրիգինալից 2012 թ․ հոկտեմբերի 31-ին. Վերցված է 2019 թ․ դեկտեմբերի 29-ին.
- ↑ Şile mayor's page (թուրքերեն)
 | Վիքիպահեստն ունի նյութեր, որոնք վերաբերում են «Աղվա» հոդվածին։ |
|
