Աղջիկը, որ խճճվել էր ոստայնում
Աղջիկը, որ խճճվել էր ոստայնում շվեդ.՝ Det som inte dödar oss | |
|---|---|
| Հեղինակ | Դեյվիդ Լեջրքրենց |
| Տեսակ | գրական ստեղծագործություն |
| Ժանր | միստիկական գրականություն և քրեական |
| Բնօրինակ լեզու | շվեդերեն |
| Շարք | Միլենիում |
| Նախորդ | The Girl Who Kicked the Hornets' Nest? |
| Հաջորդ | The Girl Who Takes an Eye for an Eye? |
| Երկիր |  Շվեդիա |
| Հրատարակիչ | Նորստեդց Ֆորլագ |
| Հրատարակման տարեթիվ | օգոստոսի 27, 2015 |
Աղջիկը, որ խճճվել էր ոստայնում (շվեդ.՝ Det som inte dödar oss), Միլենիում վիպաշարի չորրորդ վեպն է։ Այն պատմում է Լիսբեթ Սալենդր և Մայքլ Բլոմկվիսթ կերպարների մասին։ Վեպի հեղինակը շվեդ գրող և լրագրող Դեյվիդ Լեջրքրենցն է։ Սա վիպաշարի առաջին վեպն է, որը ստորագրված չէ առաջին երեք Միլենիում գրքերի հեղինակ Սթիջ Լարսոնի կողմից։ Սթիջ Լարսոնը մահացել է 2004 թվականին, սրտի կաթվածից։ Վեպը ամբողջ աշխարհում հրատարակվել է 2015 թվականի օգոստոսի 27–ին, իսկ միայն ԱՄՆ-ում` 2015 թվականի սեպտեմբերի 1–ին[1]։
Զարգացում[խմբագրել | խմբագրել կոդը]
2013 թվականի դեկտեմբերին շվեդական Նորսթեջ Ֆողլագ հրատարակչությունը հայտարարում է Միլենիում վիպաշարի չորրորդ գրքի մասին, որը պետք է լույս տեսներ 2015 թվականի օգոստոսին, հեղինակ Դեյվիդ Լեջրքրենցի կողմից[2][3]։ Գրքի տվյալները պահպանվում էին խիստ գաղտնի և մեծ ուշադրություն էր դարձվում դրա անվտանգությունն ապահովելու վրա։ Լեջրքրենցը գիրքը գրել է իր համակարգչում, առանց համացանցից օգտվելու, արտաքին վտանգներից խուսափելու համար։ Նա գրքի ձեռագիր տարբերակը անձամբ հանձնել է իր հրատարակչին[4]։ Գրքի շվեդերեն վերնագիրը` «Det som inte dödar oss», բառացիորեն նշանակում է «Դա մեզ չի սպանի»[5]։ Լեջրքրենցը փորձել է չշեղվել վիպաշարի ուղղությունից և հավատարիմ է մնացել Լարսոնի լրագրողական ոճին[4]։ Վեպը թարգմանվել է 38 տարբեր լեզուներով, այդ թվում նաև անգլերեն (Ջորջ Գոուլդինգի կողմից)[6]։ Ինչպես նախորդ վեպերը, այս վեպի անգլերեն թարգմանությունը ևս հրատարակվել է Միացյալ թագավորությունում, Քուերսուս հրատարակչության կողմից։ 2015 թվականի մարտին հրատարակիչ Ալֆրեդ Կնոֆը հայտարարել է գրքի անգելերեն թարգմանության վերնագիրը՝ «Աղջիկ, որ խճճվել էր սարդոստայնում»։ Առաջին անգամ գիրքը հրատարակվել է 500.000 օրինակով[7]։ Լարսոնի հայրը և եղբայրը, ովքեր վարձել էին Լեջրքրենցին, մշտապես աջակցել են նրան[8]։ Այնուամենայնիվ, Լարսոնի սիրեցյալ Էվա Գաբրիելսոն քննադատական կարծիք է հայտնել այս գործարքի մասին և Միլենիում վիպաշարի շարունակումը Լեջրքրենցի կողմից, «միանգամայն հիմարություն» է համարել[7] She possesses an unfinished fourth manuscript of the Millennium series, which is not included in the novel.[9]։ Երբ Լեջրքրենցի գրքերի հրատարակչին հարցրել են, Լարսոնի մահից հետո, Լեջրքրենցի` գիրքը շարունակելու որոշման մասին, նա ասել է. «Ես կարծում եմ, որ Լիսբեթ Սալենդրը քսանմեկերորդ դարի գրականության հերոսներից մեկն է։ Նա խիզախ է, անվեհեր և բարոյապես բարձր։ Ես հույս ունեմ, որ մարդիկ կգնահատեն այս կերպարի և հեղինակի վերադարձը գրականություն»[8]։
Սյուժե[խմբագրել | խմբագրել կոդը]
Համակարգչային գիտակ Ֆրանս Բալդերը լքում է Սիլիկոնային հովիտը և իր աշխատանքը ու վերադառնում Շվեդիա` իր աուտիկ որդի Օուգստին խնամելու համար։ Բալդերը մի քանի կազմակերպությունների կողմից զգուշացվել էր իրեն «Սարդային հասարակություն» կոչող կազմակերպության վտանգի մասին, սակայն նա անտեսումէ զգուշացումները` նախընտրելով խնամել իր անուշադրության մատնված որդուն։ Օուգուստն ուներ Սավանտի համախտանիշ։ Նա տպավորիչ նկարում էր և ակնհայտ ընդունակություններ ուներ թվաբանության ոլորտում։ Մանկական հիշողությունների ազդեցության տակ Սալենդրը որոշում է հետևել իր անցյալից ինչ–որ մեկի օրինակին։ Նա մուտք է գործում սարդային հասարակություն։ Նա օգնում է մի խումբ հաքերների մուտք գործել ԱԱԾ համակարգեր։ ԱԱԾ ագենտ Ալոնա Քեսայլեսին և ԷֆԷրԱ գործակալ Գաբրելա Գրեյնին հանձնարարված էր հետապնդել Սալենդրին և սարդային հասարակությանը (ռուսական հանցավոր աշխարհի մարդկանց խումբ, որոնց կառավարում էր ոմն Թանոսը)։ Գրեյնը զանգահարում է Բալդերին և զգուշացնում վտանգի մասին։ Բալդերը վարձում է Միլթոն գործակալությանը` իր անվտանգության ապահովման համար։ Բալդերը հանդիպում է նշանակում Բլոմկվիսթի հետ, սակայն նա ժամանելով, իր հետ է բերում վարձու մարդասպանի և Բալդերը սպանվում է։ Օուգուստի մայրն այլևս անկարող էր խնամել տղային` նրան թողնում է մի կազմակերպության խնամքի վրա։ Ինչ–որ կերպ Բլոմկվիսթը նկատում է, որ Օուգուստի հերթական նկարի հերոսը նման է նրա հոր մարդասպանին։ Կազմակերպության ղեկավար Կիրան հրամայում է հեռացնել երեխային` իր ահասարսուռ վարքի պատճառով։ Այդ ժամանակ Սալենդրը օգնում է Օուգուստին և դուրս է գալիս Բլոմկվիստի և Միլենիումի խմբագիր Էրիկա Բերգերի հետքի վրա։ Բերգերի ընկեր Գրեյնն իր ընկերոջն օգնելու համար առաջարկում է նրան պատսպարվել իր ծովափնյա առանձնատանը։ Բալդերը Բլոմկվիսթին ասում է, որ իր նախկին օգնականը, ով Սալեդրին վարձատրել էր, որպեսզի հաստատի, որ իրեն առևանգել են, իր աշխատած կազմակերպության անդամ է։ Նիդհամը դուրս է մղվում հետաքննական գործընթացից, քանի որ ԱԱԾ–ն ցանկանում էր թաքցնել իր ներգրավվածությունը։ Նա լսում է Վասփ անունով մի անհատի մասին և զուգահեռականներ է տանում նրա և Մարվել Կոմիքսի հերոսների միջև։ Այսպիսով, Բալդերը գնում է Սոլիֆոն կազմակերպություն և բացահայտում է, որ նրանք համագործակցում էին և՛ ԱԱԾ-ի, և՛ սարդային հասարակության հետ իրենց լրտեսական բազայով։ Այդ ժամանակ, Ռեբեկա Մեթսոն անունով մի կին փորձում է գայթակղել Բլոմկվիսթին։ Սալենդրի նախկին խնամակալ Հոլջերը հաստատում է, որ այդ կինը Լիզբեթի կորած երկվորյակ քույր Կամիլան է, ով տիրացել էր իր հոր՝ Զալեչենկոյի հանցավոր կարողության մի մասին, և այն օգտագործում էր Լիզբեթի դեմ։ Նիդհամը գալիս է Շվեդիա և կապվում է Բլոմկվիսթի հետ, խնդրում Սալենդրի հետ հանդիպում կազմակերպել, պատճառաբանելով, որ նա կօգնի նրանց ԱԱԾ–ի բազային տվյալների անվտանգության պահպանման գործում։ Այդժամ Սալենդրը տեղեկացնում է, որ նա և Օուգուստը սարդային հասարակության կողմից հարձակման մեջ են։ Լիզբեթը, կասեցնելով հարձակումը, վնասազերծում է Հոլթսերին և մի քանի այլ կասկածյալների։ Չնայած նրան, որ Կամիլան, Օուգուստը և Լիզբեթը հեռանում են, այնուամենայնիվ Օուգուստը արդեն նկարել էր Հոլթսերի դիմանկարը` օգնելով Սալենդրին բացահայտել ԱԱԾ-ի վերջին գաղտնիքը։ Գրեյնը պաշտոն է ստանում Միավորված ազգերի կազմակերպությունում։ Միլենիումը հրատարակում է մի փաստարկ, որը վերականգնում է իրենց հեղինակությունը և նորից շահում մարդկանց վստահությունը։ Սալենդրը այցելում է Բլոմկվիսթին, որպեսզի վերականգնի իրենց ընկերությունը։
Արձագանքներ[խմբագրել | խմբագրել կոդը]
Գիրքն արժանացել է և՛ դրական, և՛ քննադատական մեկնաբանությունների։ Ամսագրերից մեկում «Աղջիկը, որ խճճվել էր ոստայնում» գրքի մասին ասվել է. «Այն տիպիկ մեղք է»։ 2015 թվականի օգոստոսին Ամերիկայի Միացյալ Նահանգների տարածքում գիրքը ճանաչվել է բեսթսելլեր[10]։
Ֆիլմ[խմբագրել | խմբագրել կոդը]
2015 թվականի նոյեմբերին Columbia Pictures հեռուստատեսային ընկերությունը հայտատառել է, որ վեպի հիման վրա ֆիլմ է նկարահանվում[11]։ 2016 թվականի նոյեմբերի երկուսին Variety ամսագիրը հայտարարել է, որ ֆիլմի նկարահանման աշխատանքները ղեկավարելու է ուրուգվայցի կինոարտադրող Ֆեդե Ալվարեզը, որպես «Վիշապի դաջվածքով աղջիկը» ֆիլմի շարունակություն[12]։ Ի տարբերություն նախկին գրքերի և դրանց հիման վրա նկարահանված ֆիլմերի, «Աղջիկը, որ խճճվել էր ոստայնում» ֆիլմը առաջինն էր լինելու, որի բնօրինակը բեսթսելեր էր և առաջին ֆիլմը այդ շարքից, որը նկարահանվելու էր անգլերեն լեզվով[13]։
Ծանոթագրություններ[խմբագրել | խմբագրել կոդը]
- ↑ «Sequel to Stieg Larsson's Millennium novels: title and cover revealed». Entertainment Weekly. 2015 թ․ ապրիլի 30. Վերցված է 2015 թ․ հունիսի 16-ին.
- ↑ «Sequel announced to Stieg Larsson's Girl With the Dragon Tattoo trilogy». The Guardian. 2013 թ․ դեկտեմբերի 17. Վերցված է 2013 թ․ դեկտեմբերի 17-ին.
- ↑ «Fjärde boken i Millenniumserien ges ut». Aftonbladet. 2013 թ․ դեկտեմբերի 17. Վերցված է 2013 թ․ դեկտեմբերի 17-ին.
- ↑ 4,0 4,1 «Sequel to Stieg Larsson's Millennium novels: title and cover revealed». The Guardian. 2015 թ․ մարտի 31. Վերցված է 2015 թ․ հունիսի 16-ին.
- ↑ «Ny "Millennium"-bok i augusti». Folkbladet. TT Spektra. 2015 թ․ հունվարի 27. Արխիվացված է օրիգինալից 2015 թ․ հունվարի 28-ին. Վերցված է 2015 թ․ հունվարի 27-ին.
- ↑ «Quercus Publishing to publish fourth book in Stieg Larsson's Millennium series». marketwired.com. Վերցված է 2013 թ․ դեկտեմբերի 17-ին.
- ↑ 7,0 7,1 «From 'Dragon Tattoo' To The 'Spider's Web': Stieg Larsson's Heroine Returns». NPR.org. 2015 թ․ մարտի 31. Վերցված է 2015 թ․ մարտի 31-ին.
- ↑ 8,0 8,1 Neary, Lynn (2015 թ․ օգոստոսի 27). «The Girl Who Outlived Her Creator: Salander Returns In 'Spider's Web'». NPR.
- ↑ «Lagercrantz skriver "Millennium"-bok». Svenska Dagbladet. 2013 թ․ դեկտեմբերի 17. Վերցված է 2013 թ․ դեկտեմբերի 17-ին.
- ↑ «'Girl in the Spider's Web' leads new debuts on U.S. bestsellers list». Reuters. 2015 թ․ սեպտեմբերի 10.(չաշխատող հղում)
- ↑ Siegel, Tatiana; Kit, Borys (2015 թ․ նոյեմբերի 4). «'Girl With the Dragon Tattoo' Follow-up in Works With Steven Knight in Talks to Adapt (Exclusive)». The Hollywood Reporter. Վերցված է 2015 թ․ նոյեմբերի 5-ին.
- ↑ Kroll, Justin (2016 թ․ նոյեմբերի 2). «Sony's 'Girl With the Dragon Tattoo' Sequel May Have Found Its Director (EXCLUSIVE)». Variety.
- ↑ Kroll, Justin (2017 թ․ մայիսի 15). «'Girl With the Dragon Tattoo' Sequel: 'The Crown's' Claire Foy Frontrunner for Lisbeth Salander». Variety (ամերիկյան անգլերեն). Վերցված է 2017 թ․ հունիսի 11-ին.