Ակորդեոնահարը (նկար, Պիկասո)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Ակորդեոնահարը
տեսակգեղանկար
նկարիչՊաբլո Պիկասո[1]
տարի1911[1]
բարձրություն130,2 սանտիմետր
լայնություն89,5 սանտիմետր
ստեղծման վայրCéret?
ուղղությունanalytical cubism?[1]
ժանրդիմապատկեր
նյություղաներկ և կտավ
գտնվում էՍոլոմոն Գուգենհայմի թանգարան[2] և Ֆրանսիա[1]
հավաքածուՍոլոմոն Գուգենհայմի թանգարան[3]

«Ակորդեոնահարը» (ֆր.՝ L'Accordéoniste), իսպանացի նկարիչ Պաբլո Պիկասոյի նկարը։ Պատկանում է կուբիզմին։ Յուղաներկով նկարվել է կտավի վրա 1911 թվականի ամռանը։ Գտնվում է Նյու Յորքի Սողոմոն Գուգենհայմի թանգարանում։ Չափերը՝ 130,2 x 89,5 սանտիմետր[4][5]։

Պատմություն[խմբագրել | խմբագրել կոդը]

1911 թվականի ամռանը Պիկասոն և իր ընկեր Ժորժ Բրաքը ապրել և աշխատել են ֆրանսիական Սերե քաղաքում։ Նրանք փորձեր են կատարել՝ ստեղծելով նկարներ, որոնց հեղինակությունը երբեմն դժվար էր որոշել։ Նրանք կուբիզմի հիմնադիրներն էին և այն հասցրել էին գրեթե ամբողջական վերացության։ Սա սկզբունքորեն նոր արվեստ էր, որը հորինել են Պիկասոն և Ժորժ Բրաքը 1907-1914 թվականներին[6]։ «Ակորդեոնահարը» նկարի սեփականատերերից մեկն այնքան էր շփոթվել, որ նկարի ետևում արված «Céret» գրության պատճառով այդ ստեղծագործությունն ընդունել էր իբրև բնապատկեր[4]։

Նկարագրություն[խմբագրել | խմբագրել կոդը]

Անալիտիկ կուբիզմի ոճով մոխրագույն-օքրիստային երանգով նկարված նկարի վրա դժվար չէ տեսնել նստած ակորդեոնահարի ուրվագծերը, որոնք նշված են բազմաթիվ տեղահանված և ուղղահայաց կառուցված եռանկյունաձև հարթություններով, կիսաշրջանաձև ձևերով և ուղղանկյուններով: Նկարի կենտրոնում պատկերված է ակորդեոն։ Կարելի է տեսնել նրա մորթին և ստեղները, ինչպես նաև երաժշտի ձախ ձեռքը։ Կտավի ստորին մասում երևում են բազկաթոռի պարույրները։ Եվ չնայած նկարում պատկերված խուսափողական ձևերը և օբեկտները միշտ չէ, որ կարելի է ճշգրիտ որոշել, ակորդեոնահարի ժպտացող դեմքը՝ ուղղված դիտողին, դարձել է նկատելի դետալ։ Կտավի ներքևի ձախ հատվածում նկարիչի ստորագրությունն է՝ «Picasso»։

1937 թվականին կտավը դարձել է Սողոմոն Գուգենհայմի թանգարանի հիմնադիր հավաքածուի մի մասը։ Հավաքածուի սեփականատերը Սողոմոն Գուգենհայմն էր[4]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 https://beckchris.wordpress.com/visual-arts/art-history-101-part-v-1900-present-2/ — 2013.
  2. http://www.guggenheim.org/new-york/collections/collection-online/artwork/3426
  3. https://www.guggenheim.org/artwork/3426
  4. 4,0 4,1 4,2 «Pablo Picasso. Accordionist (L’accordéoniste)»։ GUGGENHEIM։ Վերցված է 2020-01-17 
  5. Avgikos Jan։ «Pablo Picasso»։ Guggenheim Museum։ Վերցված է հուլիսի 27, 2016 
  6. Voorhies James (2000)։ «Pablo Picasso (1881-1973)»։ Heilbrunn Timeline of Art History։ Metropolitan Museum of Art։ Վերցված է ապրիլի 8, 2011