Ալեքսանդր Սպենդիարյանի հուշակոթող

Ալեքսանդր Սպենդիարյանի հուշակոթող
Ալեքսանդր Սպենդիարյանի հուշակոթող
	; Ալեքսանդր Սպենդիարյանի հուշակոթող
	Ընդհանուր տեղեկություններ
Կարգավիճակ	ՀՀ պետական հուշարձան ID 1.6/46.1
Համայնք	Կենտրոն
Գտնվում է	Նալբանդյան փողոց 21
Ճարտարապետ(ներ)	Ստեփան Քյուրքչյան
Շինարարության ավարտ	1979
Ներկա վիճակ	կանգուն ;

Ալեքսանդր Սպենդիարյանի հուշակոթող, գտնվում է Երևանի Կենտրոն համայնքում՝ Նալբանդյան փողոցի թիվ 21 շենքի՝ Ալեքսանդր Սպենդիարյանի տուն-թանգարանի դիմաց։ Այդ շենքում Ալեքսանդր Սպենդիարյանն ապրել է կյանքի վերջին տարիներին՝ 1926-1928 թվականներին։ Հուշակոթողը տեղադրվել է 1979 թվականին։ Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում^[1]։

Հուշասյունը քառալեզու փորագրություն ունի. հուշասյան մի նիստին հայերեն ու անգլերեն, մյուսին՝ ֆրանսերեն ու ռուսերեն փաստված է. «Այս տանն ապրել է հայ մեծ կոմպոզիտոր Ալեքսանդր Սպենդիարյանը»։ Հուշակոթողի ճարտարապետը Ստեփան Քյուրքչյանն է, քանդակագործը՝ Դավիթ Բաբայանը՝ ներկայումս փարիզաբնակ Դավիթ Երևանցին։ Հուշակոթողի ներկայումս զգալիորեն տարբերվում է իր սկզբնական տարբերակից, քանի որ Դավիթ Երևանցին 2005 թվականին վերակերտել է հուշասյան հարթաքանդակները։