Ալեքսանդր Սայադյան

Վիքիպեդիայից՝ ազատ հանրագիտարանից
Jump to navigation Jump to search
Ալեքսանդր Գեորգիի Սայադյան
Սայադյան.jpg
Ծնվել էհոկտեմբերի 19, 1949 (70 տարեկան)
ԾննդավայրՀայկական Խորհրդային Սոցիալիստական Հանրապետություն Մարալիկ, ՀԽՍՀ
ԱզգությունՀայ
ԿրթությունՄաքսիմ Գորկու անվան գրականության ինստիտուտ
ՄասնագիտությունՀաղորդավար

Ալեքսանդր Գեորգիի Սայադյան (1949, հոկտեմբերի 19, Մարալիկ), հայ հաղորդավար։

Կենսագրություն[խմբագրել | խմբագրել կոդը]

Ալեքսանդր Սայադյանը ծնվել է 1949 թվականին, Մարալիկում։ 1966 թվականին ավարտել է Էջմիածնի թիվ 1 միջնակարգ դպրոցը։ Սովորել է Մոսկվայի հեռուստատեսության և ռադիոյի աշխատողների համամիութենական ինստիտուտում և Մոսկվայի Մաքսիմ Գորկու անվան գրականության ինստիտուտում: 1971 թվականին մասնակցել է հայկական ռադիոյի հայտարարած մրցույթին և դարձել է հայկական ռադիոյի հաղորդավար։ Նույն թվականին տեղափոխվել է հեռուստատեսություն և մինչև 2000 թվականն աշխատել որպես հաղորդավար։

Վարել է երիտասարդական, արդյունաբերական, հասարակական-քաղաքական հաղորդումներ։ Եղել է «Լրաբեր» գլխավոր լրատվական ծրագրի առաջատար հաղորդավարը։ Փոխանակային ծրագրերի շրջանակներում ներկայացրել է Հայաստանը ուկրաինական, էստոնական, լատվիական, թուրքմենական, ղրղզական և Ռուսաստանի Կրասնոյարսկի, Ստավրոպոլի, Կեմերովոյի, Դոնի Ռոստովի մարզային հեռուստաընկերությունների եթերում։

Ներդրում է ունեցել «Մայր Հայրենիք» (հետագայում՝ «Հայրենիք») և «Այգ» (հետագայում՝ «Երևան») հեռուստաընկերությունների ստեղծման և կայացման գործում։ «Բարի Լույս» հեղինակային ծրագրով 2004-2013 թվականներին աշխատել է Հայաստանի հանրային ռադիոյում և «Արձագանք» ռադիոկայանում[1]։ Զբաղվում է նաև մանկավարժական գործունեությամբ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]