Ալեն Գոմիս
Ալեն Գոմիս ֆր.՝ Alain Gomis | |
---|---|
Ծնվել է | մարտի 6, 1972[1] (52 տարեկան) |
Ծննդավայր | Փարիզ |
Քաղաքացիություն | Ֆրանսիա և Սենեգալ |
Մասնագիտացում | կինոռեժիսոր, սցենարիստ և կինոպրոդյուսեր |
Պարգևներ | |
IMDb | ID ID 0327120 |
Ալեն Գոմիս (ֆր.՝ Alain Gomis, մարտի 6, 1972[1], Փարիզ), սենեգալյան ծագումով ֆրանսիացի կինոռեժիսոր, սցենարիստ, կինոպրոդյուսեր[3][4], որ արժանացել է միջազգային մի շարք կինոփառատոների մրցանակների և պրոֆեսիոմալ այլ պարգևների։ 2017 թվականին նրա նկարահանած «Երջանկություն» (Félicité) ֆիլմը Բեռլինի միջազգային 67-րդ կինոփառատոնում շահել է ժյուրիի մեծ մրցանակը՝ «Արծաթե արջ»-ը, դարձել է նաև սենեգալյան առաջին կինոնկարը, որը ներկայացվել է ամերիկյան կինոակադեմիայի «Օսկար» մրցանակի «Լավագույն օտարալեզու ֆիլմ» անվանակարգում և տեղ զբաղեցրել կինոակադեմիայի 90-րդ մրցանակաբաշխության կարճ ցանկում՝ shortlist-ում[5][6]։ Ալեն Գոմիսի ֆիլմերից ևս մեկը՝ 2001 թվականին նկարահանած «As a Man» («Որպես մարդ») կինոնկարը Լոկառնոյի միջազգային կինոփառատոնում պարգևատրվել է «Արծաթե ընձառյուծ» մրցանակով։
Կենսագրություն[խմբագրել | խմբագրել կոդը]
Ալեն Գոմիսը ծնվել է 1972 թվականի մարտի 6-ին, Ֆրանսիայի մայրաքաղաքում՝ Փարիզում, որտեղ էլ անց է կացրել իր մանկությունը։ Նրա հայրը ազգությամբ սենեգալցի է, մայրը՝ ֆրանսուհի։ Ալենը դպրոցական կրթություն ստանալուց հետո ուսումը շարունակել է նշանավոր Սորբոնի համալսարանում, որտեղ արվեստի պատմություն է ուսումնասիրել։ Համալսարանն ավարտել է մագիստրոսի աստիճանով։
Նրա ռեժիսորական դեբյուրը եղել է «As a Man» («Որպես մարդ») կինոնկարը, որը Լոկառնոյի միջազգային կինոփառատոնում արժանացել է «Արծաթե ընձառյուծ» մրցանակի։
Հատընտիր ֆիլմագրություն[խմբագրել | խմբագրել կոդը]
- Tourbillons (1999) (Short)
- As a Man (2001)
- Petite Lumière (2003) (Short)
- Andalucia (2007)
- Today (2012)
- Félicité (2017)
Ծանոթագրություններ[խմբագրել | խմբագրել կոդը]
- ↑ 1,0 1,1 filmportal.de — 2005.
- ↑ 2,0 2,1 Le FESPACO 50 ans d’histoire ...
- ↑ «Alain Gomis». Allocine. Վերցված է 2017 թ․ դեկտեմբերի 15-ին.
- ↑ «Alain Gomis on Félicité and feeling like an immigrant everywhere». Financial Times. Վերցված է 2017 թ․ դեկտեմբերի 15-ին.
- ↑ Kilday, Gregg (2017 թ․ հոկտեմբերի 5). «Oscars: 92 Films Submitted in Foreign-Language Category». The Hollywood Reporter. Վերցված է 2017 թ․ հոկտեմբերի 5-ին.
- ↑ Pond, Steve (2017 թ․ դեկտեմբերի 14). «Oscars Foreign Language Shortlist Includes 'The Square,' 'A Fantastic Woman'». The Wrap. Վերցված է 2017 թ․ դեկտեմբերի 14-ին.
Արտաքին հղումներ[խմբագրել | խմբագրել կոդը]
- Alain Gomis Internet Movie Database կայքում
Վիքիպահեստն ունի նյութեր, որոնք վերաբերում են «Ալեն Գոմիս» հոդվածին։ |
|