Ազատ Նորավյան

Ազատ Նորավյան
Ծնվել է	փետրվարի 15, 1937(1937-02-15)
Մահացել է	ապրիլի 12, 2015(2015-04-12) (78 տարեկան)
Քաղաքացիություն	Հայաստան
Մասնագիտություն	քիմիկոս
Հաստատություն(ներ)	Նուրբ օրգանական քիմիայի ինստիտուտ և Երևանի Մխիթար Հերացու անվան Պետական Բժշկական Համալսարան
Անդամակցություն	ՀՀ ԳԱԱ և Ռուսաստանի բնական գիտությունների ակադեմիա
Ալմա մատեր	Երևանի պետական համալսարան (1962)
Գիտական աստիճան	քիմիական գիտությունների դոկտոր (1982) և պրոֆեսոր

Ազատ Սողոմոնի Նորավյան (ծնվ.` 1937, փետրվարի 15, գյուղ Լիվասիան, Չհարմահալ գավառ, Իրան - ապրիլի 12, 2015), հայ քիմիկոս։ Քիմիական գիտությունների դոկտոր (1982), պրոֆեսոր (1984), ՀՀ ԳԱԱ թղթակից-անդամ (2000):

Կենսագրություն

Ավարտել է Երևանի համալսարանի քիմիայի ֆակուլտետը (1962), 1962-1968 թթ. աշխատել է ՀԽՍՀ ԳԱ օրգանական քիմիայի ինստիտուտում, 1968 թվականից՝ նուրբ օրգանական քիմիայի ինստիտուտում։ 1981 թվականից` իր նախաձեռնությամբ կազմակերպված հոգեմետ միացությունների սինթեզի լաբորատորիայի վարիչ, 1993 թվականից՝ ԵԲԻ ընդհանուր քիմիայի ամբիոնի վարիչ։

Սինթեզել է ազոտ, ծծումբ և թթվածին պարունակող վեցանդամանի հագեցած հետերոցիկլիկ կետոններ և նրանց հիման վրա ստացել կենսաբանորեն ակտիվ կոնդեսված հետերոցիկլիկ միացություններ։

Էկոլոգիայի միջազգային (1996) և ՌԴ բնական գիտությունների (1998) ակադեմիաների անդամ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 379)։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։