Ագաթա Քրիստիի հուշահամալիր

Ագաթա Քրիստիի հուշահամալիր;
Տեսակ	հուշահամալիր և քանդակ
Քանդակագործ	Ben Twiston-Davies?
Ճարտարապետ	Donald Insall Associates?
Ստեղծում	2012
Երկիր	Միացյալ Թագավորություն
Պատմական երկիր	Միդլեքս
Բնակավայր	Վեստմինստեր
Փողոց	Cranbourn Street? և Great Newport Street?
	պատկերված են
	կայք
	Agatha Christie Memorial, London Վիքիպահեստում

Ագաթա Քրիստիի հուշահամալիր (անգլ.՝ Agatha Christie Memorial), գրող, դրամատուրգ Ագաթա Քրիստիին նվիրված հուշահամալիր Լոնդոնում, Մեծ Բրիտանիա՝ Քրենբուրն և Գրեյթ Նյուփորթ փողոցների խաչմերուկում, Քովենթ Գարդենի հարևանությամբ։ Տեղակայված է Լոնդոնի թատերական թաղամասի սրտում։ Այս վայրն ընտրվել է թատրոնում Ագաթա Քրիստիի արած ներդրումների համար. նրա «Թակարդ» քրեական-դետեկտիվ պիեսն աշխարհի ամենաշատ ներկայացված պիեսն է, և Քրիստին առաջին կին դրամատուրգն էր, որի երեք պիեսները միաժամանակ ցուցադրվել են Լոնդոնի Վեստ Էնդում^[1]։

Հուշարձանն ունի գրքի տեսք, որի կենտրոնում պատկերված է Ագաթա Քրիստիի դիմաքանդակը։ 2,4 մետր բարձրությամբ հուշարձանը պատրաստված է բրոնզից։ Այն լուսավորվում է ինչպես ներքևի, այնպես էլ ներսի հատվածներից^[2]։ Հուշարձանի դիմացի մասում փորագրված է^[3]։ Հուշարձանի հեղինակը քանդակագործ Բեն Թվիսթոն-Դեյվիսն է^[2]^[4]։

Ագաթա
Քրիստի
1890-1976

1994 թվականից ի վեր հուշարձանի ստեղծման գաղափարը մշակել և իրականացրել է Ագաթա Քրիստիի թոռը՝ Մեթյու Պրիչարդը, «Թակարդ» պիեսի բեմադրիչ Սթիվեն Վելի-Քոենի հետ^[2]։ Վեսթմինսթերի քաղաքային խորհուրդը պաշտոնական համաձայնություն է տվել և առաջարկություններ արել հուշահամալիրի շինարարության վերաբերյալ^[2]։ Ըստ քանդակագործ Թվիսթոն-Դեյվիսի՝ սա Քրիստիին նվիրված առաջին հուշարձանն է Լոնդոնում, թեև Քրիստիի կիսանդրին արդեն տեղադրվել էր Անգլիայի Դևոն թագավորության Տորկի քաղաքում^[1]։ Հուշարձանը բացվել է 2012 թվականի նոյեմբերի 25-ին՝ «Թակարդ» պիեսի 60-ամյակի կապակցությամբ։

Հուշահամալիրի վրա անգլերենով զետեղվել են Քրիստիի ամենահայտնի գրքերի և պիեսների վերնագրերը, ինչպես նաև այն լեզուներով, որոնցով թարգմանվել են նրա ստեղծագործությունները։ Վերնագրերը մրցույթի միջոցով ընտրել են Քրիստիի երկրպագուները^[2]։ Գրառումների մանրամասները կարելի է տեսնել պաշտոնական կայքում^[2]։

Պատկերասրահ

Ծանոթագրություններ

↑ ^1,0 ^1,1 Flood, Alison (2012 թ․ օգոստոսի 10). «Agatha Christie memorial to be erected». The Guardian (բրիտանական անգլերեն). ISSN 0261-3077. Վերցված է 2017 թ․ ապրիլի 10-ին.
↑ ^2,0 ^2,1 ^2,2 ^2,3 ^2,4 ^2,5 «Agatha Christie Memorial». www.agathachristiememorial.co.uk (անգլերեն). Արխիվացված է օրիգինալից 2018 թ․ դեկտեմբերի 28-ին. Վերցված է 2017 թ․ ապրիլի 10-ին.
↑ «Agatha Christie Memorial – Cranbourn Street, London, UK». Waymarking.com. Վերցված է 2014 թ․ սեպտեմբերի 18-ին.
↑ «After Rodin». BEN TWISTON DAVIES (ամերիկյան անգլերեն). Վերցված է 2017 թ․ ապրիլի 10-ին.

Արտաքին հղումներ

Պաշտոնական կայք
West End to get Agatha Christie memorial (8 August 2012), BBC
Agatha Christie memorial to be erected by Alison Flood (10 August 2012), The Guardian

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ագաթա Քրիստիի հուշահամալիր կատեգորիայում։

[:0-1] 1,0 ^1,1 Flood, Alison (2012 թ․ օգոստոսի 10). «Agatha Christie memorial to be erected». The Guardian (բրիտանական անգլերեն). ISSN 0261-3077. Վերցված է 2017 թ․ ապրիլի 10-ին.

[:1-2] 2,0 ^2,1 ^2,2 ^2,3 ^2,4 ^2,5 «Agatha Christie Memorial». www.agathachristiememorial.co.uk (անգլերեն). Արխիվացված է օրիգինալից 2018 թ․ դեկտեմբերի 28-ին. Վերցված է 2017 թ․ ապրիլի 10-ին.

[3] «Agatha Christie Memorial – Cranbourn Street, London, UK». Waymarking.com. Վերցված է 2014 թ․ սեպտեմբերի 18-ին.

[4] «After Rodin». BEN TWISTON DAVIES (ամերիկյան անգլերեն). Վերցված է 2017 թ․ ապրիլի 10-ին.

[1]

[2]

[3]

[4]