Աբիմելեք, հրեական ծագումով հայկական արական անձնանուն։ Ծագում է եբրայերեն אֲבִימֶלֶךְ (Abīmelek) անունից, որը կազմված է abi (հայր) և melek (թագավոր) բառերից և բուն նշանակությունն է՝ թագավորահայր։ Այս անունով հայտնի են մի շարք փղշտացի թագավորներ, որոնցից նշանավոր է Աբիմելեքը, ով Աբրահամ նահապետի կնոջը՝ Սառային իրեն կին դարձրեց[1]։ Ասորեստանյան արձանագրությունների մեջ հիշատակված է՝ Abimilki ձևով և համարվում է փյունիկյան անուն[2]։ Հայերի մեջ, այս ձևով հայտնի է երկու անձ[3]։ Ավելի ուշ ժամանակներում, շփոթելով արաբական Մելիք անվան հետ՝ դարձել է Աբամելիք[4][5]։