Աբգար Օրբելի

	Աբգար Օրբելի
	Աբգար Օրբելին Թիֆլիսում
Կրթություն՝	Սանկտ Պետերբուրգի կայսերական համալսարան
Մասնագիտություն՝	դատավոր, դատախազ և փաստաբան
Ծննդյան օր	1849
Վախճանի օր	1912
Դինաստիա	Օրբելիներ
Քաղաքացիություն	Ռուսական կայսրություն
Հայր	Հովսեփ Օրբելի
Ամուսին	Վարվառա Արղության-Երկայնաբազուկ
Զավակներ	Ռուբեն Օրբելի, Լևոն Օրբելի և Հովսեփ Օրբելի
Abgar Orbeli

Աբգար Հովսեփի Օրբելի (1849 - 1912), հայ իրավաբանական գործիչ, դատավոր, փաստաբան։

Հովսեփ Օրբելու ավագ որդին, Վարվառա Արղության-Երկայնաբազուկի ամուսինը, Ռուբեն, Լևոն և Հովսեփ Օրբելի եղբայրների հայրը, Օրբելիների իշխանական տոհմից^[1]։

Կենսագրություն

Աբգար Օրբելին ծնվել է 1849 թվականին Հովսեփ Օրբելու ընտանիքում։ Սովորել և ավարտել է Սանկտ Պետերբուրգի կայսերական համալսարանի իրավաբանական ֆակուլտետը։ Ուսումը ավարտելուց հետո, հոր պահանջով վերադարձել է հայրենիք և որպես հաշտարար դատավոր, պաշտոնավարել է Նախիջևան քաղաքում, Նոր Բայազետում, ապա՝ Քութայիսում։ Հետագայում, տեղափոխվելով Թիֆլիս, աշխատել է որպես դատախազի օգնական, այնուհետև զբաղվել է մասնավոր փաստաբանական գործունեությամբ^[1]։

Մահացել է 1912 թվականին։

Ընտանիքը

Աբգար Օրբելին ամուսնացել էր իշխանուհի Վարվառա Արղության-Երկայնաբազուկի հետ։ Ունեցել են երեք որդի՝

Ռուբեն Օրբելի (փետրվարի 26, 1880 - մայիսի 9, 1943), հայ խորհրդային հնագետ, ստորջրյա հնագիտության հիմնադիրը ԽՍՀՄ-ում.
Լևոն Օրբելի - (հուլիսի 7 1882 - դեկտեմբերի 9, 1958), հայ ֆիզիոլոգ, էվոլյուցիոն ֆիզիոլոգիայի ուսմունքի ստեղծողներից, բժշկական ծառայության գեներալ-գնդապետ.
Հովսեփ Օրբելի - (մարտի 20, 1887 - փետրվարի 2, 1961), հայ արևելագետ, հնագետ, հասարակական գործիչ^[1]։

Ծանոթագրություններ

↑ ^1,0 ^1,1 ^1,2 «Օրբելի եղբայրներ, էջ 1» (PDF). Արխիվացված է օրիգինալից (PDF) 2020 թ․ մարտի 31-ին. Վերցված է 2018 թ․ մայիսի 10-ին.

Արտաքին հղումներ

Օրբելի եղբայրներ Արխիվացված 2020-03-31 Wayback Machine

[Օրբելի_եղբայրներ,_էջ_1-1] 1,0 ^1,1 ^1,2 «Օրբելի եղբայրներ, էջ 1» (PDF). Արխիվացված է օրիգինալից (PDF) 2020 թ․ մարտի 31-ին. Վերցված է 2018 թ․ մայիսի 10-ին.

[1]