Աբգար Օրբելի

Վիքիպեդիայից՝ ազատ հանրագիտարանից
Jump to navigation Jump to search
Աբգար Օրբելի
 
Քաղաքացիություն՝ Flag of Russia.svg Ռուսական կայսրություն
Կրթություն՝ Սանկտ Պետերբուրգի կայսերական համալսարան
Մասնագիտություն՝ դատավոր, Դատախազ և փաստաբան
Ազգություն հայ
Ծննդյան օր 1849
Վախճանի օր 1912
Դինաստիա Օրբելիներ
Հայր Հովսեփ Օրբելի
Ամուսին Վարվառա Արղության-Երկայնաբազուկ
Զավակներ Ռուբեն Օրբելի, Լևոն Օրբելի և Հովսեփ Օրբելի

Աբգար Հովսեփի Օրբելի (1849 - 1912), հայ իրավաբանական գործիչ, դատավոր, փաստաբան: Հովսեփ Օրբելու ավագ որդին, Վարվառա Արղության-Երկայնաբազուկի ամուսինը, Ռուբեն, Լևոն և Հովսեփ Օրբելի եղբայրների հայրը, Օրբելիների իշխանական տոհմից[1]:

Կենսագրություն[խմբագրել | խմբագրել կոդը]

Աբգար Օրբելին ծնվել է 1849 թվականին Հովսեփ Օրբելու ընտանիքում: Սովորել և ավարտել է Սանկտ Պետերբուրգի կայսերական համալսարանի իրավաբանական ֆակուլտետը: Ուսումը ավարտելուց հետո, հոր պահանջով վերադարձել է հայրենիք և որպես հաշտարար դատավոր, պաշտոնավարել է Նախիջևան քաղաքում, Նոր Բայազետում, ապա՝ Քութայիսում: Հետագայում, տեղափոխվելով Թիֆլիս, աշխատել է որպես դատախազի օգնական, այնուհետև զբաղվել է մասնավոր փաստաբանական գործունեությամբ[2]:

Մահացել է 1912 թվականին:

Ընտանիքը[խմբագրել | խմբագրել կոդը]

Աբգար Օրբելին ամուսնացել էր իշխանուհի Վարվառա Արղության-Երկայնաբազուկի հետ։ Ունեցել են երեք որդի՝

  • Ռուբեն Օրբելի (փետրվարի 26, 1880 - մայիսի 9, 1943), հայ խորհրդային հնագետ, ստորջրյա հնագիտության հիմնադիրը ԽՍՀՄ-ում.
  • Լևոն Օրբելի - (հուլիսի 7 1882 - դեկտեմբերի 9, 1958), հայ ֆիզիոլոգ, էվոլյուցիոն ֆիզիոլոգիայի ուսմունքի ստեղծողներից, բժշկական ծառայության գեներալ-գնդապետ.
  • Հովսեփ Օրբելի - (մարտի 20, 1887 - փետրվարի 2, 1961), հայ արևելագետ, հնագետ, հասարակական գործիչ[3]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]