Առաքել Շոռոթեցի
| Առաքել Շոռոթեցի Առաքել Շոռոթեցի | |
|---|---|
| Ծնվել է | 1613 թվական |
| Ծննդավայր | Երնջակ, Շոռոթ |
| Մահացել է | 1680 թվական, օգոստոսի 6 |
| Մահվան վայր | Հռոմ |
| Քաղաքացիություն |  Սեֆյան Պարսկաստան |
| Կրոն | քրիստոնեություն |
| Մասնագիտություն | արքեպիսկոպոս |
Առաքել Շոռոթեցի (1613, Երնջակ, Շոռոթ- 1680,Հռոմ), հայ արքեպիսկոպոս, կրոնական և հասարակական գործիչ, տաղերգու[1]։
Կենսագրություն
Առաքել Շոռոթեցին ծնվել է 1613 թվականին, Երնջակ գավառի Շոռոթ գյուղաքաղաքում։ 1648 թվականին ձեռնադրվել է Ֆահրապատի եպիսկոպոս, իսկ 1659 թվականին Փիլիպոս կաթողիկոսի կողմից նշանակվել է հայրենի Երնջակ գավառի Սուրբ Կարապետ վանքի արքեպիսկոպոս և առաջնորդ։ Սրբակրոն անձ էր և անվանի քարոզիչ, բոբիկ շրջելու համար ստացել է Բոբիկ մականունը, իսկ իրեն նվեր տված դրամներն աղքատներին բաժանելու համար կոչվել է «անարծաթ վարդապետ»։ Մի քանի տաղերի հեղինակ է։ Մահացել է Հռոմում՝ 1680 թվականի օգոստոսի 6-ին։ Թաղված է Հռոմի ս․ Մարիամ Եգիպտացի եկեղեցում[1]։
Աշխատանքային գործունեություն
1679 թվականին Հակոբ Ջուղայեցու հանձնարարությամբ մեկնել է Հռոմ՝ բանակցություններ վարելու։ Առաքել Շոռոթեցին հայրենի գավառում կատարել է մի շարք բարեգործական աշխատանքներ, կազմակերպել եկեղեցիների ու վանքերի նորոգման աշխատանքները։ Դասավանդել է Երնջակի ս․ Կարապետ վանքի դպրոցում[1]։
Ծանոթագրություններ
- ↑ 1,0 1,1 1,2 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 227 — 368 էջ. — 2700 հատ, ISBN 5-8079-0911-9։