«Call Me When You’re Sober» (հայերեն՝ «Զանգի՛ր ինձ, երբ կլինես սթափ»), երգ, որը գրել են Էմի Լին և Թերրի Բալզամոն«Evanescence» խմբի համար: Այն թողարկվել է 2006 թվականի սեպտեմբերի 25-ին որպես ստուդիական երկրորդ ալբոմի՝ «The Open Door»-ի առաջին սինգլ: Այն պաշտոնապես ռադիոյի ռոտացիային ավելացվել է 2006 թվականի օգոստոսի 7-ին, բայց տարածվել է դեռևս հուլիսի 30-ին՝ ռադիոկայաններին ստիպելով սկսել այն ավելի վաղ նվագել:
Ավստրալական և նորզելանդական տարբերակ
Ավստրալիայում և Նոր Զելանդիայում «Call Me When you’re Sober»-ի առաջին թողարկման ժամանակ մի շարք սխալներ է թույլ տրվել, այդ թվում՝ երգի և խմբի անվանումներում: Այդ նույն դժբախտությանը չի շրջանցել նաև հենց «The Open Door» ալբոմը, որտեղ բուկլետում սխալ է թույլ տրվել «Weight of the World» երգի տեքստում: Սինգլը վերաթողարկվել է շտկված տարբերակով, սակայն որոշ խանութներ որոշել են վաճառել նաև հին տարբերակները նույնպես։
Երգի մասին
Երգի թողարկումից հետո Շոն Մորգանը հայտարարել է, որ գնում է ռեաբիլիտացիայի։ Երգը պատմում է, որ նա իր կործանարար սովորությունները վեր է դասում Էմիից, և Էմին դա գիտակցելուց հետո որոշում է խզել հարաբերությունները։
Էմի Լին երգի մասին ասել է.
Բացարձակապես ակնհայտ է, թե ում մասին է այս երգը։ Ես գիտեմ, որ մարդիկ կարող են կարդալ տողամիջում և կարծել, թե դա իմ նախկին ընկերոջ՝ Շոն Մորգանի մասին է, բայց ես նաև ուզում էի, որ դա լինի այդքան պարզ: Ինձ պետք էր ամեն ինչ միանշանակ ասել, թե ինչպես եմ ես ինձ երկար ժամանակ զգացել: Երաժշտությունն ինձ համար թերապիա է: Սա բացասական երևույթների կույտ է, որոնց միջով ես անցել եմ: Դա ինձ թույլ է տալիս որևէ վատը վերածել մի գեղեցիկ բանի:
Ստեղծագործությունների ցանկ
CD (բրիտանական տարբերակի համար երկու CD) Թողարկվել է 2006 թվականի սեպտեմբերին[1]
CD 1:
#
Անվանում
Տևողություն
1.
«Call Me When You're Sober» (Album version)
3:34
2.
«Call Me When You're Sober» (Acoustic version)
3:37
CD 2:
#
Անվանում
Տևողություն
1.
«Call Me When You're Sober» (Album version)
3:34
2.
«Call Me When You're Sober» (Acoustic version)
3:37
3.
«Making of the Video» (Video clip)
5:20
4.
«Call Me When You're Sober» (Music video)
3:33
Վինիլ (Մեծ Բրիտանիայի համար սահմանափակ տպաքանակ վինիլային սկավառակում) Թողարկվել է 2006 թվականի սեպտեմբերին
#
Անվանում
Տևողություն
1.
«Call Me When You're Sober» (Album version)
3:34
2.
«Call Me When You're Sober» (Acoustic version)
3:37
Տեսահոլովակ
Տեսահոլովակը նկարահանել են 2006 թվականի հուլիսին: «Call Me When You’re Sober» երգի տեսահոլովակի ռեժիսորը Մարկ Ուեբն է, որը «My Chemical Romance» խմբի «Helena» երգի և «Անհավանական Սարդ-մարդը» ֆիլմի ապագա ռեժիսորն է: Դա Էմի Լիի՝ խմբի ամենասիրելի տեսահոլովակն է: Ուեբը նաև խմբի վերջին սինգլի՝ «Good Enough»-ի պրոդյուսերն է:
Տեսահոլովակի սյուժեի հիմքում ընկած է Կարմիր գլխարկի մասին հեքիաթը, գայլի դերում խաղում է սկսնակ դերասան Օլիվեր Գուդվիլը: Ամբողջ տեսանյութի ընթացքում Գայլը փորձում է հրապուրել Կարմիր գլխարկին (այսինքն՝ Էմիին), բայց վերջում աղջիկը նրան հակահարված է տալիս։ Գայլերի հետ տեսարանի նկարահանումների ժամանակ մի գայլ նկարահանվել է հենց տեսախցիկի առաջ։ Էմիի մոտ նաև սկսվել է գայլի բրդի հանդեպ ալերգիա, սակայն նա հաղթահարել է այն։
Տեսահոլովակում նկարահանվել են Էմի Լին, Թերրի Բալզամոն, Ջոն Լեքոմպտը, Ռոքքի Գրեյը: