Sonne

Sonne սինգլ Mutter ալբոմից
Rammstein-ի
Թողարկված	Փետրվարի 12, 2001
Ձայնագրված	Studio Miraval, Ֆրանսիա, 2000
Ժանր	Neue Deutsche Härte, Ինդաստրիալ մետալ
Տևողություն	4:32
Լեզու	Գերմաներեն
Լեյբլ	Motor Music
Պրոդյուսեր	Յակոբ Հելլներ, Rammstein
Rammstein-ի ալբոմների ժամանակագրություն
Asche zu Asche 2001 Sonne 2001 Links 2 3 4 2001

Sonne (գերմ.՝ Արև), գերմանական Rammstein խմբի իններորդրդ սինգլն է, և առաջինը «Mutter» ալբոմից։ Թողարկվել է 2001 թ. փետրվարի 12-ին։ Ի սկզբանե երգը գրվել էր ուկրաինացի բռնցքամարտիկ Վիտալի Կլիչկոյի համար և պետք է հնչեր մարտերից առաջ։ Երգի նախնական անվանումներն էին «Klitschko» կամ «Der Boxer».

Տեսահոլովակ

Երգի տեսահոլովակը նկարահանված է «Ճերմակաձյունիկը և յոր թզուկներ» հեքիաթի ազատ մեկնաբանությամբ։ Ճերմակաձյունիկի դերը ստանձնել է ռուս մոդել Յուլիա Ստեպանովան, իսկ խմբի մասնակիցները թզուկների դերերում են, որոնք քրտնաջան աշխատում են հանքերում՝ Ճերմակաձյունիկի համար թմրանյութ (ըստ այլ տարբերակի՝ ոսկե փոշի) ստանալու համար։ Մի օր աղջիկը թմրանյութի չարաշահումից մահանում է, և ողբացած թզուկները դնում են նրա դիակը ապակե դագաղի մեջ։ Այդ դագաղը թզուկները պատրաստվում էին թողնել բլուրի գագաթին, բայց հենց դագաղը դիպչում է հողին՝ կողքին գտնվող ծառից մի խնձոր է ընկնում, ջարդում ապակին, և Ճերմակաձյունիկը վերակենդանանում է։

Կենդանի կատարում

Առաջին անգամ երգը կատարվել է 2000 թ. ապրիլի 16-ին «Klitschko» աշխատանքային անվանմամբ՝ Բեռլինի «Knaak» ակումբում, որտեղ խումբը պարբերաբար հանդես էր գալիս։ Երգը շատ էր տարբերվում հետագայում Mutter ալբոմում տեղ գտած տարբերակից։ Երգի վերջնական տարբերակը կատարվեց 2001 թ. հունվարին «Big Day Out» փառատոնի ընթացքում։ 2001 թ. մայիսից երգը կատարվում է խմբի բոլոր համերգներին։ Այս երգի կատարմամբ են սկսում Made in Germany 1995-2011 շրջագայության համերգները։

Երգացանկ

#	Անվանում	Տևողություն
1.	«Sonne» (գերմ.՝ Արև)	4:32
2.	«Adios» (իսպ.՝ Ցտեսություն)	3:48
3.	«Sonne (Clawfinger K.O. Remix)»	4:10
4.	«Sonne (Clawfinger T.K.O. Remix)»	5:49
5.	«Sonne (Instrumental)»	4:31

Ծանուցումներ

• Տեսահոլովակը YouTube կայքում