Infinite (ալբոմ)

Վիքիպեդիայից՝ ազատ հանրագիտարանից
Infinite
Էմինեմի
Թողարկվածնոյեմբերի 12, 1996
Ժանրհիփ հոփ
Տևողություն2274 վայրկյան
Լեզուանգլերեն
ԼեյբլWEB Entertainment?
ՊրոդյուսերMr. Porter?, Bass Brothers? և Էմինեմ

Infinite (անգլ. թարգմանաբար՝ «Անսահման»), ամերիկացի ռեփեր Էմինեմի դեբյուտային ստուդիական ալբոմը, որը թողարկվել է 1996 թվականի նոյեմբերի 12-ին Web Entertainment լեյբլում[1][2]։ Սա առաջին թողարկումն է, որը ձայնագրել է Մարշալ Մաթերսը Eminem կեղծանունով (մինչ այդ նա հանդես էր գալիս M&M կեղծանունով)։ Ալբոմը ձայնագրվել է Bassmint Productions ստուդիայում, որը պատկանում է Bass Brothers-ին։ Ձայնագրությանը մասնակցել են Proof, Mr. Porter, Eye-Kyu, Three և Thyme։ Ալբոմը թողարկվել է միայն ձայներիզների և ձայնապնակի վրա։ 2016 թվականի նոյեմբերի 17-ին՝ ալբոմի թողարկման 20-ամյակից հինգ օր անց, Էմինեմը թողարկեց համանուն վերնագրի երգի ռեմիքս տարբերակը և հրապարակեց այն իր YouTube-յան ալիքում[3]։

Ի տարբերություն Էմինեմի հետագա աշխատանքների՝ Infinite-ի տպաքանակը չնչին էր․ թողարկվել է ընդամենը հազար օրինակ։ Infinite-ի վաճառքի ճշգրիտ թիվը հայտնի չէ։ Ալբոմը նույնպես գրեթե ամբողջությամբ անտեսվեց ունկնդիրների և քննադատների կողմից, իսկ հիփ-հոփ համայնքը Մարշալին մեղադրեց ժանրի այլ կատարողների ոճը կրկնօրինակելու մեջ[4]։

Նախապատմություն[խմբագրել | խմբագրել կոդը]

1992 թվականին Էմինեմն ի սկզբանե պայմանագիր կնքեց FBT Productions-ի հետ, որը ղեկավարում էին եղբայրներ Ջեֆ և Մարկ Բասերը։ «Infinite»-ը ձայնագրվել է 1995 թվականին Bassmint Productions ստուդիայում, որը պատկանում է Bass Brothers-ին[5] և թողարկվել է Web Entertainment լեյբլի ներքո հաջորդ տարի։

Դեռևս ալբոմի ձայնագրման ժամանակ Մարշալին ասում էին, որ նրա ոճը նման է ռեփեր Nas-ին և AZ-ին։ «Infinite»-ի մեծ մասը արտադրվել է Mr. Porter[6]։ Էմինեմը և Mr. Porter-ը ցանկանում էր այնպիսի ալբոմ պատրաստել, որը ցանկանում էին եթեր հեռարձակել Դեթրոյթի ռադիոկայանները, բայց կայարաններն անտեսում էին «Infinite»-ը։ Քննադատներն ու ունկնդիրները նույնպես ուշադրություն չդարձրեցին ալբոմին, բայց նրանք, ովքեր, այնուամենայնիվ, լսեցին ձայնասկավառակը, Էմինեմին մեղադրեցին հենց Nas և AZ ռեփերների ոճը պատճենելու մեջ։

Նկարագրություն[խմբագրել | խմբագրել կոդը]

Բովանդակային առումով ալբոմը ակնհայտորեն տարբերվում է Էմինեմի հետագա բոլոր աշխատանքներից, որոնցում գերակշռում են հոռետեսական տրամադրությունը, բռնության հակումը, ինքնահեգնանքը և մեծ քանակությամբ սև հումորը։ «Infinite»-ում Էմինեմը պատմում է իր փոքրիկ դստերը մեծացնելու խնդիրների, փողի պակասի և հարստանալու իր ցանկության մասին։ Ալբոմում գրեթե բացակայում են նրա հետագա աշխատանքներին բնորոշ կանանց նվաստացնող երգերը։ Ընդհակառակը, «Searching» երգում Էմինեմը բազմիցս խոստովանում է իր ընկերուհու՝ Քիմբերլիի հանդեպ ունեցած ջերմ զգացմունքները[7]։

Infinite-ի ձայնն առանձնանում է երաժշտական մինիմալիզմով, պարզունակ վերադաշնակումով, բայց չափազանց բարդ ոտանավորով։ Դրա վրա Էմինեմը հանգավորում է այնպիսի բազմավանկ բառեր, ինչպիսիք են «lamination», «intimidator», «telekinesis», «unconditionally» և այլն։

Քննադատություն և վաճառք[խմբագրել | խմբագրել կոդը]

Ալբոմի վաճառված օրինակների ստույգ թիվը հայտնի չէ։ Հենց ինքը՝ Էմինեմը, գրել է, որ վաճառել է «մոտ 70 օրինակ»[8]։ Սակայն որոշ աղբյուրներ գրում են, որ ալբոմը վաճառվել է մի քանի հարյուր օրինակով[9]։

«Infinite»-ը երաժշտական քննադատների կողմից ստացել է ընդամենը մի քանի գնահատականներ և ակնարկներ։ Գրեթե բոլորը հայտնվեցին հիմնականում միայն այն բանից հետո, երբ Էմինեմը հայտնի դարձավ։ AllMusic-ը ալբոմին տվել է 5-ից 2,5 աստղ՝ առանց գրախոսության[10]։ Թողարկման ժամանակ ալբոմը ճանաչում չի ստացել Դեթրոյթի հիփ-հոփ հանրությունից, իսկ ինքը՝ Էմինեմը, մեղադրվել է այլ ռեփերների ոճերը կրկնօրինակելու մեջ։ Complex-ից Ռոբ Քենները գրել է, որ Մարշալը դեռ պետք է աշխատի իր ոճի վրա՝ «Infinite»-ն անվանելով առանձնապես ոչնչով աչքի չընկնող աշխատանք[11]։ Էմինեմը այդ մասին խոսեց․ «Այդ ժամանակ ես այլ կատարողների ազդեցության տակ էի և ինձ բազմիցս ասել են, որ ես նման եմ AZ-ին։ «Infinite»-ում ես ուզում էի գտնել իմ ոճը, հասկանալ, թե ինչպես պետք է հնչեմ և ելույթ ունենամ։ Ինձ թվում էր, թե «Infinite»-ը մի տեսակ դեմոալբոմ էր, որը պարզապես կտրեցին»։

Consequence of Sound-ի դրական արձագանքի մեջ ալբոմը նկարագրվում է որպես «ավելի վավերական հայացք վաղ Էմինեմին»։ «Հնարամիտ ոտանավորները և քնարական տեքստերը կարող են նման լինել միայն The Marshall Mathers LP»[12]։

Վերահրատարակություն[խմբագրել | խմբագրել կոդը]

2009 թվականին G-Unit Records լեյբլի Thisis50.com կայքը տեղադրել է «Infinite »ազատ ներբեռնման համար Relapse թողարկման աջակցության համար[13]։

Ստեղծագործությունների ցանկ[խմբագրել | խմբագրել կոդը]

№ Անուն Պրոդյուսեր(ներ) Տևողություն
1. «Infinite» Mr. Porter 4:01
2. «W.E.G.O.» (interlude) (Proof-ի և DJ Head-ի մասնակցությամբ) Mr. Porter 0:21
3. «It’s OK» (Eye-Kyu-ի մասնակցությամբ) Mr. Porter 3:29
4. «313» (Eye-Kyu-ի մասնակցությամբ) Mr. Porter 4:11
5. «Tonite» Mr. Porter 3:43
6. «Maxine» (Mr. Porter-ի և Three-ի մասնակցությամբ) Mr. Porter 4:11
7. «Open Mic» (Thyme-ի մասնակցությամբ) Mr. Porter 4:02
8. «Never 2 Far» Mr. Porter 3:38
9. «Searchin’» (Eye-Kyu-ի մասնակցությամբ) Mr. Porter 3:45
10. «Backstabber» Mr. Porter 3:24
11. «Jealousy Woes II» Mr. Porter 3:22
Ընդհանուր տևողություն 38:07

Նմուշառող կոմպոզիցիաների ցանկ[խմբագրել | խմբագրել կոդը]

  • «Backstabber», պարունակում է նմուշ Soul Intent խմբի «Fuckin' Backstabber»-ից և ռեփեր LL Cool J-ի «Jealous»-ից։
  • «Jealousy Woes II», պարունակում է A Tribe Called Quest խմբի «Jealousy», «The World Is Yours», Nas և «Butter» խմբի սեմփլը։

Ձայնագրման մասնակիցներ[խմբագրել | խմբագրել կոդը]

  • Էմինեմ — հիմնական արտիստ
  • Jeff Bass — գործադիր պրոդյուսեր
  • Mark Bass — գործադիր պրոդյուսեր
  • Mr. Porter — պրոդյուսեր, հրավիրված արտիստ
  • Slim — համապրոդյուսեր
  • Քևին Վիլդեր — ձայնագրություն, ամփոփում
  • Ռոբերտ «Flipside» Հենդի — ձայնագրություն, ամփոփում
  • Proof — երաժշտական ծրագրավորում, հրավիրված արտիստ
  • DJ Head — հրավիրված արտիստ
  • Eye-Kyu — հրավիրված արտիստ
  • Three — հրավիրված արտիստ
  • Thyme — հրավիրված արտիստ

Ծանոթագրություններ[խմբագրել | խմբագրել կոդը]

  1. ↑ Anthony Bozza Whatever You Say I Am: The Life and Times of Eminem. — New York, New York, United States: Crown Publishing Group, 2003. — С. 13-15. — ISBN 1-4000-5059-6
  2. ↑ Nick Hasted The Dark Story of Eminem. — Omnibus Press=isbn=978-0-85712-716-7, 2011. — С. 61—.
  3. ↑ «Eminem - Infinite (F.B.T. Remix) (Official Audio)». YouTube. Արխիվացված օրիգինալից 2019 թ․ փետրվարի 19-ին. Վերցված է 2019 թ․ դեկտեմբերի 31-ին.
  4. ↑ «Eminem biography». Eminem.com. Interscope Records. Արխիվացված է օրիգինալից 2008 թ․ փետրվարի 13-ին. Վերցված է 2020 թ․ հունվարի 27-ին.
  5. ↑ Rodriguez, Jayson (2009 թ․ մայիսի 13). «Eminem's First Album, Infinite, Now Available For Download». MTV. Արխիվացված օրիգինալից 2019 թ․ դեկտեմբերի 31-ին. Վերցված է 2020 թ․ հունվարի 27-ին.
  6. ↑ Ryon, Sean (2012 թ․ ապրիլի 21). «Mr. Porter Talks Debut Album "tHe mEmO," Eminem's First Album "Infinite"». Hip Hop DX. IPC Media. Արխիվացված է օրիգինալից 2013 թ․ ապրիլի 4-ին. Վերցված է 2020 թ․ հունվարի 27-ին.
  7. ↑ «Eminem — Searching». Genius.com. Արխիվացված օրիգինալից 2016 թ․ դեկտեմբերի 5-ին. Վերցված է 2020 թ․ հունվարի 8-ին.
  8. ↑ Michaels, Sean (2009 թ․ մայիսի 14). «Eminem's rare debut available for free download». The Guardian. Արխիվացված օրիգինալից 2019 թ․ դեկտեմբերի 31-ին. Վերցված է 2020 թ․ հունվարի 27-ին.
  9. ↑ «Eminem Total Albums Sold». Արխիվացված օրիգինալից 2019 թ․ օգոստոսի 13-ին. Վերցված է 2020 թ․ հունվարի 27-ին.
  10. ↑ «Infinite - Eminem». AllMusic. Rovi Corporation. Արխիվացված է օրիգինալից 2020 թ․ հունվարի 27-ին. Վերցված է 2012 թ․ փետրվարի 16-ին.
  11. ↑ Kenner, Rob (2013 թ․ նոյեմբերի 12). «Eminem "Infinite" (1996)». Complex. Արխիվացված օրիգինալից 2017 թ․ նոյեմբերի 19-ին. Վերցված է 2020 թ․ հունվարի 27-ին.
  12. ↑ Maider, Tedd (2009 թ․ դեկտեմբերի 13). «Dusting 'Em Off: Eminem – Infinite». Consequence of Sound. Արխիվացված օրիգինալից 2019 թ․ ապրիլի 14-ին. Վերցված է 2020 թ․ հունվարի 27-ին.
  13. ↑ «Eminem's rare debut album released free online». New Musical Express. 2009 թ․ մայիսի 14. Արխիվացված է օրիգինալից 2013 թ․ ապրիլի 4-ին. Վերցված է 2020 թ․ հունվարի 27-ին.
Ստացված է «https://hy.wikipedia.org/w/index.php?title=Infinite_(ալբոմ)&oldid=9467747» էջից