Վիջեյ Էսվարան
| Վիջեյ Էսվարան Vijay Eswaran | |
|---|---|
 գործարար, բարեգործ | |
| Ծնվել է | հոկտեմբերի 7, 1960[1] (63 տարեկան) |
| Ծննդավայր | Պինանգ, Մալայզիա |
| Քաղաքացիություն |  Մալայզիա |
| Կրթություն | Լոնդոնի տնտեսության և քաղաքական գիտությունների դպրոց |
| Մասնագիտություն | գլխավոր գործադիր տնօրեն և գործարար |
| Կայք | Vijay Eswaran |
Վիջեյ Էսվարան (անգլ.՝ Vijay Eswaran, հոկտեմբերի 7, 1960[1], Պինանգ, Մալայզիա), մալայզիացի գործարար է[2], Հոնկոնգում տեղակայված QI միջազգային ընկերությունների խմբի գործադիր նախագահը։ Նաև բարերար է[3] և գրքերի հեղինակ[4]։ Մալայզիայում նրան շնորհել են "Դաթո" [1] պատվավոր տիտղոսը։
Կենսագրություն[խմբագրել | խմբագրել կոդը]
Վիջեյ Էսվարանը ծնվել է 1960 թվականի հոկտեմբերի 7-ին Մալայզիայի Պինանգ կղզում։ 1984 թվականին, ավարտելով Լոնդոնի տնտեսագիտական դպրոցը, ստանում է սոցիոլոգիական տնտեսագետի աստիճան։ Դրանից հետո նա մեկ տարի մնում է Եվրոպայում, որտեղ տարբեր աշխատանքներ է կատարում, այդ թվում Բելգիայում աշխատում է շինարարությունում, խաղող է հավաքում Ֆրանսիայում և տաքսու վարորդ աշխատում Լոնդոնում։
QI Group[խմբագրել | խմբագրել կոդը]
1998 թվականին, երբ նա վերադառնում է Ասիա, հիմնադրում է ցանցային մարքետինգի մի ընկերություն, որը տարիների ընթացքում աճում է, դառնալով այժմյան "QI Group" խոշոր ընկերությունը, որն զբաղվում է էլեկտրոնային կոմերցիայով ճանապահորդությունների, բժշկական սարքերի, հեռահաղորդակցության, ժամացույցների, ոսկյա զարդերի, կոլեկցիոն մետաղադրամների և ուսուցման ոլորտներում[5]։ Ներկայումս "QI Group" ընկերությունների խումբն ունի տարածաշրջանային գրասենյակներ Հոնկոնգում, Սինգապուրում, Թաիլանդում և Մալայզիայում, ինչպես և ներկայացուցչություններ աշխարհի շուրջ 180 երկրներում, այդ թվում նաև Հայաստանում[6]։
Խոսնակ և հեղինակ[խմբագրել | խմբագրել կոդը]
Վիջեյ Էսվարանը դասախոսություններ է վարել առաջատար համալսարաններում կառավարման և առաջատարության թեմայով, այդ թվում վարել է "Համագործակցության Երկրների Բիզնես Համագումարը" Ուգանդայում և Թրինիդադ և Տոբագոյում 2007 թվականին, վեցերորդ "Pravasi Bharatia Divas" համագումարը Հնդկաստանում[7], «Միջազգային գործարարության և լիդեռների ֆոռում» Բրյուսելում[8] և 2010 թ. "Միջազգային Տնտեսագիտական Համագումար"-ի Արևելյան Ասիայի ժողովը Վիետնամում։
Իր առաջին "In the Sphere of Silence" գրքում նա նկարագրել է իր փիլիսոփայության հիմքերը։ Գիրքը թարգմանվել է գերմաներեն, հոլանդերեն, ինդոնեզերեն, չինարեն, արաբերեն և պարսկերեն լեզուների, նաև հրապարակվել է ամերիկյան հեղինակավոր USA Today օրաթերթում[9] և Ֆորբս ամսագրում[10]։ Էսվարանը առաջինն է հիմնել "Օրվա միտք" ինտերակտիվ ծրագիրը[11]։ Իր երկրորդ գիրքը ստացավ "In the Thinking Zone" անվանումը, ներառելով TOD-ծրագրի հիմունքները, թողարկվեց 2008 թ. մայիսին։ 2010 թ.-ին լույս տեսավ երրորդ "18 Stepping Stones" գիրքը, և ահա 2011 թվականին հրատարակվեց իր չորրորդ "On the Wings of Thought" գիրքը, որտեղ Էսվարանը ցուցադրել է իր լուսանկարչական ունակությունները[12]։
Բարեգործություններ[խմբագրել | խմբագրել կոդը]
Դաթո Վիջեյ Էսվարանը "QI Group"-ի շրջանակներում հիմնել է RYTHM Foundation բարեգործական հիմնադրամը[13]։ Մալայզիայում հիմնել է "Վիջեյարաթնամ" հիմնադրամը, իր հոր պատվին, որպեսզի շարունակի 60 տարի առաջ սկսած իր հոր բարեգործական աշխատանքը[14]։ Հիմնադրամի և սեփական կարողությունների շնորհիվ օգնել է կարիք ունեցող բազում հոգևոր և մշակութային կենտրոններին և առողջական խնդիրներով մարդկանց, հիմնականում երեխաներին[15]։ 2011 թ. հուլիսին "Forbes Asia" հեղինակավոր պարբերականի կողմից Վիջեյ Էսվարանին տեղադրել է "Բարեգործության 48 հերոսներ" ցանկում[16]։
Մրցանակներ և պարգևատրումներ[խմբագրել | խմբագրել կոդը]
2006 թվականի վերջում Վիջեյ Էսվարանը ստանում է Պահանգի Մեծ Թագի ասպետի պատվավոր կոչումը[17], որն իրեն է շնորհել Մալայզիայի Պահանգ նահանգի սուլթան Ահմադ Շահի կողմից։ Ըստ դրա, այսուհետ նա կրում է "Դաթո" տիտղոսը։
2011 թվականի հունվարին պարգևատրվել է "GOPIO" (Հնդկական ծագում ունեցող գործարար) կազմակերպության կողմից Մալայզիայում մեծածավալ բիզնես զարգացնելու համար։
2011 թվականի մայիսին Վիջեյ Էսվարանին Շվեյցարական մենեջմենթի կենտրոնի SMC համալսարանի կողմից արժանացել է պատվավոր դոկտորի կոչմանը[18]։
Անձնական կյանքը[խմբագրել | խմբագրել կոդը]
Վիջեյ Էսվարանը տարիքով ամենաավագն է եղբոր և երկու քույրերի միջև։ Նա պարբերաբար բնակվում է Մալայզիայում, Հոնկոնգում, Սիդնեյում և Լոնդոնում։ Նրա կինը՝ Ումայալ Էսվարանը, հանդիսանում է "Vijayaratnam" բարեգործական հիմնադրամի նախագահը[19]։
Արտաքին հղումներ[խմբագրել | խմբագրել կոդը]
- Վիջեյ Էսվարանի պաշտոնական կայքը
- QI Limited Արխիվացված 2011-11-01 Wayback Machine
- Վիջեյ Էսվարանի կայքերը Արխիվացված 2011-09-05 Wayback Machine
- In the Sphere of Silence-publisher=Book Clearing House Արխիվացված 2011-09-12 Wayback Machine
- Confederation of Indian Industry Արխիվացված 2007-12-14 Wayback Machine
Ծանոթագրություններ[խմբագրել | խմբագրել կոդը]
- ↑ 1,0 1,1 Դավոս 2014 մասնակիցների ցանկ
- ↑ «Commonwealth Business Council: Peoples: Vijay Eswaran». Արխիվացված է օրիգինալից 2011 թ․ հուլիսի 21-ին. Վերցված է 2011 թ․ սեպտեմբերի 26-ին.
- ↑ RYTHM Foundation
- ↑ Vijay Eswaran - In The Sphere Of Silence
- ↑ Hong Kong's QI Group builds on Thai "destination" plans
- ↑ BERNAMA - Qi Group's Sales Value To Surpass US$1 Billion By Year-End
- ↑ «India poised to become education hub, says Sibal». Արխիվացված է օրիգինալից 2011 թ․ սեպտեմբերի 25-ին. Վերցված է 2011 թ․ սեպտեմբերի 26-ին.
- ↑ «6th Conference on Ethics in Business – Corporate Culture & Spirituality». Արխիվացված է օրիգինալից 2009 թ․ դեկտեմբերի 21-ին. Վերցված է 2011 թ․ սեպտեմբերի 26-ին.
- ↑ Advice from the Top: CEO succeeds through silence > USA Today
- ↑ «Book Review: The Sound Of Silence. Publisher - FORBES». Արխիվացված օրիգինալից 2012 թ․ սեպտեմբերի 16-ին. Վերցված է 2012 թ․ սեպտեմբերի 16-ին.
- ↑ The thought of the day
- ↑ On the Wings of Thought by Dato’ Vijay Eswaran
- ↑ «RYTHM Foundation supports Bihar flood rehabilitation projects». Արխիվացված է օրիգինալից 2012 թ․ հոկտեմբերի 16-ին. Վերցված է 2011 թ․ սեպտեմբերի 27-ին.
- ↑ «Vijayaratnam Foundation: About Us». Արխիվացված է օրիգինալից 2010 թ․ փետրվարի 5-ին. Վերցված է 2011 թ․ սեպտեմբերի 27-ին.
- ↑ «The Star (Malaysia) - Cheer for children with cancer». Արխիվացված է օրիգինալից 2012 թ․ հոկտեմբերի 16-ին. Վերցված է 2021 թ․ դեկտեմբերի 29-ին.
- ↑ Forbes Asia: 48 Heroes Of Philanthropy
- ↑ «Dato' Vijay Eswaran, GMD of the QI Group and QuestNet Founder Receives Honorary DIMP Award». Արխիվացված է օրիգինալից 2011 թ․ սեպտեմբերի 3-ին. Վերցված է 2011 թ․ սեպտեմբերի 28-ին.
- ↑ Honorary Doctorate for Vijay Eswaran(չաշխատող հղում)
- ↑ «Board of Governance». Vijayaratnam Foundation. Արխիվացված է օրիգինալից 2011 թ․ հուլիսի 22-ին. Վերցված է 2012 թ․ հուլիսի 12-ին.