Վահե-Անդրե Հեքիմյան
Վահե-Անդրե Հեքիմյան | |
|---|---|
| Ի ծնե | Վահե-Անդրե Հեքիմյան |
| Ծնվել է | մայիսի 14, 1914 |
| Ծննդավայր | Օրդու, Տրապիզոնի վիլայեթ, Օսմանյան կայսրություն |
| Վախճանվել է | նոյեմբերի 21, 1997 (83 տարեկան) |
| Մահվան վայր | Փարիզ |
| Մասնագիտություն | նկարիչ |
Վահե-Անդրե Հեքիմյան (մայիսի 14, 1914, Օրդու, Տրապիզոնի վիլայեթ, Օսմանյան կայսրություն - նոյեմբերի 21, 1997, Փարիզ[1]), գեղանկարիչ։
Կենսագրություն[խմբագրել | խմբագրել կոդը]
Վահե-Անդրե Հեքիմյանը ծնվել է Արևմտյան Հայաստանի Տրապիզոնի վիլայեթի Օրդու քաղաքում։ Հայոց ցեղասպանության ժամանակ որբացել է, հայտնվել է Կոստանդնուպոլսի որբանոցներից մեկում, այնուհետև հաստատվել Գրաս քաղաքում, 1924 թվականից ապրել Փարիզում[2], որտեղ զբաղվել է լուսանկարչությամբ և զանազան արհեստներով։ 1937-1945 թվականներին եղել է զինվորական ծառայության մեջ, մասնակցել երկրորդ համաշխարհային պատերազմին։ 1953 թվականից զբաղվել է նկարչությամբ։ Վահե-Անդրե Հեքիմյանի կտավներին բնորոշ են հագեցած կոլորիտը, գունածավալների ռիթմիկ խմբավորումը, պատկերման պայմանականությունը։ Անհատական ցուցահանդեսներ է ունեցել Գրոսում, Նիցցայում, Լիոնում[3], ԱՄՆ-ում։ 1983 թվականին այցելել է Հայաստան։
Հեքիմյանի աշխատանքներից գտնվում են Հայաստանի ազգային պատկերասրահում[4]։
Ստեղծագործություններ[խմբագրել | խմբագրել կոդը]
- «Օրդու», 1961
- «Նատյուրմորտ», 1969
- «Ադանա»
- «Տրապիզոն»
- «Հայկական երգ»
- «Զեյթուն»
Ծանոթագրություններ[խմբագրել | խմբագրել կոդը]
- ↑ Vahé HEKIMIAN (1915-1997)
- ↑ Baghdasaryan, Aram. «AV Production - Վահե Հեքիմյան». avproduction.am. Արխիվացված է օրիգինալից 2019 թ․ մարտի 6-ին. Վերցված է 2017 թ․ մայիսի 14-ին.
- ↑ «Հայ կերպարվեստագետներ, համառոտ բառարան», Դանիել Դզնունի, «Լույս» հրատարակչություն, Երևան, 1977։
- ↑ Վահե-Անդրե Հեքիմյանի ստեղծագործությունները ՀԱՊ-ում