Վահան Մխիթարյան (լողորդ)
Անվան այլ կիրառումների համար տե՛ս՝ Վահան Մխիթարյան (այլ կիրառումներ)- Վիքիպեդիայում կան հոդվածներ Մխիթարյան ազգանունով այլ մարդկանց մասին։
| Վահան Մխիթարյան | |
|---|---|
| Անձնական տեղեկություն | |
| Սեռ՝ | արական |
| Ազգություն՝ | հայ |
| Մասնագիտացում՝ | լող |
| Երկիր՝ |  Հայաստան |
| Ծննդյան ամսաթիվ՝ | օգոստոսի 16, 1996 (27 տարեկան) |
| Ծննդավայր՝ | Երևան, Հայաստան |
| Մարզիչ(ներ)՝ | Միսակ Գաբրիելյան |
Վահան Մխիթարյան (օգոստոսի 16, 1996, Երևան), հայ լողորդ։ Հիմնական լողաոճերն են՝ 50 և 100 մետր ազատ, 50 մետր բատերֆլայ[1]։ Անձնական մարզիչն է Միսակ Գաբրիելյանը[2]։
Վաղ տարիներ[խմբագրել | խմբագրել կոդը]
Ծնվել է 1996 թվականի օգոստոսի 16-ին, Երևանում։ 5 տարեկանից զբաղվում է լողով։ 6 ամիս հաճախել է մարմնամարզության։ Դպրոցն ավարտելուց հետո ծառայել է հայոց բանակում[2]։
Կարիերա[խմբագրել | խմբագրել կոդը]
Հայաստանի բազմակի չեմպիոն է, նորամուտը նշել է 2012 թվականի Հայաստանի առաջնությունում, 2013 թվականին Բարսելոնայում հանդես է եկել Աշխարհի երիտասարդական առաջնությունում, նույն թվականին Բրազիլիայում կայացած Գիմնազիադայում նվաճել է բրոնզե մեդալ[2]։ Նանկին-2014 պատանեկան օլիմպիական խաղերի մասնակից, Հայաստանի հավաքականի դրոշակակիր[3]։ Նանկին-2014-ի ուղեգիր նվաճել է 2013 թվականին Բարսելոնայի աշխարհի երիտասարդական առաջնությունում և 2013 թվականին Դուբայում կայացած աշխարհի պատանիների առաջնությունում վարկանիշային միավոր ձեռք բերելու արդյունքում[1]։ Միջազգային կարգի սպորտի վարպետի նորման լրացրել է 2014 թվականի Հայաստանի առաջնությունում[2]։ Ռիո-2016-ի մասնակից է։ Այս մրցաշարում նույնպես եղել է Հայաստանի հավաքականի դրոշակակիրը[4]։
Անձնական կյանք[խմբագրել | խմբագրել կոդը]
Ամուսնացած չէ։ Փոքր տարիքից մետաղադրամ է հավաքում։ Իր հավաքածուն արդեն համալրել է 60 երկրի մետաղադրամներով։ Կուռքը օլիմպիական չեմպիոն Ալեքսանդր Պոպովն է[2]։ Վահանի կրտսեր քույրը և եղբայրը նույնպես հետաքրքրվում են լողով[5]։