Վահանակերպ Գրոսհեյմի
Վահանակերպ Գրոսհեյմի | |
Վահանակերպ Գրոսհեյմի | |
Դասակարգում | |
Թագավորություն | Բույսեր (Plantae) |
Տիպ/Բաժին | Անոթավոր բույսեր (Tracheophyta) |
Ենթատիպ | Սերմնավոր բույսեր (Spermatophytes) |
Կարգ | Կաղամբածաղկավորներ (Brassicales) |
Ընտանիք | Կաղամբազգիներ (Brassicaceae) |
Տրիբա | Thlaspideae |
Ցեղ | Peltariopsis |
Տեսակ | Վահանակերպ Գրոսհեյմի (P. grossheimii) |
Միջազգային անվանում | |
Peltariopsis grossheimii |
Վահանակերպ Գրոսհեյմի (լատին․՝ Peltariopsis grossheimii), խաչածաղկավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Բազմամյա, նուրբ խոտաբույս է, որն ունի (5) 10-20 սմ բարձրություն։ Ցողունը հիմքից փռված և ճյուղավորված է։ Ստորին տերևները կլորավուն և երկար կոթուններով են, իսկ ցողունային տերևները` երկարավուն֊թիաձև, հիմքում` նեղացած։ Ողկույզները խիտ են, ծաղիկները` սպիտակ։ Պտուղը պատիճակ է, որի երկարությունը 4-6 (8) մմ է, լայնությունը` 2-3 մմ[1]։
Տարածվածություն[խմբագրել | խմբագրել կոդը]
Հայաստանում հանդիպում է միայն Մեղրու ֆլորիստիկական շրջանում ⟨Ագարակի շրջակայք)։ Տեսակը, բացի Հայաստանից, աճում է նաև Նախիջևանում[1]։
Էկոլոգիա[խմբագրել | խմբագրել կոդը]
Աճում է ստորին լեռնային գոտում՝ ծովի մակարդակից 500-900 մ բարձրությունների վրա, Զանգեզուրի լեռնաշղթայի ժայռալանջերին։ Ծաղկում է ապրիլ֊մայիս ամիսներին, պտղաբերում՝ մայիսին[1]։
Պահպանություն[խմբագրել | խմբագրել կոդը]
Կրիտիկական վիճակում գտնվող տեսակ է։ Տեսակին սպառնում է անհետացում` կապված բնակության միջավայրի կորստի և փոփոխության հետ։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ։ CITES-ի և Բեռնի կոնվեցիաների հավելվածներում բացակայում է[1]։
Պահպանության միջոցառումներ չեն իրականացվում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
Վիքիցեղերն ունի նյութեր, որոնք վերաբերում են «Վահանակերպ Գրոսհեյմի» հոդվածին։ |
|
|